انا برايي الجامعة ليست مكان لسماع ارائنا الساسية بغض النظر شو ماكان راينا لانه هي مكان للتحصيل العلمي مو ضروري اذا شخص حب يعبر عن رايه يزعج الاف الطلاب بالنهاية هي بلدنا يللي ملنا غنى عنها يلريت نفكر قبل التعصب  لانه بصراحة نحنا عاطفيين

نعم نعم نعم نعم نعم
أجل لايقاف الأحاديث السياسية  ضروري وواجب أيضا طبعا للحفاظ على سلامة الشباب والصبايا
أنا أؤيد ذلك
كمان هاد كان من شروط التسجيل بالمنتدى ويجب تتطبيقه

شباب وصبايا هالمنتدى صار معروف  والعضو يلي عرفان انو غلطان وبدو يقمعنا لا يسجل معنا احسلوا مو هيك          لهون لا حقينا  ولك حاجة  عاشت سورية حرة مستقرة

نعم لايقاف عضوية سامي لانه مسيء للمنتدى باسلوبه ال--------------------------------------------------------- وبقلوا اله يهديك يا صاحبي للخير

عزيزتي نوران اذا كانت الجامعة مو مكان لنحكي فيه أرائنا السياسية وبرا بالشارع مو مسمحلنا الحكي وين بدنا نحكي يمكن تقليلي مو ضروري نحكي أبدا بالسياسة بس أنا رح قلك إنو هالمواضيع اهم من اي شي خصوصي بهي الأيام بعدين بكفينا قمع برا كمان هون ومابعتقد انو آلاف الطلاب عم تنزعج متل ماتفضلتي حضرتك إلا يلي بيزعج حالو قصدا مشان يسكر الموضوع بعصيبيتو الفظيعة..

وعلى فكرة كلنا وطنيين كتير وحب الوطن ماشي مع دمنا بس كل واحد عم يحب وطنو ويدافع عنو بطريقتو..

انا بعرف انو الاحتداد والصدامات
يلي صارت مؤخرا هي السبب يلي
خلت الاداره تقدم على هالخطوه
طبعا صدرت عدة قرارات وتوصيات
وتعنون المنتدى لفتره بعنوان يقضي بايقاف الأحاديث والموضوعات السياسة
وعلى الرغم من هالشي تم تجاوزها
طيب ما سألتو ليش ؟
انا بقلكن ليش
لأنو هالشي بدمنا ومتل الهوا يلي عم يتردد على صدورنا
وما فينا نمسك حالنا لما ينثار هالموضوع
طيب ماشي ....
مادام الأمر هيك
ليش ما نسيس هالشي ونظمو باطار
محدد ولتكن الاداره هي يلي تحدد هالشي ...
بعيدا عن التشنجات والتعصبات والتهديد ومحاوله فرض الرأي بالقوه  والألفاظ
النابية يلي تفوه فيها البعض مؤخرا ...
أما أن نبقى بعيدا وعن معزل عن يلي عم يصير فهذا الشي صعب جدا

لكن لماذا لم نسمع دعاوى كهذه عندما اخترق الأمن وشبيحة النظام باحات الكليات في مختلف الجامعات السورية ؟

أين هذه الدعاوى عندما اعتقلت " اختنا " الطالبة في كلية الطب يمان الغادري وعندما اقتحم الامن ساحة الجامعة في حلب ولاحقوا الطلاب ضرباً واهانةً وعندما أفرغوا المدينة الجامعية قبل انتهاء الامتحان بثلاثة أيام وعندما قامت قوات ما يسمى بحفظ النظام بتكسير المدينة الجامعية واقتحام الوحدات السكنية وضرب الطلاب وسرقة ممتلكاتهم..
أين حرمة العلم وحرمة الجامعات عندما يضرب الطلاب في كلية العلوم وفي كلية العمارة وفي كلية الطب وفي كلية الاقتصاد وعندما يزرع النظام جواسيساً بين الطلاب لزيادة التفرقة ولرصد أي تحرك ولو صغير من قبل هؤلاء الطلاب...

أم أن اعتقال يمان الغادري ليس بجريمة وفضحنا لممارسات النظام باتت هي الجريمة ؟

سنستمر بأمرنا حتى يظهره الله أو نهلك دونه...

أخي الرسم بالكلمات
أنا معك بكل كلمة قلتها
وبالفعل كان للطلاب نصيب من يلي
عم يصير الأمر اللي شال الغمامة
عن عيون بعض المترددين
بس لا يخفى علينا أمر الطلاب الشبيحة يلي موجودين حتى هون
وكنت عم أخص بكلامي هؤلاء ..
هن يلي خلو النقاشات توصل لسجالات
وهن يلي كان الهون دور يلي وصلنا
لها المواصيل
تحياتي ...

انا بشوف انو الكل معو حق
يعني شوووو المشكلة اذا عبرنا عن آرائنا بكل شفافية

ولكن بشرط ما نجرح بعضنا البعض
واذا شخص مو حابب يحكي بالسياسة مافي داعي نجرحو او ناخد عنو فكرة مو منيحة


وبنفس الوقت  الحكي المبالغ فيه مو رجولة ولا شطارة


لازم يكون الحكي منطقي ومعقول ليكون مقبول من الأغلبية ع الأقل



واللي بدو يحكي ماحدا فيو يمنعو

واللي مابدو ماحدا بيجبرو يسمع أو يشارك



وبالأخير بنضل كلنا أخوة
وكلنا أهل هالبلد


ودامت بلدنا بالحب والأخوة