ياربي..
حتى أنا عم دايئ حالي و احذف مشاركاتي,,

طيب ضلينا سنة عم نحس ببعض و نهتم,,بأدق التفاصيل
هلأ,, وقت في حكي جدي و حقيقي,,,,و بدي أعرف شو عم ينحكى بيناتكن"لأنو كالعادة أنا ما حدا بيحكيلي شي و انتو بتحكو سوا"..
هلأ وقت بدي تطمني,,هيك عم تعمل,, تجاهل تام,,!!

يا ربي.. صعب كتير ضل عم حاكي حالي,, بخجل اطرح الموضوع ع حدا,, يعني مو متعودة حاكي أمي بهيك قصة,, بس ما فيني ما فكر , مجرد تفكير,, حتى لوكان التحقق اقرب للخيال..!
و الغريق بيتعلق بقشة..

عم انجن لحالي و صارع أفكاري,,لحالي,,
و انت ولا كأنو في وحدة محروقة مخنوقة,,
علمتها ع الإدمان,, و اخدت المخدر و رحت,,
يا سيدي مو مرة وحدة هيك بتعمل

بدي احذف مو بس مشاركاتي بدي احذف حالي,,


تعبانة من حالي
قرفانة من احساسي
ليش هيك.. بحس حالي انسانة مريضة احيانا لما احكي احكي و ما حدا حاسس ولا سامع,,


حسبي الله و نعم الوكيل
حسبي الله و نعم الوكيل
حسبي الله و نعم الوكيل

..3>.. يسعد اوقاتك :)

ما بعرف اذا هيك بيمشي الحال حطيت الرابط حاولي تشوفيه
انا كتير بحب المقطع بخليني اتفاءل

شوفيه و لا تنهمي خيتي .. ما بصير الا كل خير و لا تستعجلي قدرك لح يصيبك و ما حدا لح يقدر يوقف بوش نصيبك و يمنعو عنك :)

الأخت soso
شفت المقطع ... (ما بعرف إذا مسمحلي شوفو ^_^ بس مشي الحال شفتو)

الفلم اللي آخدين منه هالمقطع .. عنجد كتير حلو إسمه ...يمكن ..UP
برأيي لازم يكون اسمه
THE DREAM .....

حلو ... حلو ... حلو ... ^_^


..3>..


الله يهديلك بالك ... بدك نصيحتي ... إحكي قصتك .. مع حدا قريب منك ... إحكي كل شي
عنجد بترتاحي ... وبظن الأم أحسن شي بهيك موقف ... صحيح فتح مواضيع مو متعودين تشوفوها عطاولة النقاش صعب شوي ... بس بدا جرأة شوي ...
قوي قلبك ... عنجد كتير رح ترتاحي ....

تحياتي للجميييي

طبعا اخي مسموح .. بتمنى الكل يشوفو

عسى يجيب شوية امل لحدا  متل ما حسيت لما شفتو ..


..3>.. حبيبتي خلي ثقتك بالله كبيرة :)
و فعلا احكي لامك .. اسألي مجرب ^_* ..... هلأ بتمنى ما تعتبريه تدخل بس نصيحة احكي لامك اللي حاسة فيه
و اسأليها عن اللي بدك و استفسري هاد حقك مع انو في مواضيع بدها نفسسس عميق قبل ما تبلشي فيها  .. لو ما عطتك جواب كافي او تهربت او صدتك  انا بتوقع انو هاد مو بالضرورة معناه شي سلبي ..
بالعكس بتوقع انها ما بدا تشغلك بالك و يصير تفكييييرك ويييين و دراستك وين !! ^_^
يعني قاصدة مصلحتك و ان كانت هيك طريقة كمان بتشغل بالك من دون ما تعرف

يللا يلي صبر زمااان بيصبر هالشهرين .. خليكي هالشهرين بسسس هالشهرين بدراستك و بعدييييين ان شاء الله ما بصير الا اللي بتحبيه و يكون فيه كل الخير :)

امممممم يمكن تدخلت كتير .. بس مدري ليش هيك انا هههههه ما بحب شوف قلوب طيوبة محتارة و مهمومة دغري بنط بحشر حالي
عكل سامحيني لتدخلي و لاطالتي
تصبحي على خير

هههه
تسلميلي شو لزيزة و حبابة سوسو..
هاد أحب فيلم عقلبي بعد فيلم tangled... اذا الك مراء شوفيه,, صحيح كرتون بس بياخد العقل :)..
الأميرة و الأميرة كتير لابئين لبعض,, شوفيه وقوليلي رأيك.


و كمان شكرا ع نصيحتك..
هلأ أنا الانسان الأول بحياتي يلي بيعرف كل أسراري هي أمي,, ^ ^
و هي القصة بالنسبة إلي مو انو صبر ولا لاء ^^.. عادي بستنى عشر سنين و أكتر مو مهم,,المهم يتحقق حلمي بس مو كتير مستعجلة..
:)

بصراحة مو هيك القصة..

صرت أخدة مليون نفس و ما زبطت معي ..ههههه

بس لا تخلطيلي الدراسة بهيك موضوع,, أنا الحمدلله عندي القدرة إنو لما ادرس بحط كلشي ع جنب,,
و لو ما بعمل هيك,, كنت لسا صف أول ههههههه

حبابة أبدا لا تعتبري كلامك تدخل,, بالعكس حاسة في بقصصنا شي بيشبه بعضو,, فإحساسي و احساسك ببعض حلو و صادق.,,


و بإذن الله,, الله ما رح يضيعنا....

جنتل..

شكرا لنصيحتك..
الله يريحنا جميعا و يكتب الخير..

ههههههه شكرا ^_^ خشلتيني

فلم tangled الفلم المفضل عندي انا كمان ... كتيييييييير حلو حتى مقتطعة الاغنية وقت بكونو بالقارب منزلتها ع موبايلي بتجننننن

... فرحتيني انو عجبك المقطع :)
الله يحققلنا أحلااامنا يارب و يهدي بالنا

عفواً ..3>.. ....

لقد تجاوزت عدد مرات التقييم المسموح به يومياً
يمكنك المعاودة لاحقاً..


هههههههه
شايفة سوسو.. كل تقييماتي خلصو.,,
بعتيلي المقطع عالبلوتوث..

^ ^

هههههههه عندي نفس المشكلة متعودين عالفيس لايكات الى ما شاء الله
منجي لهون بيقمعونا

يللا فتحي بلوتوث اواااام ^_^