انا و جالس اما اللابتوب و عم اتصفح المنتدى الغالي
كانت اختي جنبي معها جريدة قديمة و عم تقرا فيها و قالتلي اقرا الك برجك
فهون خطر لبالي شوف الابراج تبع اليوم
و طبعا رحت على موقع متخصص لهلشي
و نتيجة لاني من مواليد شباط شهر و لادة الاذكياء كان برجي الدلو

فبراي نجلاء قباني بابراج اليوم

الدلو  أنت اليوم محبوب ومرغوب من قبل الأصدقاء أو الرؤساء وتبحث  في الجديد

قرأت  الكتابات و كنت رح طق من الضحك
لان هاد اليوم من اسوا الايام بعلاقتي باصدقائي و غبت عن معسكر التدريب الجامعي يعني ابصر اليوم المسؤولين عني شو حكيو علي و يمكن فصلوني من المعسكر
اما الجديد العم ابحث عنو لهلق ما كنت لاقيه
بصراحة تضرب نجلاء قباني هي و ابراجها و الناس الابيخ منها يللي بيستضيفوها او بينشروا الها بالجرايد

و بموقع تاني لا قيت شي احلى


أصحاب برج الدلو حظك لليوم

مهنياً:تطلع على الكثير من أسرار العمل الخاصة والتى يجب أن تعرف كيف تحافظ عليها

عاطفياً:تتذكر الحب القديم وتحن له

اي اسرار و اي عمل و لك يا جماعة انا الي خمس سنين عم دور على شغل يا ستي لاقولي شغل و انا رح قص لساني من شان ما خبر حدى بهالاسرار الخطيرة

و بالنسبة للحب القديم تركتو لغيري لاني بالاصل ما بآمن بشي اسمو حب قبل الزواج لانو كلو فزلكة و كذب وو لف و دوران

بالنتيجة

كذب المنجمون ولو صدقوا

و لكن ما ذا نقول و هم يكذبون
كبروا عقلكن يا كل من يؤمن بالابراج او يضيع خمس دقايق و هو يقرا هالمسخرة
تحياتي الكن و اسف على الاطالة

                                                                                                  خادم رسول الله

اي والله عم تحكي درر

شكرا الك ياسمن و لتعليقاتك
مو قصة عم احكي درر او غير شي
بس و الله انا شخص اكثر صفة بكرها هي الكذب و مليت منه
و هو تبع الابراج هنن رمز للكذب

النهفة وين انو في ناس مابتتحرك من بيتها قبل ما تسمع برجها لليوم مشان تكون حذرة قال يعني

والاسوء من هيك انك تلاقي مثقفين جامعيين يؤمنون بهالشي والابراج اخدة شقفة من عقولهم

نسأل الله العافية

اكيد كذب المنجمون ولو صدقوا

وفعلا لو صار بعض التلفيقات التي تذكر في البرج ..فهي بمحض الصدفة لا اكثر ولا اقل

والدليل الاختلاف بين الابراج من جريدة وجريدة اخرى

فكيف ذلك ؟؟

سبحان الله ..ولكن طبع الانسان يحاول الاستطلاع على مستقبله

ولكن بجهل ..

(قدر الله وما شاء فعل )

ياسمن : اي هدول الناس يللي عم تحكي عنهن لا تواخذيهم لانو ماجرين عقولهم استثمار سنوي يا حرام
اخت ايه: شكرا الك على التعليق و الله انا من زمان مفتقد وجودك و ردودك الجميلة

اخت ايه: شكرا الك على التعليق و الله انا من زمان مفتقد وجودك و ردودك الجميلة

ولو ..شكرا الك

انا موجودة ..بس المشكلة الضغط بالمنتدى بعد الامتحانات ..بس اكيد على اطلاع بكل جديد من مواضيعك المميزة

السلام عليكم  زميل مجد(خادم رسول الله):

اشكرك على طرحك الرائع للموضوع الخطير والذي أصبح جزءا من حياة بعض الناس  فقد أصبحت الأبراج تتحكم في عقولهم وأصبح المنجمون يسيرون حياة هذا الشخص وذاك على هواهم .............

وإليكم  ما قاله قتادة رحمه الله تعالى : إن الله تبارك وتعالى خَلَق هذه النجوم لثلاث خصال : جعلها زِينة السماء ، وجَعلها يُهتدي بها ، وجَعلها رُجُومًا للشياطين ، فمن تأوّل فيها غير ذلك فقد قال بِرَأيه ، وأخْطأ حَظَّـه ، وأضاع نَصِيبه ، وتكلّف ما لا عِلْم له به


فالأبراج والـنُّجُوم ليست أسبابا للسعادة ولا للشقاوة ، ولا للغِنى ولا للفقر ، وليس لها تأثير في صِفات الْخَلْق ، ولا في طبائعم .

فكلّ نَجْمٍ وبُرْج يُولَد فيه الطويل والقصير والأبيض والأسود ، وغير ذلك .

والله تعالى أعلم .



تقبل مروري ....  

صدقت 100%    

شكرا يا سيد مجد على هالموضوع ......