تخيل أنو هي البنت الماشية بالطريق هي
أختك بنت أمك و أبوك
ماشية قدامك بالطريق بكل احترام
و إجا شوية شباب (ليلطشوها)
و يغازلوها
''""
شو يا حلوة
شو هالجسم الحلو
عبرنا ياحلو
ما بيطلعلنا بوسة
""
و كلمات أسوأ ما فيني أذكرها هون ... ولا بأي مكان
بهيك موقف شو ممكن تتصرف البنت ؟
اذا كانت متأكدة إنك جنبها فأكيد ما رح تسكتلون
أكيد مارح تسكت وترضى إنو ياكلوها بعيونن و بألسنتن
لأنها متأكدة إنك ما رح تخليهن يؤذوها
يعني
إذا كانت متأكدة إنو في حدا حوليها -ممكن- يدافع عنها أكيد ما رح تسكت

أما لما
تتطلع حواليها و ما تلاقي مين يخاف عليها و يهتم فيها
رح تمشي و تسمح لكلماتن الحقيرة إنها تجرحها و تحرقها
وتسكت
مرة عمرة
هييييك لحتى تتعود تسمع هالكلمات الي بتجرح بشرفها وكرامتها

و  أكيد هالشي ما بترضى إنو يصير مع أختك
لازم البنت الشريفة لما تمشي بالطريق تكون متأكدة إنو رح تلاقي حواليها (أخ) يحامي عنها إذا انحطت بموقف متل هداك
و ما تخاف عحالها بأي مكان لأنها بتعرف إنو في إلها واحد متلك ....واحد في شرف ..
إنو في إلها  أخ


مشان هيك أخي
لما تكون أختك بالطريق
و حدا غلط معها و لو بكلمة
لازم تلاقيك جنبها
لازم تعرف انها غالية و مو رخيصة
ولازم ما تخلي حدا يغلط بحقها


لا تنسى إنو
كل بنت شريفة هي أختك

بجد إنك gentelman
ياريت كل الشباب بيفكروا متلك
كنا نقول أنو البنت هي اللي بتجيب المشاكل لنفسها باعتبار لابسة شي مغري أو مظهرة مفاتنها
بس هلأ اللي عم نشوفو أنو حتى اللي لابسة متل ستي عم ينالو منها أقل شي بالكلمات القذرة
يعني أنا مثلا بعرف وحدة بعمري منقبة وكل مابتطلع من البيت تتلقى دعوة من أحدهم لتركب في سيارته
كأنو مفكرين أنو كل وحدة منقبة هي مخبية حالها أو من اللي مخبايين بتيابون

اي شباب أنتو شو رأيكن؟؟؟

احسن شي لا حول ولا قوة الا بالله

The Lord

هاد من زوئك


لو البنت ما لائت اهتمام من الشباب بلباسها المغري و بمفاتنها
ما كانت لبست اللي لبستو

اتخيلوا إنو كل بنت مانها لابسة لباس ساتر عفيف .. بتلاقي استهجان من المجتمع ... ومن الشباب بشكل خاص

بس الحق عالشباب إنهن استغلوا غلط البنت ... و أعطوها إهتمام كبيييير لما شافوها مغرية وخلوها تحس إنو بتزيد قيمتها كل ما زاد عرضها لجمالها ومفاتنها


لو إنها ما لاقت قبول ما كانت استمرت عغلطها

واللي أعطاها هاد القبول هنى الشباب

يعني الشباب والبنات مشتركين بشكل مناصف تماما أو حتى الشباب أكتر
بهي المشكلة


ولا شو رأيكن شباب ؟؟

شكرا لك اخ gentleman

للاسف اصبحنا في وقت تكره  الفتاة فيه احيانا الخروج من منزلها

لانها تعلم انه لو ازعجها احدهم ...فلن تجد من يدافع عنها !!!

ولو ان هناك من يوبخ اولئك التافهون...لوجدناهم يخافون حتى النظر الى الفتيات
 

رائع كتير جنتل مان وبيستاهل لايك هالموضوع

بجد المعاكسات شي مؤذي وبيجرح الوحدة وبيحرجها
...........
يعني والله بالرغم من اني محجبة حجاب كامل ، وبألبس الجلباب ، لكن كتير معاكسات بتخجل بأسمعها ، والله بيكون نفسي تنشق الارض وتبلعني ..
..............
واسمع هالموضة
مرة كان شاب بيمشي ورايا وبيحدف كلام وبيغازل ، قام إجا شاب وبهدلو وضربو
أنا قلت : الله بعتلي حد ينقذني
قام ..بتعرف شو عمل ؟؟؟
كمل هو الطريق يعاكسني !!!!!!!!!!!!!!!!!!
......
يعني شي بيغيظ
وبعدها حرّمت أروح من المدرسة مشي

....................
حكيت كتير ،،، تقبل مروري
وبأشكرك كمان مرة على الموضوع كتير أخلاقي وحلو

أهلا وميت سهلا


حاولو نشر تلك الرسالة ....


لعلها تنخي من به نخوة



جزاكم الله ألف خير



بس بصراحة .. أنا توقعت تفاعل أكبر من هيك بكتيييير .......

ما مشكلة عم استنى

بعد ما قرأت الجملة اللي بعد " بتعرف شو عمل ؟؟؟ "

هيك صار فيني
       



و الله ما بعرف وين راحت النخوة والشرف والأخلاق

معقول هيك ... صرنا شباب سوريا .... بلا أخلاق !!!؟؟؟


نحنا ما لازم نقول    " الله يعين "
أو " لا حول ولا قوة إلا بالله "

و نسكت ... و ننسى ...

لازم نعمل شي ... بس شو ؟

شكراً  كتير أخ gentelman

على الموضوع أنا كتير انبسطت لما شفت هيك موضوع 

تقبل مروري

شكراً gentelman على الموضوع الحلو أنا بنزعج كتير من هالواقع و بخاف أحياناً بس الحمدلله في ناس فيهون نخوة  إلا إذا مشيت و اضطريت امشي تحت الجسر بضل حاطة ايدي على قلبي أو قدام حديقة تشرين  بس أنا بتلطش كتير بس ما بسمع شو عم ينحكىو الحمد لله  و عنجد أحياناً بحس بالتشاؤم وماعت بحس إنو في سعادة برا البيتو هادا غير لما بتطلع بالباص الكبير بتحس العيون لح تالكني  الله يبعد عنا ولاد الحرام