رد مشاركة : ليبيا الآن ليلة 22 رمضان.
"الوافي في تحليل القذافي"
اختلط على ذهن "المؤيّد" السوري اتّخاذ قرار فصلي أو شرح وصفي في قضيّة ليبيا, وكانت أغلب الإجابات عن سؤال: هل أنت مع أو ضد القذافي؟.... بـ "ما بعرف"
وفي هذا السياق اقبلوا تحليل عبد فقير:
1- لا يختلف اثنان في أنّ القذافي يكاد أن يكون الرئيس العربي الوحيد بعد سيادة الرئيس الدكتور بشار الأسد الذي يملك موقف واضح وسياسة صارمة في عدم الاعتراف بإسرائيل, والاعتراف بحق الفلسطينين في العودة وموقف مشرّف تجاه القضية العراقية والقضايا المصيرية للعرب ... "وهون لازم ارفعله القبّعة احتراماً"
2- وأيضاً لا يختلف اثنان بأن القذافي يعاني من فشل دماغي واضح وفصلان شبه دائم وبلاهة شبه مستديمة.... "رجعنا لبسنا القبّعة"
3- نظراً للبندين السابقين نقف مع الثائر الليبي "السلمي" في تغيير الرئاسة لأن القذافي لا يصلح لأن يكون رئيساً بهذه الإمكانيات العقلية.
هلأ شو يللي صار؟؟؟
يللي صار إنو قسم من الشعب ثار... وشخصياً بعتبر النسبة - فيفتي فيفتي-
السيد القذافي ما رضي يتنّحى فأصبحت الثورة غير سلمية... اتدخلت القوة الصديقة "الناتو"
الآن مفصل القضية: أنا زلمة بدّي أعمل ثورة ببلدي... إجا واحد من بريطانيا بدّو يساعدني... بدحش إجري بحلقه وبقلعه... من باب "بقلع شوكي بإيدي"..... و "ما بيحكّ جلدك غير ضفرك"
ولكن الثورجي الليبي وافق على دخوله... وقعّده ببيته... وفي بعض الروايات شرّبه متّة.
وهنا السؤال الأهم الذي يطرح نفسه... حلف الناتو الذي يضم أكثر من عشرين دولة مجتمعة بكامل قواها العسكرية... و حوالي الشهرين من الحرب المتواصلة والقصف... وما حسنو يدمروا بيت القذافي!!! أو مكان إقامته أو يعتقلوه!!! لأ وهلأ فاتوا على بيته وسقطت طرابلس وما انمسك!!!
بجوز السيد القذافي حاطط كلمة سر تبع الإخفاء "إنفزبل"
إيه على مين عم تضحكوا بقى؟!!! جعل إجري بهيك حكي...
مافي تشريع سماوي أو كتاب منزّل أو رسول مبعوث بيقدر يقنعني إنو ليبيا ما رجعت 40 سنة لورا ... و يا محلا العراق قدّامها
وعلى سكرة كاسة الشاي وسحبة "الوينستون" و وجع أم كلثوم خطر ببالي خاطر ... ويا ريتو ما خطر: "معقول كنّا أمام مسرحية هزليّة أبطالها وراء الكواليس ومخرجها ما بيحكي عربي والضحيّة نحنا!!!! معقول كان مشهد درامي حزين حزين حزين ...."
لأ مو معقول... أكيد الدخان مضروب...
بقى يللي من فترة كان كاتب (24 مليون مبروك من الشعب السوري) بحب قلّه شغلتين: 1- ياريت تقول مبروك عنّك وعن الأقلّية تبعك واترك الشعب السوري بحاله.
2- مبروك لأنو صار النفط الليبي بإيد فرنسا.
3- بحب قلكن مبروك على احتلال ليبيا يللي عم تطبلوا وتزمروا مشانه, مبروك لأنو ما بقي غير سوريا ليست محتلّة (عسكريا, أو سياسياّ, أو اقتصادياً, أو أو أو) من كل الدول العربية... "لأننا لا نسمح لأي دولة في العالم لا قريبة ولا بعيدة بأن تتدخل في القرار السوري"
ليبيا الآن ليلة 22 رمضان.
