...

ما شاء الله شعبة أولى دائما نشيطين ... طبعا شعبة الأوائل 


بخصوص الجراثيم نحنا أخدنا مقدمة عن المادة .....
عطانا د.خليل نفسه .... رح يعطينا محاضرات تعريفية وبعدين بتجي الدكتورة
بس حسيت المادة نبات مو جراثيم!!
يعني بلش تصنيفات جرثومية أكثر من الأمراض


الحيوية إجا لعنا دكتور جديد (د. معتصم) .... ما عطا شي بس عرفنا بحاله....
وقال انو مارح تعطينا الدكتورة فايزة



الدمويات مبينة حلوة المادة بس بالفعل كأنها أكبر من مستوى تفكيرنا

 

اقتباس

التوافق النسيجي هي ببحث التبرع بالدم هو قصدو بالإضافة للمستضدات المعروفة ABO في جمل مستضدية تانية ممكن تعمل ارتصاص عند الآخذ وتسببلوا انحلال دم لكن هالحالات بتجي نادرة نوعا ما... يعني الكل عندو منها بس النادر ما يصير ارتصاص منها

 

من كتر ما سألناه عن هالقصة جاوبنا جواب على أد عقلاتنا .......
قال الزمرة الدموية هي شغلة بتتعلق بالكريات الحمر والزمرة النسيجية (التوافق النسيجي) بتتعلق بالكريات البيض  ......
بتهمنا أكتر شي بحالات زرع الأعضاء

أهلين أسيل
آسفة تأخرت لرديت
أكيد عندي معلومات وبعرف كتير من لي حكا الدكتور لأنو درستها 4 فصول بالمعهد والتعا ألبنا
بالنسبة للمراجع والله بالنسبة ألي حأرجع للنوطات لي عندي وإذا حابة تستعيريون وتطلعي عليهن أنت ولا أي حدا تاني ماعندي مشكلة بالعكس
هالشي بفرحني كتير
وكمان بعتقد أنو عندي سيديات وزعون علينا بدورلك عليهن
وفي كم موقع نصحونا فيهن وقت كنت عم أدرس
بس طولي بالك شوي لدور بغراضي القديمة انشالله ما تكون ماما مصرفتون  
     
بس أكيد الصيدلة مو متل المعهد أكيد لح نتعلم بشكل أوسع مابعرف
بحب نستعين بخبرة السنة الرابعة بسألك رفقاتي    
بالعملي أكيد بفيدك الحمد الله مجربة كل شي حاكم معي شهادة مخابر ومتدربة بالمشافي
بدي اسأل طلاب السنة الرابعةكل شي بكوم ياجماعة وسلاسل الكريات الحمر والبيض بكوم شي للجلطة وحدة بوحدة
انشالله متوسعين فيهن كتير هديك السنة؟قصدي انشالله مو واصفين كل مرحلة من عمر الخلية بحزافيرها؟

ممكن حدا من top pharma team يخبرنا شو لح تنزلو محاضرات بالعملي والنظري؟
كمان عندي سؤال نعتمد عالكتاب  بالدمويات لأنو الدكتور جاب كتير إضافاتقصدي من وين بدنا ندرس للفحص مع أنو هالسؤال كتير مبكر
     
الدمويات أكيد مو أكبر من مستوى تفكيركن أنتو نخبة طلاب سوريا بس انشالله بيلشو بالتدريج بالمعلومات مو دغري بالشي الصعب
بعتقد المحاضرة الأولى أكيد لازم تكون شاملة ولو صعبة شوي لأنها ضمت لمحة عن كل شي حتى آخر المكتشفات وبتعرفو نحنا مبتدئين

يسلمهن مها عالمعلومات ... طلعت د.فايزة ما حتطعينا لكن

***

ولا يهمك رهف  ... إلي كم مرة شايفتك بهالفترة وولا مرة تذكرت أسألك

والله شايفتلك أني كنت متحمسة أول شي ... بس شكلي ما حأشتغل عحالي ... يلا إن شاء الله خير

اقتباس

حاكم معي شهادة مخابر ومتدربة بالمشافي

مشان هيك بلشت نق عليكي

***

شو مشان يوم الأربعاء ... يعني مو معقول كيف صار

لا عدد المحاضرات مقبول ولا وقتها ...!

