بالفعل كتير مهم يكون في صيدلية بالبيت ...

وبالنسبة لقراية الراشيتة ،، لاء هو كتير ضروري لكن يفضل يقراها اللي عم يرعى المريض تجنبا حتى ماينوهم ...


                        الموضوع مهم شكرا لطرحك ..  

طبعاً متل ما قالوا الشباب بالنسبة للنزف الواسع ..أهم شي كمسعف ما بتشيل الضماد أبداً وإنما بتبقى ضاغط عليه حتى وانت عم تحط ضماد تاني نظيف فوقه ..

بس بالنسبة للحرق يجب أو يفضل عدم تغطيته أبداً لأنو بصير شفاؤه أصعب وإمكانية عدم بقاء ندبات بصير أقل ...

التعامل مع الحرق بحالة الدرجة الأولى والتانية وضعه تحت حنفية الماء لمدة 10 إلى 15 د متواااااصلة ... وبعدين تطبيق مرهم الحرق يفضل يكون ظريف حتى لو كان غالي لأنو بتعرفو ما في أصعب من الحرق ..

أما الحرق من الدرجة الثالثة (الواصل للعظم وما في إحساس بالألم لزوال أعصاب الألم) بتم تغطيته بطريقة مناسبة لتحجبه عن الوسط الخارجي وتحميه من الإنتان وفورااااا عالمشفى

كمان بالمناسبة هلأ صيييييييييف وشوووووب ديرو بالكن على أدويتكن لأنها عم تخرب بهالحرارة العالية يلي بتتجاوز ال35 أحياناً ولهيك شوفو درجة الحرارة المناسبة واتعاملو بمايلزم ..

يسلمو ايديك وانشالله بتحققي حلمك عن قريب ..

شكرا كتير للصيادلة الأعزاء على اضافاتهن...

معلومات مفيدة و مهمة و لازم كل الناس يعرفوها..

الله يوفقكن و ييسرلكن الخير يا زملاء المستقبل,,,

شكرا عالموضوع
عندي أسئلة كتير ..بس  مأجلتها لبعد الفحص

بس بدي أطرح عليكم فكرة ..
شو رأيكم
كل حدا يصور صيدلية المنزل الخاص بمنزله ..ويحط الصورة هون
وكمان كل واحد يحكيلنا شو فيها صيدليته المنزلية..وشو الشي الأساسي اللي كل ماخلص مابيستغني عنو ..   

آها فكرة كتيييييير حلوة..

انابرأيي الرغوة تبع الحروق"ههه ما بعرف اسمها مع انو على أساس صيدلانية"

لأنو كتير بتريح,,

شو رأيكن؟؟

الحقيقة الصيدلية المنزلية ضرورية ولا غنى عنها . اكتر شي يستعمل خافض الحرارة و المطهر والكحول والقطن طبعا في كتير ادوية اخرى بس انا عم احكي على الاكتر استعمالا و الله يجيرنا من كل مرض

؛(((
التعامل مع الحرق بحالة الدرجة الأولى والتانية وضعه تحت حنفية الماء لمدة 10 إلى 15 د متواااااصلة ... وبعدين تطبيق مرهم الحرق يفضل يكون ظريف حتى لو كان غالي لأنو بتعرفو ما في أصعب من الحرق ..
))

سؤال ؟

شو هي برأيكم المراهم الظريفة للحروق؟؟

أنا بعطي جنتامايسين بس لازم يكون المرهم في ملطف كمان .؟؟!!

السلام عليكم :
هلأ بالنسبة للحروق , عندنا أكثر من نوع , فهنالك الحروق بالحموض وبالأسس وهنالك الحروق بالنار أو ما شابهها , وأفضل طريقة كما قال زميلي هو وضعها تحت الماء أو معاكسة فعلها , فإن كان حرق بحمض وضعنا فوقه أساس ممدد ,وهكذا.....

أما بالنسبة لأنواع المراهم , فأنا بفضل مطهر عام وليس الجينتامايسين , كالبوفيدون مثلاً , لأننا لا نعرف نوع الجرثومة التي قد تصيب المنطقة وما مدى تحسسها للجينتامايسين , بالإضافة أن البوفيدون أوسع طيفاً ويشمل الفطور وجزءً من الفيروسات....الخ , بالإضافة لمرمم جلدي , طبيعي كـ ميبو أو كيماوي كـ ديكسابانتينول , وهالأيام في مراهم معها فيتامينات مثل : فيتامين E وفيتامين B5 ....الخ لأتغذية الجلد وترميمه بشكل أسرع.
     

أنا هيك استنتجت أحسن الشي هو البوفيدون كريم ...

ومتل ما قلت مرمم جلدي

بس إذا بدي ملطف للجلد .....

فكرت بالكالامين ....شو رأيكم ...ولا في مستحضر بيكون في شي مضاد هستامين موضعي مثلاً؟؟؟؟؟

السلام عليكم

هلأ البوفيدون بس مطهرة

يمكن نحطو بعد الحرق مباشرة

بعدين بنصير بنطبق المراهم المرممة متل الميبو وغير أنواع (في نوع عجبني وسعرو معقول اسمو heal كمان عشبي)

وكمان بعتقد أنو هي الكريمات بكون فيها مكوّنات ملطفة ومخففة للحكة واحساس الحرق

بس في مستحضر بيحوي بس مضاد هستامين على شكل كريم
لشركة الفارس بس نسان اسمو
هو على شكل علبة ذات مضخة