اممممم

بصراحة ضعت هونيك شوي..

بس بعرف انكن ما بتردوني و رح تساعدوني...

أول سؤال بليز..

بقدر غير اسمي و لا اعمل حساب جديد؟؟

المواضيع حضرها هلأ و بعدين مننزلها و لا كيف لأنو ما فهمت شي هونيك...

أنا صحيح بحب الصيدلة بس متل ما بتعرفو ما بقدر فيدكن,,فيني مثلا اكتب عن الاعجاز العلمي بالقرآن من كتاب الدكتور النابلسي ؟؟؟

بالانتظااار...

السلام عليكم

أول شي هيك بتحسي .. بس إن شاء الله بس نبلش بالشرح بيصير كل شي سلس وسهل إن شاء الله

لسا ما قلنا ألف باء بالتحرير ... يعني هلأ تعريف وكنا عم ننتظر التفاعل مشان نبلش 

اقتباس

بس بعرف انكن ما بتردوني و رح تساعدوني...

إي أكيد بإذن الله ... كلنا جاهزين للمساعدة إن شاء الله

اقتباس

بقدر غير اسمي و لا اعمل حساب جديد؟؟

أكيد ... أكتبي هون الاسم اللي بدك يا يصير أو ابعتيلي يا ... وتكرم عينك :)

اقتباس

المواضيع حضرها هلأ و بعدين مننزلها و لا كيف لأنو ما فهمت شي هونيك...

التحضير مشان الكل يبلشو بالتحرير سوا ... هيك كانت الفكرة

بس إذا حابة تبلشي ما مشكلة ... يعني اعتبري حالك عم تحطي موضوع بالمنتدى ... فيكي تجهزي عملف وورد مثلاً قبل ... أو تكتبي بصندوق التحرير مباشرة ... والتحضير للسهولة

اقتباس

أنا صحيح بحب الصيدلة بس متل ما بتعرفو ما بقدر فيدكن,,فيني مثلا اكتب عن الاعجاز العلمي بالقرآن من كتاب الدكتور النابلسي ؟؟؟

لأ هالفكرة مو بس للصيدلة ... كل شي أسمو علوم فيكي تكتبي عنو ... مثلاً إذا مهتمة بالكيميا بتقدري تكتبي عن شي عنصر كيميائي ... بتقدري تكتبي بالفيزيا أو العلوم أو الرياضيات ... من كتب المدرسة نفسها لأنو العلم ما بيتغير بين سنين الدراسة بس كل ما زادت سنة بيصير في توسع

وإن شاء الله أي شي بتحضري بيكون مفيد

مشان الإعجاز العلمي الفكرة جديدة ... بس حلوة ومقبولة لأنو تم طرح كتب سابقاً (مقدمات تعريفية عنها)

فإنتي مثلاً إذا حابة تبلشي بهالموضوع بتحطي عنوان المقال: أسم الكتاب اللي حتكتبي منو وبتحطي جنب الاسم (كتاب)

وبعدها بالمقال بتكتبي بالموضوع اللي بدك يا

جهزي المقال إذا بتحبي ليبلشو الزملاء بتعليم التحرير ...

بالتوفيق إن شاء الله ... 

خلص رح ابدأ فيه ان شاء الله و بشوف غيره من كتبي تبع المدرسة مثلا...

الاسم؟؟

"علا"

منيح هيك بيكفي؟؟

السلام عليكم

تمام إن شاء الله ...

بالنسبة للاسم ما بعرف إذا قصدك بدك معو " "... بتوقع ما فينا نحط رموز

بس إذا بدك تساوي علا فما مشكلة

السلام عليكم ....

High school girl

فكرناكي بطلتي من كتر الغيبة 


متل ما قالت  *Hope* انتِ جهزي المقال يلي بدك يا على ملف وورد ....

وان شاء الله يا اليوم يا بكرا لح ننزل طريقة التحرير انا والزملاء ...

وكمان بإمكانك تتشاركي انتِ ورفقاتك بكتابة شي موضوع من كتب المدرسة ويتنزلن ....

لانو احلى شي العمل الجماعي .....

وان شاء حنحطلكن نموذج عن شغلنا اشتغلنا في 3 سوا .... 

يعني مو شرط واحد لوحدو يشتغل بالمقال 

   

Hope*


شكرا لكِ اقدرت شوفهن ,,,,,,,,,,
مشان الاقتباس عادي مو مدايقين عاملين اطار حلو,,,,,,,,,,,,ههه


و إن شاء الله منفيد ومنستفاد ,,,,,,,,,

بس جد شي جديد وغريب وفعلا بدو شرح على كل عم نستنى بس وين الأعضاء كأنو ما في تفاعل كتييير مو؟؟؟؟؟؟

سؤال: شو هي (+55) مثلا لجنب الاسم شو يعني ؟هيك لا حظت ؟؟؟؟؟؟؟بالصفحة


إن شاء الله منطور أكتر ومنبدأ بدايه حلوة

شكرا لكِ

السلام عليكم

إن شاء الله :)

وإن شاء الله قريباً منشوف نتاجكم ومقالاتكم ...

تخيلي أنك عم تبحثي عن شغلة ضرورية عالنت ولقيتيها ... وقتها بتنبسطي وبتدعي لصاحبها ... وهاد اللي منتمنى يصير ... أنو نحط محتوى مفيد يلبي حاجة طلاب العلم وأهم شي أنو موثوق ... مو متل لما تلاقي المعلومة بمنتديات وما بتعرفي مصدرها وبتشكي بموثوقيتها

اقتباس

شو هي (+55) مثلا لجنب الاسم شو يعني ؟هيك لا حظت ؟؟؟؟؟؟؟بالصفحة

هي عدد الأحرف اللي انضافت أو انحذفت ... بس فيكي تقولي أنو كل حرف =  2 تقريباً حسب ما لاحظت ... لأنو في أشياء بتتاخد 1 (متل الفواصل والرموز أو ما بعرف إذا في بعض الأحرف) وإلا ما كان طلع الرقم فردي 

وبحالة النقص بتصير (-) ... وهكذا ...

بس علا ,,بيكفي بلا يساوي و لا شي...

خلص تكرمو,, رح ابدأ

2- أن تظهر كلمة البحث باللون الأحمر ... واللون الأحمر يدل أن المقال أو الصفحة غير موجود مسبقا ... في هذه الحالة نقوم بالضغظ على هذا العنوان (باللون الحمر) فيحولنا إلى صفحة تحرير هذا المقال مباشرة ...








ملاحظة : يجب أن تكون كلمة البحث ( عنوان المقال ) مفرد ونكرة ولذلك لتسهيل عملية الوصول إلى المقال ... ولتفادي التكرار في المقالات ...( لانه ربما يكون موجود نفس المقال لكن عنوانه نكرة )

مثال توضيحي :
نريد ان نبحث عن مقال الفيتامينات .... لانكتب في مربع البحث الفيتامينات ...
بل نحولها إلى المفرد ( الفيتامين ) ومن ثم نحولها إلى نكرة ( فيتامين )
نكتب كلمة : فيتامين ...ونضغط على زر ابحث :
فتظهر لنا صفحة البحث وكلمة فيتامين باللون الأزرق .... نضغط عليها فيحولنا إلى مقال الفيتامينات الموجود مسبقاً ....