لازم نعترض يعني ما بتوقع بيناسب حدا

وكمان ... في كتير أمور مخربطة ... ولما يحتاج الواحد شي ما بيعرف مين يسأل 

أي والله معك حق فعلا لازم نغير برنامج النظري  
اليوم حضرنا بس حيوية وعقاقير الدكتور كان كتير مستغرب ماحدا عم يتجاوب معو
مع أنو الجو كتير تفاعلي يعني إذا محاضرتين ما صبرنا لح نصبر للساعة7المسا
   

شعبة اوبى اخدتوا محاضرة حيوية اليوم ؟؟وعقاقير ؟كيف المجاضرات صعبة شي؟؟؟؟

والعملي شو صرتو اخدين؟؟

نحنا اليوم كان عنا تحليلية واخدنا جلسة دسمة

ونكنو  عطتنا الدكتورة مقدمة

اقتباس

بس حيوية وعقاقير الدكتور كان كتير مستغرب ماحدا عم يتجاوب معو

هي لأنو ما كنت معكون  ... أول أسبوع كتير مكركب بسبب الفئات والعملي والـ....

وبالنظري دائماً بيكون في مشكلة لما ما بيكون في كتاب للمادة ...

اقتباس

اخدتوا محاضرة حيوية اليوم ؟؟وعقاقير ؟كيف المجاضرات صعبة شي؟؟؟؟

حجاوبك باللي بعرفو بما أني ما قدرت أحضر بس سألت وجاوبوني كالتالي:

- الحيوية:

المحاضرة كانت عبارة عن قسمين ... قسم لـ د.الفاهوم وقسم لـ د.زيتون ...

الدكتورين بدهم ندرس من مرجع أسمو:

Harber illustrated biochemistry edition 28

وما في بديل كتاب أو سلايدات ...

قالولي د.الفاهوم حكت بالانكليزي (يمكن القصد مصطلحات)

بس بشكل عام قسم منيح عند الدكتورين من اللي انعطى مارق علينا

- العقاقير:

عطا الدكتور لمدة ساعة ... والمحاضرة ما صعبة كأنو ... بس الكتاب لسا قيد الانتظار

***

بالنسبة للعملي حأحكي عن الدمويات والمناعيات + العقاقير بما أني أخدتهم

- الدمويات والمناعيات:

يعني أول شي بتحتاجو لكل الوقت بالجلسة مع أنو الشغل بسيط

قالولنا في كتاب (على ما أذكر أسمو علم الدم) بس إذا قلنا للمستودع أنو لهالعملي فهو بيعرفو

شرحولنا شو حنشتغل بس ما فهمنا الشرح لبعد ما سألنا مدري كم مرة (وهاد اللي بياخد وقت)

الفكرة الاساسية هي عد الكريات البيض وتطبيق قانون مشان تكون بالـ ملم3 ...

الصعوبة كانت لأنو ما عرفنا بالساحات تبع المجهر ... فأهم خطوة أنو ما تاخدو الساحة بنص الساترة ... خدوها تحت النص لتلاقو اللي شرحولنا عليه

اللي شرحولنا عليه هو مربع كبير ... مكون من مربعات أساسية (متجاورة) عددها 9 ... ومربعات صغيرة عددها 16 بتشكل مربع واحد من هالمربعات الـ 9 ...

بس مو كل الـ 9 مربعات مقسمة لـ16 ... بس 4 مربعات مقسمة:

1 -×- 3
×-؟-×
7-×-9

بس منرقمهم:

1-×-2
×-5-×
4-×-3

يعني هدول الفعالين ... الباقي مجرد خطوط ما بتشكل مربعات ... ورقم 5 يمكن ما مقسم وما شفنا بس إلو وضع خاص عأساس منعرفو بعدين

فأول شي منحط ع مربع 1 (اللي بيحوي 16 مربع صغير) ومنعد الكريات البيض فيه "وهون كمان مشكلة أنو ما قدرنا نميز الكرية البيضاء عن الشوائب والفقاعات فبدها تركيز" ... ومنسجل العدد

