والله يا بلسم حطيتي ايدك عالجرح
الله يرحم أيام الطفولة  

اقتباس

عندما كنت فيها:
كنت عندما يأتي المساء تطلب مني أمي أن أذهب إلى النوم فكنت قبل أن أنام  أصطنع البكاء لألفت نظر أمي وأبي ولكي يسألوني لماذا أبكي

أما الآن:
عندما أريد البكاء أصطنع النوم لكي أتجنب أسئلتهم

   
       

اقتباس

أما الآن:
أسمع وأفهم مايدور حولي ولكن أفضل الصمت عن الكلام

 

وأنا كمان عم حس أنو كل مرحلة أبشع من يلي قبلها
أو يمكن الانسان عنجد طبعو هيك ما بيعجبو شي
لما كنا صغار كان حلمنا نكبر ونفوت الجامعة ولما فتنا الجامعة صرنا نتمنى نرجع لأيام المدرسة ولما فتنا ماجيستير أو اشتغلنا صرنا نتمنى نرجع لأيام الجامعة
هو لازم تكون كل مرحلة إلها طابعها المميز
بس ما بعرف ليش هيك بيصير  
شكراً كتير عالموضوع المميز متلك
   

يا الله يا مروة..

عنجد أيام الطفولة وبراءتها وأكبر همومها إلها غير نكهة.. وكتير شغلات بتحسيها خاصة بأيام الطفولة .. أحيانا مكان معين أو أواعي أو أكلة بتذكرك بالطفولة لأنها بطريقة ما كانت مرتبطة فيها بشكل خاص.. فبتحبي هالمكان أو هالأكلة زيادة بس لخصوصيتها.. وأكتر شعور بيطغى مو حزن على هديك الأيام ولا فرح لأنك تذكرتيها إنما حنين بيفطر القلب..

هلأ ما بقول إني بكره هالأيام أو بفضل الطفولة عليها لأنو كل شي إلو حلاوتو بس نكهة هديك الأيام وجوها اللي ما عاد موجود ولا بشكل هو اللي بستفقدلو..

بس كلمة حق.. إذا بقول إنو هالأيام فيها شي أحلى من الطفولة فبيكون رفقاتي (إنتي ومنار ومروة ونور) عنجد لولاكن كنت ما تذكرت مرحلة الجامعة بعد شي 20 سنة.. الله يخليلي ياكن..

يعطيكي العافية بلسمو.. والله كتبتِ فأجدتِ .. تسلم أناملك.

سويت لايف

((وأنا كمان عم حس أنو كل مرحلة أبشع من يلي قبلها أو يمكن الانسان عنجد طبعو هيك ما بيعجبو شي لما كنا صغار كان حلمنا نكبر ونفوت الجامعة ولما فتنا الجامعة صرنا نتمنى نرجع لأيام المدرسة ))

سبحان الله فعلا هادا يلي عم يصير   

أهليني فيكي سويت لايف      

شكرا كتير لمشاركتك حبيبتي  

نهنوهة  

(((حيانا مكان معين أو أواعي أو أكلة بتذكرك بالطفولة لأنها بطريقة ما كانت مرتبطة فيها بشكل خاص)))

والله صح حكيك في كتير شغلات بتذكرنا بهديك الأيام  

(((بس كلمة حق.. إذا بقول إنو هالأيام فيها شي أحلى من الطفولة فبيكون رفقاتي (إنتي ومنار ومروة ونور)))

تسلمي يانهى والله الرفقة الحلوة بتساوي كل شي حلو

نورتي نهنوهة شكرا كتير لمشاركتك  

نسرييييين هلأ اتزكرت هالموضوع كرمال ردك يلي موجود هون...
اي والله يامحلى ايام الجامعة بتقرف الحياة بعد التخرج ...عن جد اتزكرت ردك يلي موجود هون عن جد كلامك صحيح ... ولي السنة الجاية شو رح يصير كمان ؟؟؟!!!!الله يستر

هههه يحرئ حريشك.....ضحكت لما قريت حكيك وردي السابق
ياستي لا تخافي هي أسوأ سنة عندك السنة الجاية نشالله بتكوني استقريتي وارتحتي :)

ان شاالله ياااااااااااارب من تمك لباب السما يانسرين

دائما عندما ننهي مرحلة من حياتنا و نبدأ مرحلة جديدة نتمنى أن نعود للمرحلة السابقة لأننا نحس بروعتها كلما أثقلتنا الحياة بهمومها
هكذا هو الأنسان لايشعر بقيمة السعادة التي يعيشها حتى يجرب ما هو أقسى

كبرنا واكتشفنا أن الدواء ليس عصير

كبرنا واكتشفنا ان هناك امور تخيف أكثر من الظلام

كبرنا لنجد مشاكلنا ما عادت تحل بقطعة حلوى

وان والدينا لن يمسكا يدينا لعبور الشارع

كبرنا لنكتشف انه من الرائع جدا ان نكون صغار

"نحن نحب  الماضي لأنه ذهب,, ولو عاد لكرهنااهـ"...

هيك طبع الإنساان,,

بس طولو بالكن يا جماعة تفاءلو شوي..

"أحلى شي لما كون بقمة الاكتئاب و آعدة قول للناس تفاءلو..
تعالو نكذب ع حالنا و نتفاءل.."

ليش هيك كله شؤم بشؤم ...

وين الثقة بالله ..
وين النعم اللي غامرتنا..
في ناس ما عندها أم .. ..
في ناس ما عندها بيت .. ..
في ناس ما عندها وما عندها وما عندها

انبسطوا شوي شئرئوا

بتعرفوا شغلة ....

عنجد حفظ القرآن بيريح كتير .. القرب لله راااائع ..
جربوا حفظوا سورة وحدة بس وقرأوها لما تصلوا بتحسوا إنكن أنجزتوا شي
الله يريح بال الجميع