السلام عليكم:
نصيحة مني، خدوا معكم قنينة مي، ومحارم ، وإذا فيكم هواية لا تقصروا. لأنو الفحص بيكون بمدرج أشبه بمدرجاتنا مع فرق انو بدون مراوح وعدد الطلاب لا بأس به، يعني رح تنسلقوا من الشوب.

لا تنسوا الهوية والبطاقة الامتحانية، وقلم أزرق، وقلم رصاص تبع أتمتة.
الوقت ساعتين ولا تخافوا بيكفي وبيزيد.
اللهم لا سهل إلا ما جعلته سهلا.
موفقين جميعاً.

السلام عليكم

عنجد ساعتين

في مين قلّي أنو ساعة وحدة
                                     
إذا ساعتين فكتير منيح
                                               
الواحد بيقعد بمخمخ منيح بالأسئلة
                                                           

السلام عليكم

يمكن كون متأخرة كتير

بس مشان القسم لخريجي الدورة التالتة فهو بكرة ( الاثنين) الساعة 11

******************************************************

أنا اليوم حسيت بالنعمة اللي كنا فيها بكليتنا

شو هالعجقة بالبرامكة

نعمة وبس ... !!!

آه من مجمع البرامكة ... كل شي بيخطر عالبال محطوط فيها هيك كيفما اتفق وعجأأأأأأأأأأأأة مو بالعقل ومواصلات بدك ساعة لتطلع عالواقف بشي باص بكون ما بوصلك عبيتك .. بس علأقل بطلعك من هالمجمع ..

وحتى إذا معك سيارة بتضل نص ساعة عالإشارة يلي هنيك وشوووووووووب

الله يكون بعونن ويساعدهن .. شي مو قليل أبداً

بالمناسبة آسفة ما اتواصلت معكن وقت الفحص بس ما كنت عم فوت عالنت ... عندي مشكلة عويصة مع فاتورة الثري جي ..

انشالله تكونو قدمتو منيح

وهلأ شو مشان التسجيل .. شو في وراق؟

وشو عم تدرسو ؟؟؟

موفقين

السلام عليكم

مشان التسجيل

فلحقي سجلي بسرعة

لأنو يوم 5 الشهر آخر يوم
                                         
بدك تجيبي الملف تبع التسجيل من الكشك تبع الحقوق
                         
وصورة هوية
                             
وصورة الشهادة
                             

آآآ .. يسلمو كتيير عالرد السريع ...

والله يجزيك الخير يا رب

للتسجيل في وزارة الصحة مطلوب ما يلي:

1- صورة مصدقة عن شهادة البكالوريا

2- صورتين مصدقتين عن وثيقة التخرج

3- ورقة غير ملتزم بالمناطق النامية

4- لا حكم عليه ( بنصحكم تجيبوه من السجل العدلي المركزي اللي بطلعة الجمارك)

و طلعوا تنين فرد مرة  لإنو بدكم واحد تاني للنقابة

5- ورقة لياقة بدنية ( من مديرية صحة ريف دمشق اللي بساحة الشهبندر) و هي الورقة بدها صورة شخصية وطابع مالي  وهنيك بدلوكم وين مركز اللجنة الطبية لحتى توقعوا هالورقة منهم

6- صورة عن الهوية وعليها طابع مالي

و بعدين بتحملوا كل هالوراق و بوشكم على وزارة الصحة اللي بساحة النجمة و معكم صورة شخصية تانية وطابع مالي و طابع هلال

و هنيك  بتكملوا شوية إجراءات بسيطة بقلب الوزارة

و بس تخلصو بيعطوكم ورقتين وحدة للنقابة و وحدة لمديرية الصحة اللي بالسبع بحرات

****************************************************

الأوراق المطلوبة للنقابة ( غير طلاب الدراسات)

1- صورتين مصدقتين عن وثيقة التخرج.

2- لا حكم عليه

3- ورقة غير مسجل بالدراسات

4- الورقة اللي أخدتوها من وزارة الصحة

5- أربع صور شخصية ( أو أكتر)

6- صورة عن الهوية ( بس هي مو متأكدة منها بس خلوها معكم احتياط)

وخلو معكم طابع مالي احتياط


دختوا ولا لسا

ورقة لياقة بدنية

بهالبلد بتسمع بشغلات بعمرك ما سمعت فيها ,,,,!

يسلمو هالايدين ...

والله شكلي لازم اطبع الرد تبعك نور الهداية .. لأنو صعب ينحفظ معي مجلد الوراق يلي بدي جيبها :) ...

بس سؤال يمكن بايخ من وين بدي جيب طوابع الهلال؟

والله ييسرلنا يلي فيه الخير

له يا مها نسيتي بمديرية الصحة كيف سألنا تبع الطوابع يللي بسفل المبنى؟

يعني هالقصة ما تاكلي همها حاكم بكل دائرة حكومية في بياع طوابع عند المدخل......بدي أفهم شو الأهمية الجوهرية من هيك تناتيف ورق بتعطل كل الشغل لو ما معك ياها