السلام عليكم

اعترفي بلسوومة مو لاطشتيها من لقب العضو تبعي :))

عم امزح يسلمو عالموضوع... من جهتي أنا بوافقك شوي وبوافق golden pill شوي...

يعني اشتقت لما ما يكون في هم عنا... اشتقت لبراءة هديك الأيام... اشتقت لأيام البلاي ستيشين ولعب الطابة مع أخي... بس كمان أبدا ما اشتقت لأيام المدرسة وسخافة الآنسات ومثل ما قالت دراسة ثم دراسة ثم دراسة.... بالجامعة حسيت بكياني أكثر... صحيح الهموم كبرت بس كلشي إلو ضريبتو...

بالنتيجة كل مرحلة والها حلاوتها....

يسلمو عالموضوع...

الله يرحم أيام الحب والبراءة واكتشاف الكون
من خلال كتابنا وشرفتنا ونافذة الغرفة

الله يرحم أيام ما كنا نقرأ عن الجنة والنار
ونحكي باللي شايفينو وحاسينو

وداعاً لتلك الأيام...
وأهلاً بأيام الخداع والحقد

أترى مازال العيب فينا أم ان لعنة حلّت على هذا الزمن؟

                                                                                         

السلام عليكم و رحمة الله تعالى و بركاته

** *  *    *      *        *                  *                            *

تلك الأيام

آآآه ما أجملها

خصوصي الفيئة بكير  ...  و نحنا مستعجلين ......و ماما تشعل الصوبيا و

نفطر سوا .....و أحيانا نتناقر الصبح  

و نروح سوا على المدرسة .....و إيدنا بأيدين بعض انا و إخواتي .....و نرجع سوا

و نتغدى و نحنا عم نتفرج على برامج الاطفال

و كتيرررر شغلات و تفاصيل حلوة

الحلو فيها أنها مجردة من المسؤولية

لهلأ لما اطلع مشوار مع ماما أو حدا من إخواتي أو كلون بحس حالي

ماشية و مو هاممني شي ....... أمان غريب

* *  *    *    *            *                * 

 

ياااااااالله  ........الله يسامحك ليش لتذكرينا

هلأ بفيق لحالي و بفطر لحالي و بروح لحالي و برجع لحالي و طول هالطريق ساكتة

و عم فكر بجبل الهموم اللي فوق راسي

 ** *  *    *      *        *          *                *

دمت بخير ...

 

سؤال :

من مشركاتك لاحظت أنك الالام بحد ذاتها فكيف تكونين بلسماً لها ؟؟؟؟؟؟؟؟؟؟

 مع احترامي  

دينا العلي أهلين فيكي بالموضوع

عن جد خليتيني اضحك

بس انا برأيي الانسان وقت يكون متألم بصير بيحس بالآخرين أكتر وبيفهمهون أكتر وبيحاول يقلون ويواسيهون بالحكي يلي بيتمنى انو ينقال لإلو وقت يكون متدايق

لذلك اذا شخص كان بلسم لآلام شخص آخر فهادا مابيعني انو هالشخص ماعندو آلام  بالنهاية كل انسان عندو آلام بحياتو ولو ألم بسيط  لأن الدنيا مو كلها سعادة وبس
شكرا لمرورك وكلماتك الحلوة يلي كتبتيها بردك السابق    

أجل ومن كثرة الالام أصبحت أحمل قلباً "ميت في جسد حي".

 

ولكنه من الممكن أن تضحكي إن للالام حلاوة تجعلني أفتقدها

 

عندما لا أستمع لصوت يبكي أو لهم يسلم لي

 

إنني أحب أن أتذوق هموم البشر دون أن أجعل انسان يعرف همي

 

 

أنثى جامحة , دينا العلي, انين الروح ,dr.basharia

أهلا فيكون بالموضوع شكرا لمروركون والحمدلله على وجود الأمل لأن الأمل هو أساس استمرار الحياة

((نعيب زماننا والعيب فينا ومالزماننا عيب سوانا))
الله يهديني ويهدينا اجمعين ويوفقنا ويسرلنا أمورنا كلها

     

سلاموووووووووو     

والله بصراحة فيكي تقولي اني استوحيت عنوان الموضوع من  لقب العضو تبعك بما إنو اليوم اتغالظت عليكي بعناوين الموضوع تبع السنة الخامسة لاتواخذينا آنسة سلام  
ومتل ما قلتي ايام الجامعة عن جد اريح وأحلى من أيام المدرسة حتى بيحس الواحد انو إلو شخصية بس أنا بحب الطفولة من ناحية انو لسا مافي مسؤوليات
نورتي سلام خانم شكرا كتير لمشاركتك    


دينا العلي

((إنني أحب أن أتذوق هموم البشر دون أن أجعل انسان يعرف همي))

وأنا هيك كمان
شكرا لمشاركتك مرة تانية  

يسلمو بلسم ع الموضوع ..

الله يرحم هديك الأيام .. أيام الابتدائي
وقت كان يلي بقلبنا على راس لسانا.. نحكي بصراحة و ما  نحسبها و نئعد نفبرك كلمات على غيرنا ..
تجي شي بنوتة بدها تلعب معنا بالباحة تقلها وحدة تانية روحي ما بدي العب معك لانك أكلت سندويشتي!!
أيام البراءة و قت ما كان حدا يلف و يدور على حدا ..
أيام وقت نتزاعل و لما تكبر القصة كتير توصل للآنسة و تجي تصالحنا و هي كانت أكبر همومنا  ...

و منكبر أكتر ,, ثانوي ...
بتذكر كل الرفئات " كلون " قلبهم على بعض ..
و كل وحدة دايرة بالها على دراسة التانية من كل قلبها ..
((علماً انو بعض هالرفئات نفسهم تغيروا بالجامعة و صار كل واحد ربي نفسي...))
وقتها كان أكبر الهموم هو التفوق و الأولية و يا مهونوا قدام هموم هلأ..

و بعدين الجامعة..
عندي إحساس ما بعرف اذا صحيح .. بس الجامعة كتير نزعت فينا شغلات بريئة و حلوة..
و زرعت فينا " الأنا " ,,,,
طبعاً هاد بالإضافة للهموم - و يلي هية شي طبيعي - كونوا نحنا كبرنا و ما عدنا ولاد صغار ... 

ايه ..
و بكرة منتخرج و منشتاء للجامعة و بجي أنا بئرا هالمشاركة و بضحك ع حالي

بس أملي بالله كبير .. و بكرة أحلى بإذن الله


و              

شكرا كتير بلسم على هالموضوع الحلو  أنت خليتيني اتذكر ولو للحظات نفس المواقف

واكيد كل واحد منا مر بهي المراحل بس لازم نكمل مسيرة الحياة سواء كانت

صعبة... سهلة...حلوة أو حتى مرة

وانا ما بحب فكر الا بلحاضر  لهيك بعمل يلي عليي والباقي على الله

ومع التيسير و الاتكال على الله بتمشي الأمور على احسن وجه 

السلام عليكم

اقتباس

والله بصراحة فيكي تقولي اني استوحيت عنوان الموضوع من  لقب العضو تبعك بما إنو اليوم اتغالظت عليكي بعناوين الموضوع تبع السنة الخامسة لاتواخذينا آنسة سلام

له له... ليش ما بتعرفي إنو حقوق اللقب محفوظة  ... لازم تدفعيلي غرامة.... وإذا بدك منحلها بالتراضي على شي  عزيمة....


إنتي المنورة بلسومة