اقتباس (ولكن أنتي وآخرين دخلتم إليه البارحة أخيراً وما رأينا أي رد !)
    اقتباس(ربما البقية لديهم الكثير اليوم لقوله)
      اقتباس(سيف الإسلام - شاب  :)

اكيد ممكن يكون في اشخاص عندن جديد يقولوه الحكي ما بيخلص بس المشاركات والردود خفت  بسبب الاشباع لا هربا ولا غيرو
با النسبة لموضوع مبارح ممكن ضل فاتحة النت وقت طويل بس ما بكون متابعة الردود لما فتحت الموضوع كان مغلق وان كنت حابة رد على قياسك ومشابهتك حركة حزب الله بتموز بحركة الاحتجاجات بسورية بذات الموضوع
ما بعرف ليه ببالي انك بنت من موضوع سابق اسفة
هلا سيف الاسلام

Oscar

المنتدى مقسم لساحات منوعة (ونحن هنا في ساحة الحوارات الجادة)
فإنتقي مايعجبك


وبالمناسبة أيضاً
(وعلى إعتبار أن التاريخ جزء من المستقبل وأن النظام الحالي يُعتبر كتلة واحدة منذ 40 عام)


فهل تريدون حواراً منذ (ثورة/إنقلاب) 1963

أم منذ (البيعة/التوريث) في 2000

أم من عند (فتنة/ثورة) 15-3-2011
على إعتبار أنها الأحداث الأخيرة
والتي تلامس وتهم المجموع ككل ومنا من عايشها بنفسه

يا ريت ما يكون في حكي مسخرة وتجريح
وأنا رديت على كزا موضوع بس لحد هلأ الردود مخفية


الله يحمي سوريا وقائدنا يا رب

يمكن صاحبين المنتدى بيعرضوا يللي بيعجبن وبس... والباقي بضل مخفي
مشان يقولوا ما حدا عم يرد على مواضيعنا أو بقولوا (رحيل من دون عودة)
وبرجع بقول ما في داعي للمسخرة أو التجريح ببعض الردود

نحن ننتظر أخي لنناقش .. نسمع ونُسمِع ..

وبصراحة الهدف من النقاش ليس فقط لحل الأزمة كوننا نحن الجيل الشاب ونحن طبقة الجامعيين ..

لكن تعودنا دوماً خلال هذا المنتدى وفي غيره .. أن الحديث بالسياسة أمر مرعِب .. ومع أن كل واحد منا كان له فكره الخاص فيما يتعلق بالنظام وبالفساد .. لكنه يخفيه خوفاً مما يتلوه .. ولا زال الخوف يعترينا جميعاً مهما رميناه خلف ظهورنا .. خوف الاعتقال أو خوف القتل (وهذا ليس كلاماً جزافاً فكلنا معرضون لهذا والأمر لا يحتاج لدليل إطلاقاً فأظن أننا رأيناه رأي العين ) ..

ودائماً تعودنا .. أن الحديث إن كان في السياسة .. فكن مع النظام وامدح بشار .. تسلم .. وإلا .. فلا مكان لموضوعك ولك هنا .. فبالتالي .. النقاش للتعبير عن الرأي .. لأنها حاجة إنسانية طبيعية .. فالمظاهرات لم تكن سوى للحرية في البداية .. التي - من المفترض - أن تقرها أنظمة حزب البعث ..

تحيتي..

السلام عليكم

اول شي بدي عايد ع الكل بمناسبة شهر رمضان ينعاد عليكن وع اهلكن بالخير والبركة

تاني شي بتمنى يكون الحكي بلهجة اخف مشان نكمل بالنقاش

بالنسبة للاخ عبادة...

