.....

مشان عملي العقاقير ....

مشان اللي ما سمع متلي


مشرفة فئتنا بدها لوحة مو حلقة بحث
أو بالاحرى بدها هلأ تصميم للوحة وهي بتقترحلنا اسم النبتة ومنطالع عنها معلومات

يسلمون أسيل عنجد شكرا كتيييييييير
بس ما بعرف بتسمحيلي انشرها عالموقع وخلي الكل يستفيد؟!

       

مرحبا
ليش حاسة الطلاب نايمين وماحدا لحدا!!!!!
   
بدي اسئلكن كيف كان عملي العقاقير معكن؟!
نحنا بالفئة الخامسة صرنا آخدين جلستين
الأولى:القرفة
التانية:الصفصاف والسنديان
وكنت كتير معصبة لأنو ماعم أقدر ميز الخلايا المتصلبة
هلأ رفقاتي يسلم أيديهن صورو كم شغلة (أنا ماعم يزبط معي التصوير)
و
    رجاء حار إذا صورتو كم شغلة ياريت تعرضولنا ياهن    
خلونا نتشارك الصور عالأقل أول كم جلسة عالأقل لتتوضح الأمور شوي
وبوعدكن لح ساعدكن بكل شي بقدر عليه
هلأ هي خلية متصلبة بالقرفة:

وها فلين جبهي كمان بالقرفة

مها

الغريب أنو ما قالولنا شي بالفئة

بما أنك بتحبي هالأشياء عمليلنا وحدة بطريقك 

***

رهوفة

الله يسلمك يا رب :)

بعتت لصاحبة الشأن ... إذا عطونا أذن بهالشي ... فلك هذا ^ ^

***

مشان هالأسبوع أكتر من مرة قول بدي أكتب ... بس قررت أجل لآخر الأسبوع بحال كان في مستجدات

بالنسبة للنظري ... ما في شي جديد غير أنو :

- أجت د.فوزة بما أنو خلص د.خليل قسمو فبلشت بالفيروسات ... المحاضرة للشعبتين والوقت 2:30

- ويوم الأربعاء بالشعبة الأولى ... أخدنا نص ساعة تحليلية ... وما بتوقع كان في محاضرات تانية بما أنو ما ضل في طلاب

بالنسبة للعملي:

- بالدمويات أخدنا تعداد كريات الدم الحمراء

بيدخل هون المربع الخامس وبيصير تقسيماتو مختلفة

- بالعقاقير متل ما قالت رهف أخدنا القرفة والصفصاف والسنديان ... إن شاء الله ححط الصور بس زبطها

بس السنديان حسيت أنو ما عرفت شو المطلوب بالزبط لأنو في مكونات كتير!

- بالتكنولوجيا ... لسا ما بلشنا بالتجارب ... بس أهم شي أنو محورها المساحيق بما أنها الغالبية العظمى بالمواد الدوائية ... وبدنا ندرس خواصها الفيزيائية لأنها كمان القاعدة الأساسية مشان التصنيع (الشكل - الثبات - الفعالية .... )

- التحليلية التجربة الكل عملها ... معايرة الحديد الثنائي مع الفينانترولين

بالتوفيق ... 

بدي اسألك أسيل بتعرفي شي طلاب سنة رابعة لأنو هديك السنة نشرو
فايل بقلبو كل ملخص جلسات عملي العقاقير وقالولي أنو كتير ضخم وتحميلو صعب
وأنو أخدو من شي حدا معو ياه ياريت تسألولنا وتدبرولنا ياه
وشكرا
           

رهف

أنتي ليش بصلتك محروقة    ... طولي بالك 

لكن أنا ليش قلتلك وعم قول للباقي جيبو فلاشة 

فبعرف طالبات من السنة الرابعة ... وما عم يقصرو ... الله يجزيهم الخير 

***

مشان اللي سألتيني عليه قبل ... اللي عملوها موافقين وهاد اللي بدهم يا ... بس المشكلة بالدكاترة يعني صعب نحطها عالعلن (مع أنو دكتورتنا قالتلنا عليها) ... بس إلا ما نلاقي حدا ما يعجبو من الدكاترة وبالتالي الأحسن نخليها بيناتنا (بس بحيث توصل لأكبر عدد) أو في طريقة ببقا بقلك عليها

مسا الخير طلاب السنة الثالثة اذا بدكم شي مشان عملي التكنو فانا معي ترجمة نوطة العملي على ملف word اذا بدكم بنزلكن ياها (أنا طالبة سنة رابعة ) واذا بدكم مساعدة بأي شي فانا جاهزة 

السلام عليكم...

شكرا كتير H.A.W50

اليوم اخدنا بالعقاقير نبات الكينا والعناصر التشخيصية فيه: ليف لحائي متصلب وخلايا متصلبة منتظمة التصلب بيكون شكلها مربع او مستطيل مو متل النباتات اللي قبل كان شكلها وردة

هدول الصور ان شاء الله يكونو واضحين

http://www.jamaa.net/UP/23632/%C7%E1%DF%ED%E4%C7_-_%DA%DE%C7%DE%ED%D1.rar

السلام عليكم

يا إلهي شو في غبرة بهالساحة :S

شو هالنشاط؟ ما حدا عم يفوت

***

H.A.W50

شكراً جزيلاً ... 

إن شاء الله إذا احتجنا شي منطلب منك ...

***

كنت بدي زبط صور العقاقير بس إجاني إحباط من السنديان ... بالأخير لقيتلو صورة بس ما متأكدة إذا لإلو

بس وعدتني أميرة أنو إن شاء الله إذا زبطو معها بتحطهم هون

لذلك حأنتقل لجلسة اليوم (الزنجبيل + الورص):

-الزنجبيل:



العنصر التشخيصي (حبات النشا على طول الساحة المجهرية)  + شبكة حلزونية:



- الورص:



العنصر التشخصي (خلية كبيرة مفرزة لونها أصفر برتقالي):



بعتذر عضعف الجودة ... 

كتتمة لصور العقاقير:

وصلني صور يفترض للسنديان (مشكورين اللي صوروها)

بس لحد الآن كأنو ما حدا قدر يعرف الشي المطلوب

هدول اللي عندي بحال ممكن يفيدو:





وبانتظار اللي صورتهم أميرة