السلام عليكم ورحمة الله

كيفكن انشالله مناح ...

بحكم صداقة ... أخوة .... حب .... عداوة .... حقد ....

ممكن نتعمق بشخص ....

وأحيانا .... نعيش معو سنين مانكتشف فيها من غموضو شي .....

وأحيانا .... ينكشف العمق بلحظة .... او بموقف ....

وقتها ممكن ننصدم في ... أو نخاف منو .... أو نبتسم بغصة قدامو

وفي احتمال انو يكون العكس ....

نكون مفكرين هالشخص مختلف ونحطلو مكان وموقع بقلوبنا وتفكيرنا ونكتشف

بلحظة  انو هو ......            شو رح تساو وقتها ....

مدري بدي فش خلقي مدري انا متدايقة من شي جارحني .... مابعرف

خلونا نحكي ....

أول شي بشكر الله إنو انكشف القناع
ثانياً أحاول أن أثبت لنفسي أن هذا الشخص لا يستحق ثقتي ... مواقف من الذاكرة لن تخيبك ...
ثم أسعى لإشغال نفسي لكي لا أعطي للشخص قيمة بتفكيري وحزني عليه ...
ثم أبدأ حياتي من جديد وكلي ثقة أني سأجد شخص بحره صاف وأنه سيكون نقي الطبيعة ولكن دون أن أنسى " الحذر"
أرجو لك نبضات من النسيان ونبضات من الأمل :)

السلام عليكم

انا كتير صايرة معي هالشغلة وياما ناس حبيتهم كتيرررر وفجأة عند أول مطب بيكشفوا عن وجوههم الشريرة ويلي بيزعجني اكتر انو بضل معهم فترة طويلة و هنن طول هالفترة حبابين وفجأة بتكتشفي عكس الشي والله اصعب شعور

بس انا من خلال تجاربي مازادتني هالتجارب الا ان اكون اكثر حذر مع الناس والحذر مو عيب

بنصحك تلملمي جروحك وتكوني اقوى لان من المستحيلات الثلاث في هذ الكون الخل الوفي

والله يا حبيبتي يادموعة انا عندي قاعدة بهالحياة الف عين تدمع ولاعيني تدمع

صح الواحد بيتأثر كتيررر ونحنا بالنهاية بشر بس الشخص يلي جرحني وباعني شو بينتظر مني؟؟يعني بعد ما اكتشفت انو معدنو مو ذهب (وحطيلي ع كلمة معدن مية خط )شو بينتظر مني؟؟؟

لان وقت بدك تحكمي ع شخص انو منيح لازم تشوفي تصرفاتو وهو عالطبيعة لان انا بقدر مثل    وانت  وغيرنا  ومافي اسهل من التمثيل بهالزمان وقد مامثل الانسان الا ما يرجع لطبيعتو

صح الصدمة كبيرررة بس هاد الشي متل ماقلتلك بخليكي تحذري اكتر من الناس وتتحكمي بمشاعرك لان الحياة ماشية وما بتتوقف عند حدااااااااااااااااا

الله يوفقك يارب

السلام عليكم
عزيزتي دموعةعلمتني الدنيا انو الطيب
ما الو مكان فيها وبينفهم غلط
يا ما انصدمت من ناس كنت مخلصة معهم لأبعد الحدود
بس طلعو مو أهل للثقة
خلينا نكون ايجابيين ونستفيد من تجاربنا
وان شاء الله بتعيشي أيام كلها سعادة وصدق

أهم شي الانسان يكون صادق مع حالو وراضي عن تصرفاتو
الله يوفق الجميع

السلام عليكم ....
اختي دموعة....
درجة الثقة
هي من تلعب الدور الاساسي في امور تعاملنا مع نواجههم في هذه الدنيا....
لانه لو لم تكن لديك الثقة بالشخص الذي يسبب لك القلق لما كان بالوقت ان يأتي وتفصحي له بـــ (((كلمة-جملة- قصة- حادثة...))أو بالأشياء التي تزعجك...
فدرجة الثقة.....
هي التي تحدد مستوع وسقف عمق المعاملة....

أرجو ان تتقبلي رأيي وردي ....
مع جزيل الأصرار بأن مواضيعك مميزة....
في أمان الله...