لحق واضح ولا يمكن الجدال عليه ومن يتخذه خليلاً ويعرب عنه من دون خوف عليه دفع ثمنه وثمنه يكون إما اعتقالً أو رصاصة تخترق جسده أو إصابة بالغة تقضي على مستقبله ويعرض نفسه وأهله للخطر ويصور ما يجري بكاميرة موبايله من غير مقابل هذا هو قائل الحق


أما من كان يسمي نفسه مؤيداً فسوف يكون بأجمل الساحات و يتم تصويره بأحدث الكاميرات ويُحضر له فنانين لكي ينسونه بالحقيقة ويكذبون إعلام الكرة اللأرضية جمةً لكي لا يؤنب الضمير صاحبه فهو أعلنها بكلمة "خلصت" مهدأً باله مغمضاً عينيه عند ورود على الشاشة أعداد الشهداء ......


فإما أن تكون أو لا تكون

طيب نحنا اتفقنا انو نبعد عن التخوين ...انت ليش معتبر انو يلي شايفو هوي الحقيقة وكل شي غيرو غلط...

راح شهداء من المعارضة وراح شهداء مؤيدين وراح شهداء من الامن والجيش...

هادا معناتو انو في حدا عم يقتل...

ازا شلنا 10 بالمية شهداء راحو نتيجة خطأ امني او فورة دم من حدا من المعارضة او المؤيدين بضل في تسعين بالمية من الشهداء...

خلونا نفترض فرضيات ونناقش عليها..

ازا قلنا الجيش عم يقتل...والعساكر اكيد مو كلن من نفس الدين او الطائفة معناتو في حدا امرو...رح يأمرو لسبب طائفي او سياسي...بهي الحالة شو النتيجة؟؟...في حدا رح يرفض هالشي كمان لسبب طائفي او سياسي وهادا يؤدي الى انقسام الجيش واجهزة الامن ومعظم اجهزة الدولة على اساس طائفي...لهيك انا برفض هي الفرضية...

ازا قلنا المعارضة او المتظاهرين عم يقتلو...كمان بكون عم اتهمن بشي مو مرتكبينو لانو فعلا في ناس عندا مطالب...لهيك كمان هي مرفوضة بالنسبة الي...

ما ضل غير انو في طرف تالت...طالما انو في شهداء من الطرفين وطالما انو ثبت وجود مسلحين ( بالنسبة لالي شفتن بعيني ) ...معناتا هدول المؤيدين والمعارضين بيتبرو منهن....هلأ للاسف صار استغلال لمظاهرات من قبل هدول الاشخاص....ما فينا نطلب يوقف التظاهر لانو ما في ثقة بالدولة من قبل المتظاهرين...

وللتأكيد ع وجود عنصر الارهاب او العناصر المسلحة يل باكد عدم انتماءو للمعاضة او للمؤيدين...بحمص تم القاء القبض ع شخص باكستاني مسلح كان متصاوب برجلو بمنطقة باب السباع وشوفير سيارة الاسعاف يلي اخديتو احداعز اصدقاء ابي....وتاني شي ...الشي يلي ادى لدخول الجيش الخميس الماضي ويلي ما حدا زكرو بالاعلام لا السوري ولا غيرو انو الفتنة الطائفية كانت رح تبلش لانو لقينا جثث 3 شباب مقطعة هنن من طائفة معينة هادا الشي خلا العالم تجن....انا ما بظن انو المعارضة مؤيدة للفتنة او للطائفية لهيك مستحيل يكون فيه ذرة وطنية يلي بدو يقتل ويقطع بهالشكل...طبعا هدول حادثتين من حوادث كتيرة شفتا او حدا من اهلي شافا...وقبل ما انسى ..بشارعنا وقدام بيتنا ايام اللجان الشعبية مسكنا كتير مسلحين ومنن لبنانين واردنيين...

يعني خلونا نتفق انو في طرف تالت عم يشتغل ع الارض...انا هادا شي لاحظتو وشفتو...شوو رأيكن انتو؟؟

مع الاحترام لجميع ابناء وطني...

