السلام عليكم ورحمة الله وبركاته...

سيتم تخصيص هذه الساحة لمناقشة مادة الكيمياء الفيزيائية بقسميها العملي والنظري...

ونرجو من جميع الطلاب ان يقوموا بكتابة شرح مبسط عن التجارب التي يقومون بها

في القسم العملي وكتابة نتائج التجارب...

نرجو مشاركة وتعاون الجميع...

   



 

السلام عليكم ....

شكرا هلا عل الساحة 

********************************

كانت تجربتنا رقم 8 .... سرعة تفاعل تحت كبريتيت الصوديوم والتحال .....

تجربة تحت الكبريتيت بالمرفق ...

http://www.jamaa.net/UP/40017/%C7%E1%CA%CC%D1%C8%C9_8.docx

وهي التحال :

العمل:
توضع المادة الغرويدية في كيس التحال، يغطس الكيس في وعاء يحوي ماء مقطر ← تنتقل الشوارد الحلولة من داخل الكيس إلى الماء الخارجي ((بظاهر الحلول Osmose)). يتطلب ذلك (ربع – نصف ساعة) مع تحريك سائل الوعاء من حين لآخر.
ثم يبدأ فحص سائل التحال، بأخذ كميات منه ومعالجتها مع مواد محددة لكشف هويتها.

اول شي فحصنا السائل ( بانبوب اختبار )
سائل + نشادر (مُقَلوِن) + كلورو الكالسيوم 10% ← راسب أبيض (حماضات الكالسيوم).

بس ما تشكل راسب ابيض فما كملنا باقي التفاعلات .....

فساوينا الفحص التاني مشان الكلورات ....

1-  سائل + 1 سم3 أنيلين غولي + 2 سم3 حمض الكلوريد الكثيف ← لون أرجواني بنفسجي ← أزرق.
2-  سم3 سائل + نيلة + حمض الكبريت الممدد (مُحَمِّض) ←لا يزول لون النيلة.

ونحنا هاد يلي طلع معنا 

هلأ اذا زال لون النيلة بكون المجهول هو تحت الكلوريت .....

ملاحظة :

قالت الدكتورة وقت الفحص لازم نشم سائل التحال لانو ببين اذا في كلورات او تحت الكلوريت بس نحنا ما شمينا شي ريحة غريبة ....

********

بالمناسبة شكرا كتير لطلاب السنة التالتة لانو هنن يلي عاملين ملفات التجارب بس انا عدلت شوي النتائج ....

   

السلام عليكم...

شكرا Brilliant على الشرح...

*******************

تجربتي رقم 3 ... مقياس الانكسار....

التجربة سهلة بالمقارنة مع التجارب التانية...

اول شي بيعطونا 6 انابيب اختبار وممصين للقياس وعلبة صغيرة فيها مجهول وعلبة  كحول وقارورة ماء...

في البداية نملأ الانبوب الاول 10 مل ماء...

الأنبوب الثاني 8 مل ماء و2 مل كحول...

الانبوب الثالث 6مل ماء و4 مل كحول...

الرابع 4 مل ماء و6 مل كحول...

الخامس 2مل ماء و8 مل كحول...

السادس 10 مل كحول...

الجهاز المستخدم يشبه المجهر ...ولكن العدسة اليمنى نرى بها دائرة مقسمة الى اربعة اقسام (الدكتورةستبين لكم كيفية ضبطها)

والعين اليسرى نأخذ بها القياسات المطلوبة...

يكون في الجهاز قسم يفتح ويغلق .... في كل مرة نأخذ كمية كافية من احد الانابيب  ونضعه في هذا القسم ومن ثم نغلقه ونتأكد من ضبط العدسة اليمنى ونأخذ القياس باليسرى

ثم نفتح هذا الجزء من الجهاز وننظفه جيدا ونضيف كمية كافية من الانبوب الآخر ومن ثم نضبط العدسة اليمنى ونأخذ القياس باليسرى ...

وهكذا حتى ننتهي من الانابيب الستة ....واهم شيء تنظيف هذا الجزء جيدا بالماء بعد كل استعمال....

وفي النهاية نطبق نفس الالية على المجهول .... ونأخذ قياسه ... ومن هذا القياس نحدد بشكل تقريبي تركيز الكحول بالمجهول...

وبعدها نمثل القيم التي معنا بيانيا...

تركيز الكحول في المحلول على محور السينات ...والقياسات التي اخذناها على محور العينات...

ويجب ان يكون الشكل لدينا خط مستقيم حتى تركيز 60% كحول ومن ثم يصبح منكسر حتى 100%....

