دايق خلقك

زعلان

معصب ومقهور

مكتئب


يا سيدي مين قلك تفوت لهون شو قالولك فاتحين سيرك!!!!!!!!
     
عم أمزح أصلا ما حدا بهالدنيا ماعندو هموم ومشاكل ولا تزعلو ولا علبالكن الدنيا مافيها شي بيستاهل دموعك
شو رأيكن نكتب عن همومنا
نحكي شي نكتة(بشرط حلوة)
موقف حلو
يعني كلما عصب الواحد بيضحكلو شوي    
بديي ياكن تصيرو هيك

لأمو جاجة قصدي عم تضحكو

ومبسوطين

يعني فش خلقك !!!!!!!

       

يسلم إيديكي عفتح الموضوع

ولو أنو ما بعرف أديش ممكن الواحد يفش خلقو هون

بس والله بتمرق أوقات منكون مزعوجين كتير وبس بدنا 

وبالذات الفترة الماضية وأول ما بلشت الجامعة ... يا إلهي أديش كانت صعبة وما كنت مستعدة إلها (ويمكن ما زلت)

ولهلأ عمقول إن شاء الله يكون هيك بس لأنو أول فترة ... وترجع الأمور طبيعي

بس حاسة أنو لسا الأمور مكركبة وما في إستقرار أبداً

وهلأ كمان بما أنو طلع أنو صرنا 14 فئة ... ونقلت والله أعلم إذا الفئة اللي بدي ياها ضليت فيها (أنا أو رفقاتي اللي فيها) ... وهل أصبت لما نقلت! بما أنو كانت أول جلسة داومت فيها معهم تحفة خالدة    ... بس يلا تجربة جديدة

في كتير أشياء عم فكر فيها وبتخلي الواحد يتوتر ... بس كل مرة بقول حأتركها عالتيسير لنشوف شو بدو يصير

يسلمو مرة تانية ... الصور عجبوني كتير    وبحس الصورة أحيانا بتعبر أكتر من الكلمة

وانا عندي هالقصة الحلوة لعيونكن

في احدى غابات السافانا في غابات كسب
انبطح الديناصور وغردت الزرافة و طارالفيل فوق الشجرة . و أجتمع الأحبه : الأسد و
الغزال و جاء الحمار بالحشيش و جاء النمر بالشراب و نهقت الحمامة وجعرت
العصافير و رقص الثعلب مع الديك حتى ساعة متأخرة من الصباح الباكر.
(محشش يكتب قصص...أطفال )


وكمان عندي هالنكتة

مره نعجه صغيره تسال أمها عن ابوها وبيتقولها:
أمااااااع وين أبااااااع فردت أمها عليها:يا عين أمااااع أباااااع انباع
ههههههه

أسيل طولي بالك ولو ماعجبتك الفئة بتنقلي الفصل الجاية
yz@ooooقصتك بتجنن عنجد حلوة كتير
حبيتها إذا عندك كمان كتبلنا
jamil بسيطة ولو نحنا مو قلال
       

والله ضحكتوني مع إني مقهورة كتير ومدايقة عجتني قصة الخاروف حلوة كتير..

أنا مشكلتي بيلي بحبون من قلبي دائما درجة محبتي لئون أكتر بكتير من محبتون إلي وماعم اقدر اتخلى عن محبتون ..

طبعا في عندي مشاكل كتييير ومنها إني عم دور على شغل وماعم لاقي و مشكلي مع أخواتي.....................إلخ

بس موضوع حلو فشينا خلقنا شوي. الحمد الله على كل حال

مرة كان في عسكور في الجيش السوري مفروز عالحدود الإسرائيلية ويا حرام هالعسكور ما بيعطوه إجازات  فراح هالعسكور لعند العميد وقال له : سيدنا ليش ما بتعطوني إجازة , ولا أنا ابن البطة السودة , فقال له العميد :  أفيتى أعطيك إجازة إلا إذا أعطيتنا دبابة اسرائيلية وكل ما جبت دبابة اسرائيلية منعطيك 12 يوم إجازة كيفك فيا ؟ فقال العسكور : حاضر سيدي , وفي اليوم الثاني أحضر العسكور دبابة اسرائيلية للعميد  فأعطاه 12 يوم إجازة ففرح العسكور ولما خلصت إجازتو طلب إجازة تانية فقال له العميد : أحضر دبابة أخرى , وبالفعل أحضر العسكور دبابة أخرى فذهل العميد وقال للعسكور : ولك نحن بدنا كتيبة لتجيب دبابة وبصعوبة ولك إنت كيف جبتا بهالسهولة ؟ فقال له العسكور مستهزأ : أفيتى قلك إلا إذا سرحتني ؟ فقال له : تكرم , فقال له العسكور : بدخل على الأراضي الاسرائيلية وبشوف عسكور متلي عايف التنكة تبعيتو  وبكون بدو إجازة والاسرائليين مشترطيين عليه يجيب دبابة سورية فبعطيه دبابة سورية وبيعطيني دبابة اسرائيلية ...............              

شكراً كتير عالموضوع و النكت كتيييييييييييييييير حلوين 

أما  انا مالة كتيييييييير و متضايقة من شي عشرين الف شغلة  اوف .........لاء و فوق  هيك

علي دراسة ليوم الدراسة و  مو عرفانة  من وين بدي بلش ؟؟؟؟؟؟؟    

المهم ان شاء الله بتكونو دائماً مبسوطين ......

سلام

أبو بهجت القصة حلوة كتير بدنا كمان
لوليتا 92 طولي بالك عالماما شوي والله هي بتحبك وبدها مصلحتك أصلا كل أهلينا هيك هنن من جيل تاني وصعب يفهمو علينا
والله أنا بعاني من نفس المشكلة وأنا متأكدة أنك وقت بتصيري أم لح تعرفي أديش بتحبك أمك ولو ماقدرت تعبرلك بالطريقة لي بتحبيها
أنا كل يوم بتخانق مع ماما وبابا وبرجع بصالحون
       
بسمة الفجر نشالله بتلاقي شغل يلي بريحك ويبسطك طولي بالك أكيد رب العالمين مابينساكي
ومشان أخواتك لا تشكيلي ببكيلك خاصة إذا أنت أصغر وحدة متلي
بس صدقيني مافيني أقعد لحظة بلاهن
           
ياقوت بكير عالدراسة محسوبك سنة تالتة صيدلة ولسا مافكرت اشتري كتب ولا خلينا عالمحاضرات
ولا قلك لا تصيري كسلانة متلي خليك نشيطة أحسن
حاكم بعض ناس ما بيتذكرو يدرسو إلا قبل الفحص بشهر وبيعضو أصابعهن ندامة
على ذكر الفحص ولي بس أسبوعين وسنة تالتة الله يجيرنا