جد بيكفي مواضيع من هالنوع لسا كل حدا بدو يناقش ويساوي حالو فهمان بالسياسة

كل شي عم يصير واضح

ما بدو تحليل

وازا رح نحللو

رح نقضي رمضان ببيت الخالة

بقا خلي كل واحد محتفظ بافكارو

قد ما طال النقاش وتعددت جوانبو وتعمقنا فيه

رح يبقا كل واحد مقتنع بافكاروا

ويلي عم يصير عنا باااين ما بدو تحليل

هاد يلي بقللك عصابات وهاد يلي بقللك مؤامرة وهاد يلي مدري شو

كل شي واضح

سلام

(أمير حمص)

بداية جيدة أخي

ولكن حتى فرضية -وجود طرف ثالث هو من يقتل ويخرب- تحتاج لنقاش وإقناع

فمثلاً

كيف دخل هؤلاء -المندسون المسلحون- إلى دولة كـ -سوريا- معروفة بكثـرة وقـوة أجهزتها الأمنية !؟

وكيف يتحرك هؤلاء -بهذه السهولة- برجالهم وأسلحتهم
من درعا إلى دوما إلى حمص إلى جسر الشغور إلى إلى إلى !؟

ولماذا لايملك -النظام- وهو من إفترض وجودهم أدلة دامغة لوجودهم وجرائمهم !؟

ولماذا لايظهر هؤلاء -المندسون المسلحون- إلا في المظاهرات دون مسيرات التأييد !؟

ولماذا يرد النظام على المتظاهرين السلميين -طالما أن مشكلته فقط مع المندسين المسلحين-  !؟


أما شهداء الجيش والأمن

لي تحليلي الخاص حول هذه النقطة وأسبابها

1- هناك شهداء من الجيش والأمن وسقطوا غدراً -فلا ننكر والرحمة لهم والفخر بهم- ولكن هؤلاء هم نسبة فقط !

2- فهل -عنصر الأمن- الذي يقتل شاب فتتقاعص الدولة عن محاسبته فيقوم
أهله وذويه بالثأر لفقيدهم (يُعتبر شهيد الوطن) ؟

3- هل -عنصر الأمن أو الجيش- الذي يرفض تنفيذ أوامر رؤوساءه فيجري تصفيته هو أيضاً (شهيد الوطن بمفهوم النظام) ؟
كما شاهدنا وإعترف بعض -المنشقين- من قوى الأمن والجيش

4- هل -بعض عناصر الأمن- الذي يستبيحون حرمة المنازل وأعراض أهلها
فيجري مقاومتهم -دفاعاً عن النفس- ولو بالأيدي والسلاح الأبيض (هم شهداء الوطن)؟
ولفهم هذه النقطة -ليضع كل شاب شريف نفسه في المثال-


أخيراً

يعني خلونا نتفق انو في طرف تالت عم يشتغل ع الارض...انا هادا شي لاحظتو وشفتو...شوو رأيكن انتو؟؟

إن سلمنا جدلاً بطلبك
فما آن الوقت بعد لنتخلص من هذا -الطرف الثالث القاتل والمنبوذ- !؟
وإن عجز النظام بكل قوته عنه
فشباب الثورة جاهزون للمساعدة - فتفضلوا وأخبرونا كيف نساعد- ؟

(ميت في جسد حي)

مع الاحترام لكل الاراء
لكنها بداية طيبة للاعتراف بنا كمولاة برئية من أي مصالح

ليس إعتراف بل هي حقيقة لاننكرها -للبعض منكم-

ولكن في المقابل
نتمنى ألا ينكر -نظامكم وبعض ممن في صفوفكم- وطنية وبراءة الطرف الآخر أو بعضهم على الأقل

ولكن عل العموم
ما المطلوب منا بالضبط أن تصبح معارضة مثلا؟؟؟؟؟؟؟؟؟؟


المطلوب كما تضمن الموضوع
(الحوار الهادئ والواعي بقصد الوصول إلى كلمة سواء يتفق عليها معظمنا)

ولما لا تصبحوا معارضة !
فقد نصبح نحن بعدها -موالاة-  :)


تحية لكل من شاركنا
وفي إنتظار البقية