مع أم ضد...الزواج من زميلتك في الجامعة؟؟

مشاركة : 3

NooR Al$aaam

عضــو فضـي

اللهم لك الحمد حتّى ترضى

مسجل منذ: 05-01-2012
عدد المشاركات: 1295
تقييمات العضو: 487
المتابعون: 118

غير موجود
اشــترك بالتحديثات
رسالة مستعجلة

رد مشاركة : مع أم ضد...الزواج من زميلتك في الجامعة؟؟

20-03-2012 12:26 PM

خلينا نكون واقعيين شوي ....

بالنسبة للواقع يلي نحنا عايشين في ...

يا بتلاقي شب دارس ومخلص دراسة ومو ملاقي شغل ...أو ما عم يشتغل أي شغلة ...

أو بتلاقي شب لا دارس ولا عم يدرس ولا عم يشتغل ( وهون كااااااارثة )

يا بتلاقي شب مو دارس وما معو أي شهادة وعم يشتغل ..

وبالنسبة لشغل أي شب ببداية حياته دارس أو غير دارس فأكيد رح يكون أول بأول أو غير مستقر ..

يعني يوم في شغل و عشرة ما في ..

هلأ بوقتنا صار الموظف ما بيقبل ياخد إلا موظفة ومثبتة كمان( وهون بيشتغلوا الاثنين وما بيلحقوا )

يعني بهي الحالة حتى الرجال صار يتشرط ويدلل ..

وشوفت عينك هلأ الناس ما عاد حدا عجبوا أنو يعيش أول بأول ...

والأهل عم يرفعوا المهر ويكتروا الشروط ....وإذا مو بيت من بابوا ما حدا عم يرضى يزوج ..

والبنات نفس الشي ما بيرضوا ياخدوا الشب إذا ما كان مفصل تفصيل متل ما بدها ...

يعني ما بعرف كيف بدها تزبط أنو شب جامعي وبدو يتزوج ...

يعني الشباب يا حرام فوق دراستهن وفوق أنو ما في شغل كمان عندهن هم خدمة العسكرية

يلي بتكسر الضهر ...

هلأ تصور أنو في شباب بعمر 20 سنة وأحياناً أكتر ولسا عم ياخدوا مصروف الدراسة وغيرها

من أهلهن ....يعني كيف بدهن يتزوجوا ويفتحوا بيت ..؟؟؟؟؟؟

يعني هلأ إذا مو أهل الشب هني يلي بيعمروا البيت أو بيكونوا مجهزينوا ويعطوا لأبنهن يمكن

كان الشب عاش عمروا كلوا لحتى يجمّع حق غرفة وما بتنجمع معو...

وبالنسبة لسمعة الجامعات عنّا بالبلد بصراحة سيئة للغاية ....

وبعض الأهل عم يخافوا يبعتوا بناتهن عالجامعات ...

وبصراحة في نقطة كتر مهمة عند العرب بشكل عام وهي خلط الأمور ..

مثلاً : بنلاقي عند الغرب أنو وقت العمل للعمل , وقت التسلاية تسلاية ..

والجامعة هيي مكان للدراسة وأخذ العلم فقط ,, أمّا الجامعات في بلداننا العربية فهي للتسلية وتضييع

الوقت ,, وفي طلاب بتروح وبترجع من الجامعة دون أي فائدة وأكبر دليل على ذلك نسبة الرسوب

ونسبة العلامات الهابطة أو المتدنية ...

ففي جامعاتنا يخلط الطلاب بين العمل والعاطفة ...ولكن :

يجب أن يكون وقت للعمل فقط ولا شيء غير العمل ....

أما التسلية أو مضيعة الوقت فلها وقت آخر ( لمن أراد ذلك )
...

تقبل مروري .....وأنا هاد رأيي مع أحترامي الشديد لجميع الآراء ...

سلامي للجميع .....

وبالتوفيق للجميع ....

لن أمر في طريق هذه الحياة سوى مرة واحدة

لذا .....

فدعني أُبدي ما أستطيع أن أُبديه من شفقة ورحمة

ودعني افعل كل الخيرات التي أستطيع فعلها لأي إنسان

دعني أفعل ذلك الآآآآآن ..

دون تأخير أو إهمال

فلن أمر من هذه الطريق مرة أُخرى

..(( وتبقى الذكرى ناقوس ... يدق في عااااالم النسيان ))..

أنت غير مسجل لدينا.. يمكنك التسجيل الآن.