فريد بعيد , طنبر لح يهرس رجليك ..........أسع هيك لشوف , أجالكم عكيد ساروجة , خانة 4 (مشان ماحدا يشكك بأصالتي) هههههههههههه 
الله حيو كل الشوام المعتأين , وعلى راسي أبو الفوارس........
هلأ في مصطلحات شامية بس أصلها فرنساوي أو تركي, وكتير أهل الشام بيستخدموها وخاصةً الكبارية بالعمر , على سبيل المثال وليس الحصر :
باشون : يعني القاطع تبع المنزل
سيفون : يعني شرائة المي تبع التواليت
برواظ : يمكن أصلها تركي على ما أعتقد ويعني إطار الصورة
موزاييك : فرنسية الأصل وتعني الزخرفة .....الخ
كونتوار : هادا تبع الاستقبال
تواليت : أجتنا هي الكلمة من الفرنساوية وبعرف أنو في متلها بالإنكليزي .....
بيرو : هذا يلي بيجي مع جهاز العروس وعليه مراية وبتحط عليه كركيبها....
سوفا : الصوفايات بغرفة الضيوف أو ممكن غرفة القعدة.....
تلفون : كمان فرنساوية الأصل
بشكير : أصلها تركي ومعناها المنشفة
تلفزيون : أصلها فرنسي ومعناها الرائي!!!!ههههههههه
سينييه : تطلق على الأنثى تبع الأتاكيت...
سمباتيك : تطلق على الأنثى ذات الخصر الرشيق واللبس الأنيق , ولكن معناها الحقيقي بالفرنسية هو "لطيفة"
شوفونيير : مكان صفة السبابيط!
بلوزة : أصلها بالفرنسي "بلوز" ومعناها قطعة من الملابس خاصة بالفتاة
لمبة : أصلها فرنساوي بس ما بعرف شو لفظها الحقيقي بالفرنسية!
بلوك : مفردها بلوكة التي تستخدم للعمار وأصلها فرنسي
كلاش : وهو سباط منتف ومفتوح من الخلف والجوانب بطريقة معينة وهي فرنسية الأصل.
بنطلون : أصلها فرنسي لكن بلفظ مختلف ونحنا عربناها!!
وهناك الكثير غيرها , وأيضاً لا ننسى أن هناك بعض الأسماء للملابس الداخلية (هلأ الشوام بيعرفوها دغري), لن أذكرها للضرورات الأدبية , لكن أصلها فرنساوي....
وأخيراً : ما بعرف إذا حدا حط هالمصطلحات :
نزلنا عالسوكة : يعني نزلنا عالمفرق (بالمكرو)
باب صآآآآآآء : يعني باب المنزل
زلمة حشت نشت : يعني ما بينفع أو غير صالح
طربيظة : يعني طاولة
كومادينا : يعني قطعة من أثاث المنزل نضع بها أغراضنا (الشوام بيعرفوها تمام)
فيتريينا (Vetreena) : قطعة من أثاث المنزل نضع بها الزجاجيات والصمديات....
مشرئة : يعني شرفة المنزل
درابزين : أيضاً تعني شرفة المنزل
كاريدور : يعني منطقة صغيرة شكلها كالمفرق أو النفق في المنزل
داكونة : منطقة نضع بها الأشياء غير الضرورية ومكانها أرضي
سئيفة : منطقة نضع بها الأشياء غير الضرورية ومكانها في الأعلى
نملية : مكان نضع في البهارات والمونة والزيت البلدي.....الخ
غّزانة : يعني خزانة بالعربي (مع الانتباه إلى الغُنّة على حرف الغين)
سكر : يعني الحنفية التي نغلقها بحركة واحدة ..... ما بعرف إذا فهمتوها
مشنتر : يعني شخص كبير خشن جداً ودبج وسمج
حاجة كولكة : يعني حاجة خرط وحاجة كذب........
والله مخبى بتيابو : يعني ما كنا متوقعينوا هيك ولها معاني أخرى....
خرّيط : يعني خاف جداً
شلّين : يعني فقط قوته ووعيه من الخوف أو المرض أو ...الخ
زمط : يعني ملص يعني هرب....
لسى في كتيـــــــــــر مصطلحات بس هلأ داء خلأي ...ههههههههههه
معاني شامية شغلة..........؟؟؟؟
) بس هيك بهالمعنى 
