الله يرحمها ويشل الايد اللي انمدت عليها وسرقت ضحاتها وايامها
يعني شو ؟؟؟
كيف انقتلت وليش لانو طلعت مظاهرة؟؟؟
يا ترى وين بالمعتقل ولا باللي كان اسمه"حرم"جامعي؟؟؟

بس اللي بيجنن اهل الشهداء صرت بعرف كذا شهيد وما بيكتبوا شهيد
ليشششش؟؟؟
كمان هي بدن يمنعوها لا بحياتنا ولا بموتنا منخلص منن

الله اكبر على كل من طغى وتجبر احسن شي

هذا هو  الخبر كما ورد البارحة على إحدى صفحات الفيس بوك


بعد الحملة البربرية التي تعرضت لها جامعة القلمون يوم الاربعاء من قبل عصابات الأمن و الشبيحة الأسدية فقد اعتقل العديد من الطلاب و من بينهم الطالبة رشا البوش و هي طالبة طب بشري سنة أولى ...و اليوم الخميس في 24/11 تم تسليم جثمانها لأهلها في حماه من قبل فرع الأمن العسكري و تم تشيع جثمانها الطاهر من جامع المدفن في حماه و قد أجبر الأمن أهلها على التوقيع بأن ابنتهم قد توفيت إثر حادث سيارة ..

لا حول و لا قوة إلا بالله ..

تنسيقية جامعة القلمون

رحمها الله و أدخلها فسيح جناته

و ألهم أهلها الصبر و السلوان

و لا حول و لا قوة إلا بالله

_________________________

و لكن الحق يقال..

مع احترامي لناشري الخبر

هل أنتم متأكدون (و أنا لا أكذبكم طبعاً)؟

كنت هناك يومها و رأيت ما رأيت و سمعت ما سمعت و أصابني بعدها ما أصابني

لكن الشيء الوحيد الذي لم أسمعه كان صوت إطلاق النار

فهل ياترى لم يكن هناك حقاً إطلاق نار؟؟

أم أن الأزيز و الصفير و الصياح و خلايا النحل في هذا العالم كله

التي كانت مجتمعة في رأسي بسب ماجرى

منعتني من سماع صوت إطلاق النار؟؟

و الله أعلم

هلأ مشان صحة الخبر انا ما عم انشر خبر باسمي ولا اني كنت شاهد عيان ولا حتى سمعت انا مجرد اني قرات هاد الخبر على الفيس بوك وحسيت بكمية كبيرة من الحقد تجاه هدون المجرمين بس مو اكتر اما صحة الخبر انا مو مسؤولة عنها يعني مجرد نقل مو اكتر واذا كان الخبر مو صحيح فأنا بعتذر عن نشرو بس متل ما سبق وقلت نقلا من الفيس بوك

حسبي الله ونعم الوكيل
...... قال سورية بخير قال ....
ماراح صب كل شي جواتي بهالصفحة
بس بدي قول
على مايبدو ... هذا النوع  من البشر أبى الا أن يؤجل محاكمته ليوم يبرز فيه الناس لله الواحد القهار ... 

أنا لما قرأت الخبر وسمعته من أكتر من شخص...تضايقت
لأنو خسرنا صبية صغيرة بأول عمرها...وكنت أول من علق على الموضوع...

بس نحنا كطلاب جامعيين المفروض نرجع لعقلنا دايما" ...
وندور على الحقيقة ...مو ننجر ورا حقد أعمى...

وتعقيبا" على الشي اللي ورد برد Louly Pearl
أنا دورت فطلع معي هاد الخبر:


إعلانات للطلاب

تداولت الكثير من المواقع الالكترونية نبأ مقتل الطالبة رشا البوش في جامعة القلمون,
وإن الجامعة تنفي هذا الخبر نفيا قاطعا وتؤكد على عدم وجود هذا الاسم أصلا في قيود الجامعة.

هاد إعلان نزل مبارح على صفحة الجامعة....لذلك اقتضى التنويه...
واحتمال أن تكون الوفاة بسبب حادث أليم...أصبح وارد جدا"...

وبالنهاية ما بنقول غير الله يرحمها ويلهم أهلها الصبر والسلوان....

قطرة ندى*

مشاركتك الأخيرة هذه تدلّ على موضوعيّتك وأمانتك



وتبقى الاحتمالات مفتوحة

فلم تعد المسألة تقف عند  سجلات طالبة جامعيّة

مشكور أخ Optimist

الفكرة هي إنو نحنا هلق بزمن كلو عم يكذب على كلو..

ما في مصدر إعلامي موثوق ينقل الأخبار بمصداقية....

ومجريات الأحداث عم تتغير بسرعة...

ومو غلط الواحد يتراجع عن خطأ ارتكبه..الغلط يتمسك فيه...

وبوقتنا هلق أي كلمة صغيرة ياأما بتأزم الوضع أكتر ياأما بتهديه...

وأنا ما  شفت بعيني شو صار....لهيك بسمع الطرفين...

وسجلات الجامعة إذا تقصّدوا يغيروها بيقدروا...ما بحط  شي بذمتي...
الله أعلم....وما بقدر قول غير ((الله يظهر الحق.....))

السلام عليكم

قطرة الندى شكراً جزيلاً على عقلانيتك

ضايع بالهمك و الجميع... أرجو ألا أُفهَم خطأ

لكننا فعلاً يجب أن نأخذ الأمور بعقلانية في هذه الأيام العصيبة

التي يكثر فيها القيل و القال ، و لا نعرف فيها الصدق الحق

و فعلاً وفاة هذه الصبية يعتبر خسارة كبيرة لأهلها و جيلها و بلدها

رحمها الله ثانية