انا يا ستي بدي ضيفلكم طبخة سهلة ولزيزة

بسم الله الرحمن الرحيم

............................................

المقادير ...

كبدة

بقدونس (حزمة كاملة مو كم ورقة)

توم وفلفل اخضر

فلفل احمر

..................

طريقة العمل

1.بنقطع الكبدة قطع صغيرة وبنغسلها بالماء والليمون وقطرتين زيت ، وبنحطها بالمصفاية على جنب

2.بنلقط البقدونس وبنقطعه وبنغسله منيح

3.نحضر كم درس توم 3 او 4 وبندقهم مع قرنين فلفل اخضر

4.ندهن صينية الفرن بزيت القلي

5.نضع الكبدة والبقدونس و التوم المدقوق مع الفلفل ،،في صينية الفرن

6.نضيف كم ملعقة فلفل احمر ( على قد ما بتحبو حرّاق )

7.بنضيف الملح والفلفل الأسمر والبهار

8.بنقلبهم كلهم مع بعض ،، وبنفرد المقادير بالصينية

.......................................

بالنسبة لزمن الطهي .. بدها من نصف ساعة إلى ساعة إلا ربع

ملاحظة ..

اذا بفرن الكهربا ..طول الوقت بتكون بالطبقة يلي فوق

اذا بالفرن العادي ... بنحطها شوي فوق بعدين بنزلها تحت ..

وبنضل نشقر عليها بلاش تنشف ...

............

بأحب أحطها بصحن كبير مسطح

وأقطع قطع ليمون مدوّرة ،، وقطع بندورة مدوّرة على أطراف الصحن

...............

وصحة وعافية

 

وبدي أضيفلكم سلطة سهلة بنعملها مع السمك

للناس يلي بتحب الاكل الحرّاق

......................................

المقادير

بصلة

صلصلة بندورة

بقدونس

فلفل احمر

............

طريقة العمل

بنقطع البصلة  مكعبات ..

وبنفرم البقدونس فرم ناعم ... وبنضيف البقدونس للبصل

بنحط معلقتين صلصلة كبار ومعلقة فلفل احمر وبنخربطهم سوا

بعدين بنضيف البقدونس والبصل لصحن الصلصة والفلفل

بنقلبهم مع بعض .. راح تكون جامدة .. بنضيف كم معلقة  ماء .... لحتى يسير قوامها حلو

وبنرش بالآخر نتفة كمون صغنونة

...........................

بالنسبة لاضافة الصلصة والفلفل الاحمر يعني حسب الحاجة .. ما تتقيدوا بالمعلقة والمعلقتين

اممممممممممممممممممممممم  شوي شوي  رح دوخ وما بحسن قاوم هالشي أبدا  ......
 
يعطيكي العافية   

هههههههههه

اسمع جرب شي منهم

واحكيلي شو صار معك

coder

(( صحن بيتزا كبير .. ))

  قصدك عجينة ؟؟ وشو دخل الخبز

ويسلمن 


مراقب أدوية ..

بتعرف أنو أطيب أكله عندي المقلوبة    وهالأكلة كتير ألها طرق لتنطبخ 

بس معقول كل كاسة رز كاستين مي بعرف كاسة بكاسة مو ؟؟

سجود 

يسلمن وأكيد رح جربن 

في بالامكان جاوب انا ع سؤالك مشان المقلوبة
المي بتنحط للرز على حسب نوعه
يعني المصري الصغير بينحط كاسة مي كاسة رز
اما رز الكبسة الطويل فيجي وضع كاسة رز كاسة ونص مي



بدي حطلكن هالسلطة انا كتييييييير بحبها وسهلة كتير
بندورة
خيارة
فليفلة خضرا
ذرة
بقدونس
تفرم فرم متوسط قريب الى الناعم
وتوضع فوقها شوية جبنة مبشورة
وخل وزيت وملح
وصحة وهنا
ومرة تانية رح حط عيار كاتو الانناس