منتقل للمربع 2 ... وهكذا ... بعدين منجمع اللي طلع معنا بهالـ4 مربعات ... ومنطبق القانون اللي حيعطوكم يا ... وبيبقا تسليم التقرير

- العقاقير:

شغلتها بسيطة ... قالو في كتاب عملي العقاقير وموجود بالمستودع وعطونا منو القرفة الصينية

بعد تحضير العينة بدكم تدورو بالمجهر على شغلتين .... وحدة عالتكبير 10 (ليف) متل الورقة المتطاولة ... ووحدة على التكبير 40 (خلايا متصلبة) بتبقا يا دائرية يا على شكل وردة ... بس بيميزها أنو محيطها أخضر

بتطلع معكم أشياء تانية بس ما مطلوبة حالياً ...

برأيي مشان الكتب استنو لتشوفو مشرفين الفئة شو بيقولو ... 

***

لأ المربع رقم خمسة مقسم وهو لعد الكريات الحمر بس بعد استخدام سائل تمديد مناسب ما بتذكر يمكن المصل الفيزيولوجي يلي بحافظ عالحمر وبحل البيض عكس حمض الخل الثلجي لي استخدمنا مع البيض
وهاد المربع مقسم ل25 مربع صغير لعد الكريات الحمر عالساحة 40 حصرا ما ببين كتير عال10 أبعادو أصغر أكيد من مربعات البيض وبهاد المربع لح نعد بخمسة مربعات من ال25 الأربع الحيطية والمركزي الطريقة نفسها بالعد القانون بيختلف بدل مانضرب ب50 بنضرب ب10000بكرا بتشوفو كمان العدادة نفسها منستخدمها لعد الصفيحات كمان بطريقة مختلفة للتمديد وسائل التمديد
     
حبيت ضيف فائدة بتميز الكريات البيض عن الحمر عن الشوائب طبعا غير حجمها الكبير
لاحظو شكل النواة المفصصة المميز تحت العدادة عالتكبير40وهي الفصوص لها دلالة :
المعتدلة 2-5فصوص كمان الحمضة
الأسسة من طول عمرها ماببين شكل النواة فيها بكرا بتعرفو ليش
اللمفاوية الكبيرة والصغيرة  مو مفصصة والوحيدة إلها أشكال كتيرة أهمها شكل الكلية أو حدوة الحصان[/u[u

         

حبيت ورجيكن الكريات تحت المحهر ما عم استبق الموضوع بكرا لح تملو منها
هي الكريات الحمر

هي الكريات البيض العدلة (المعتدلة)

وهي الكرية البيضلء اسمها الحمضة:

وهي اسمها الأسسة

وهي اسمها اللنفاوية

وهي اسمها الوحيدة

انشالله تكونو استفدتو
     
وهي مشان تتحمسو للمادة أكتر

رهف 

يسلم إيديكي يا رب ...

يا الله شو حلوين 

طيب كيـــف هيك بيقولولنا نعدهم ونحنا ما منعرفهم!!!

أنا اكتشفت أكتشاف جديد ... أنو بالـ ملم3 ما في غير 1200 كرية بيضاء 

بالوقت اللي الباقي طلع معهم حوالي الـ 5000 

طيب المشرفة قالت بدها الكرية تكون عم تلمع حتى لو غيرتي الاحكام والاضاءة ... اللي حسبتهم فعلاً ضلو عم يلمعو ... بس ما طلع معي غيرهم! بس هلأ لما شفت الصور لقيت أنو في وحدات ما اعتبرتهم كرية بيضاء   

ومشان المربع 5 هي قالتلنا الو وضع خاص بعدين منعرفو ... بس ما حكت عن التقسيم لأنو ما اشتغلنا عليه

وآخر شي يسلمو لأنو عم تحمسينا للمادة بهالأكلة الطيبة (اللي عاليسار إلي وانتو اتقاسمو الباقي ما مشكلة)    ... وشكراً كتير لأنو عم تشرحيلنا كم شغلة ما منعرفها