0% كحول ...1.334

20%كحول...1.3455 (كان لازم تكون اقل بشوي صغيرة)

40% كحول...1.355

60%كحول...1.362(لازم تكون اكتر من هيك)

80%كحول...1.3640

100%%كحول...1.3625

واي سؤال انا جاهزة

   

كانت تجربتنا  التوتر السطحي سهلة كتير..........
اول شي بيعطونا جفنات (بيشبهو فناجين القهوة المرة)منحط بكل واحد على حدا المواد التالية:ماء ,بنزن,اسيتون,مجهول
بعدين حطبنا بكل جفنة انبوب شعري بهدف قياس  الارتفاع (القيمة الوسطية لارتفاع كل مادة)
الهدف الاساسي للتجربة انو نحسب التوتر السطحي للمواد (المجاهيل)بدلالة التوتر السطحي للبنزن =28.8
حسب القانون y1/y2=d1h1/d2h2
حيث d
بحسابات بسيطة بيطلع معنا التوتر السطحي للماء,الاسيتون(الخلون),المجهول..

انشا الله كون حسنت وصل الفكرة
 بالمناسبة لسا في تجربة تانية للتوتر السطحي كمان سهلة كتير
يتبع...........

شكرا كتير W.I.A عالشرح...بانتظار البقية..

وعم نستنى باقي الطلاب يكتبو عن التجارب يلي عملوها...

بسم الله الرحمن الرحيم .... خليني بلش بتجربتي 
أول شي وقبل كل شي .. أنا تجربتي كمان رقم 8

1- سرعة تفاعل تحت الكبريتيت:
التجربة كتيييييييييييييييييييييييييير سهلة وبايخة ومابتاخد معكن تلت ساعة .. المهم النتائج اللي طلعت معنا كتير قريبة للنتائج اللي حطها بريليانت مع اختلاف بسيط بس بالأعشار .. والطريقة نفس اللي مكتوبة بالكتاب بالضبط .. بس انتبهوا بجدول النتائج اللي بالكتاب في خطأ وموجود التصحيح بالورق اللي نزلتهن الدكتورة بالكشك .. وملاحظة كمان مشان الشغل .. وقت تحطوا الماء فوق تحت الكبريتيت رجوا منيح بعدين حطوا حمض الهيدروكلوريك مشان وقت يطلع معكن العكر يطلع بكامل أنبوب الاختبار مو بس بجزء معين (مع العلم أنو ازا مارجيتوا مارح يأثر ع النتائج يعني نفس الشي  )

2- تجربة التحال:
كمان نفس الخطوات اللي مكتوبة بالكتاب .. بس بالكتاب حاطين تقريبا شي 3 تجارب أو تجربتين للكشف عن الشوارد.. انتوا بس اكتفوا بتجربة وحدة .. ازا زبطت معكن كملوا الباقي للتأكد أما ازا ما زبطت زبلوها وروحوا ع الشاردة اللي بعدا ..
نحنا ما زبطت معنا لا الحماضات ولا الكلورات ولا تحت الكلوريت .. طلعلنا النيتريت وزبطو معنا كل التجارب .. وطلع اللون الأخضر والحلقة البنية واللون شديد الصفرة    وعشنا حياتنا بالمحاضرة كتير كانوا الألوان فظيعين   
المهم.. مشان الملاحظة اللي حطها بريليانت أنو لازم نشم سائل التحال قبل التجربة .. حكت الدكتورة أنو ازا طلعلكن ريحة كلور متل هاد اللي منستخدمو بالتنظيف فأكيد تحت الكلورات أو الكلورات موجود .. نحنا ما طلع معنا ريحة كلور مشان هيك فورا بلشنا بآخر تجربة تبع النيتريت والحمدلله طلعت هي ...

موفقين يا جماعة ... بس في سؤال هلأ التجربة رقم 9 .. تعيين ثابتة تشرد حمض الخل هي نفسها اللي موجودة بالورقة آخر شي واسمها "تعيين ثابتة تشرد حمض ضعيف كمونيا"؟؟ لأنو بدي حضرها وخايفة تطلع مو هي 

صحي تزكرت شغلة .. بتجربة تحت الكبريتيت نصـــــــــــــــــــــــــــــيحة فورا أول ما بتطلع معكن النتائج رسموها ع الدفتر .. لأنو نحنا بردنا قلب وعلى أساس هلأ بتحكيلنا الدكتورة روحوا يا حبيباتي رسموها بالبيت قام تفاجعنا بالواقع المرير أنو الرسم لازم يكون بالجلسة وماكان ضالل معنا غير تلت ساعة على نهاية الجلسة .. بس الحمدلله انرسمت معنا بسرعة   

أي كوكو هي نفسها
أنا عملتها وكرهت شي أسمو فيزيا وحمض الخل وقفزة نوعية
لأنو الدكتورة
حكتلنا أنو من النوطة مو زابطة
فشرحتلنا ياها ونسيت تزبط الجهاز مع أنو شافتو بس قالت ما سألتوني
كوكو
روحي عالمخبر
كتبوها عاللوح
وحضريها من تبع الأنوار تبع السنة الماضية
هالتجربة
جد أعذروني ما رح أكتبها بس سهلة ما بدها بس الغلط من الدكتورة
بس من بعدها من عيوني

لو سمحتو اذا حدا عمل التجربة رقم 6 ينزلها وله جزيل الشكر