مرحبا يا حلوين كيفكن ؟؟
يلا خلينا نبلش .. هلأ بجلسة الكيميا العضوية اللي ساويناها صار كالتالي:
1- بللورات حمض البنزويك طلعوا معنا عادي .. يعني لا كتار ولا قلال .. ونفس شي حكتلنا الدكتورة أنو كان لازم نكتر حمض .. مع أنو نحنا كترنا بس مابعرف ليش ما طلعوا كتار .. بس كانوا لا بأس بهم 

2- أما بللورات الأسيتانيليد .. فكمان طلعوا عادي    يعني لا كتار ولا قلال .. بس نحنا كمان صار معنا نفس مشكلة بريليانت يعني كترنا ماء أكتر من 30 مل .. لأنو حكتلنا الدكتورة أنو ممكن يطلعوا معكن البللورات أكتر من هيك ..

مشان الأسئلة اللي انسألناها :
1- ماهو الفرق بين حمض البنزويك والأسيتانيليد (أو مميزات كل مما سبق)؟؟
ج- حمض البنزويك: صلب - قليل الانحلال بالبرودة - بللوراته بيضاء ناصعة.
أما الأستانيليد: صلب -قليل الانحلال بالبرودة - بللوراته سمراء (أو سكري  ).

أما السؤال التاني نفسو اللي محطوط عالسبورة .. أنا سمعت جوابو بس كمان ما لحقت اكتبو .. يعني كلمة من الشرق وكلمة من الغرب .. مشان هيك بس اتأكد من الجواب المزبوط بحطلكن ياه 

صحي سؤال .. شو التجربة الجابة اللي لازم نحضرها بالكيميا العضوية وأي صفحة ؟؟

السلام عليكم ...

اقتباس

صحي سؤال .. شو التجربة الجابة اللي لازم نحضرها بالكيميا العضوية وأي صفحة ؟؟

شفت مكتوب عل اللوح تجربة الاسترات صــ 98+99 ....

وشفت كاتبين تحتا انو لازم نجيب انابيب مشان التجربة 

بس ما حدا حكى على هالشغلة 

***************************************

باعتبار الفئة السابعة نفس الدكاترة تبعنا .....

قالولكن شي بدنا دفتر ونكتب تحضير الجلسات علي .....

نحنا سألناهن مشان السلامة المخبرية وقالوا لا تكتبوها ....

بس كل التجارب هيك لما بس تبع السلامة المخبرية 

اقتباس

قالولكن شي بدنا دفتر ونكتب تحضير الجلسات علي ..... نحنا سألناهن مشان السلامة المخبرية وقالوا لا تكتبوها .... بس كل التجارب هيك لما بس تبع السلامة المخبرية

         
دفتر شو يا زلمة .. ما جابولنا سيرة الدفاتر بنوب .. ولاحتى حكوا أنو لازم نحض شي عالدفتر .. بس حكوا حضروا الجلسة عادي لأنو ممكن ننسأل شفهي ..

ومشان الأنابيب.. أنا كمان بتزكر كانوا كاتبين هيك عالسبورة .. بس كمان ماحدا جبلنا سيرة نوووووب 

هلأ السنة الماضية هي الدكتورة عطتنا وجبنالها دفتر
فما بعرف أذا هلأ في 
وأنا فتت متأخرة بسبب الفيزيائية 
فما سمعت هي المقارنة
فشكرا إلك كوكو
وشكرا بريليانت عالأنابيب كنت نسيانتن بس أي كان مكتوب هيك
وفي بنت سألت قالت الدكتورة متل تبع العصير

يعني تبع بانش أذا ما خاب ظني

السلام عليكم...

والله انسطلت اول ما فتت 12 رسالة مستعجلة...

بس يا سلام عليكون ...شايفين ما احلى النشاط ....انشالله دائما هيك ...

*********************

بس شو مشان الاسئلة يلي ع السبورة...والله ما شفت شي ...

ومشان الانابيب... يعني ما بيمشي انابيب اختبار....

اقتباس

متل تبع العصير يعني تبع بانش أذا ما خاب ظني

بانش ولا راني...

ومشان الدفتر لازم نتأكد هاد الاسبوع ...احسن ما تطلبو منا اخر الفصل ...وقتا شو بدنا نلحق لنلحق

 السلام عليكم

^_^

هلا لا بانش تبع راني ما بتشتغل معكم... هلأ مدري شو كانت التجربة هي بضل على أسبوعين... بتعملو التجربة بالقنينة وبتاخدوها معكم عالبيت وبتردوا بترجعوها الأسبوع الجاية وبتكملوا شغل عليها....

موفقين

شكرا كتير سلام...

ماشالله عنك ...ما بينسأل سؤال وباي سنة الا وبكون الجواب عندك ...

السلام عليكم....

بكتاب العضوية1 العملي ما لقيت شي اسمو التقطير المجزأ...

لقيت التقطير البسيط.... التقطير تحت الضغط المنخفض... التقطير بالبخار...

ايا واحد هو التقطير المجزأ ؟؟....

السلام عليكم ....

والله هي بدا خبرة الطلاب السابقين 

.........

انا الكتاب كلو مو عندي ....

وحتى لو عندي ما ححاول دوّر عل الفقرة ....

السلام عليكم
                                                                             
التقطير المجزّأ موجود بكتاب العضوية 2 العملي
                                                                               
وقتها ما أخدناه