طيب وهاد كاتو الانناس
المقادير

٦ بيض ٢ ١⁄٢ كوب طحين ٢ كوب سكر ٠,١١ رطل زبدة ١,١ رطل أناناس, شرائح أو علبة ١ ملعقة صغيره فانيلا ٢ ملعقة صغيره بايكينغ باودر للتزيين: ٠,٢٢ رطل جوز
٦ بيض ٢ ١⁄٢ كوب طحين ٢ كوب سكر ٥٠ غرام زبدة ٥٠٠ غرام أناناس, شرائح أو علبة
١ ملعقة صغيره فانيلا ٢ ملعقة صغيره بايكينغ باودر للتزيين:
١٠٠ غرام جوز 

طريقة التحضير   

١. توضع الزبده مع كوب سكر في صينيه متوسطة اgحجم على نار هادئه حتى تذوب الزبده و يصبح لون السكر اشقر ويوزع على كل الصينيه.
٢. ثم نضع شرائح الاناناس في قعر الصينية مع وضع الجوز داخلها مباشرة.
٣. يخفق البيض مع الفانيليا و يضاف كوب سكر و يخفق جيدا.
٤. يضاف عصير الاناناس الموجود داخل العلبه و يستمر بالخفق.
٥. يوضع الطحين تدريجيا مع البايكنغ باودر و يحرك ببطئ .
٦. يوضع المزيج في الصينيه، وتدخل في فرن بحراره 170 درجه مدة 45 دقيقة.

بدي أطبخلكُن اليوم أكلة كتير بحبا و هي السفرجلية
لا حدا يألي لأ غلط نحنا هيك منطبخا ,طريقتي هي الأصح لأن الحلبية مشهورين بهالأكلة

القادير :

1- ثلاث حبات سفرجل
2- واحد كيلو لحمة قطع ( و يُفَضَل أن تكون بعضمها لأنو أطيب )
3- ست ملاعق كبيرة مية بندورة أي ( معجون طماطم )
4- قنينة عصير رمان
5- رأس ثوم كامل
6- ملعقة صغيرة نعناع
7- ملعقة كبيرة ملح
8- ثلاث ملاعق كبيرة سكر

الطريقة :

- نسلق اللحمة على النار حتى تنضج , و نُقَطِع حبات السفرجل إلى قطع متوسطة الحجم .

- نضع مية البندورة بعد إذابتها في الماء فوق اللحمة و السفرجل , و نضيف عصير الرمان فوقهم مع السكر و الملح .

- نسحق الثوم في الهَوَن أو الهاوِن , ثم نضيفه هو و النعناع فوق الطبخة .

- عند النضج تُسكب السفرجلية و تقدم .
طبعاً بتاكلوها مع الرز

في ناس بياكلوا كبة مع السفرجلية و يسمونها ( كبة سفرجلية ) عوضاً عن الرز
بس أنا بحبا مع الرز أكتر


و صحتين و هنا


نصيحة صغيرة لمن لا يعلمها :

أبل ما أنسى بدي ألكُن كيف بترَوحوا زنخة اللحمة , لأن بعض أنواع اللحوم يكون فيها رائحة زنخة
عند سلق اللحمة القطع , ضعي سبع حبات قرنفل + ست ورقات غار + عشر حبات هيل + رشة بهار + رشة زنجبيل مطحون

على فكرة لاتضي الملح قبل نضج اللحمة كي لا تتأخر في السواء أو النضج .


       

انشالله يسلم ايديكن ..

أنا بحس أكل الحلو عملو أصعب شي وبدو فن ودققققة بالمقادير وطريقة التحضير ... بس أكيد ما بيصعب على الصيدلي الشيف .. لأنو آخد دورات كتير بهالخصوص ;)

بس يا ريت تعلمونا شوي عن الفاست فودز (أكل الجانكس يلي ماله طعمة يلي أنا بحبه ههههه :P)

ومتل ما قالت "miss nice" شو مشان شم ولا تدوووق

لك ويييين الصور ..؟؟؟؟؟؟