سؤال فضولي بتوقع بتسألو لحالكن كتير دونما جواب

ليش ابر الفيتامينات مخرشة أثناء الحقن ؟

ليش ابر الفيتامينات مخرشة أثناء الحقن

بظن هالشي إلو علاقة بال PH لأنو لما تكون PH الثباتية للمادة المحقونة بعيدة عن PH الاعتدال (يلي هو PH الدم) منضطر نحمضن أو نقلون لنحافظ على الثباتية وطبعاً بدون إضافة دارئة لأنو بدارئة ما بيقدر الدم بقدرته الوقائية إنو يرجع  PH المادة المحقونة للاعتدال، فوقت بيصير الحقن وبيكون هالفرق بالـ PH ولبينما الدم يرجع الـ PH للدرجة الطبيعية منحس بهالوجع وبيصير شوية اختلال بالكريات الحمر ...

ما بعرف إذا هالتحليل صحيح بالنسبة للفيتامينات بس بظنو بشكل عام منطقي..مو؟

من بعد إذنك دكتور عندي سؤال بدي رجعك فيه كم رد لورا..

قلتو إنو الديكسكلور فينيرامين ماليات إلو توافر حيوي أعلى من الكلورفينيرامين ماليات وهدا هو الفرق الوحيد بيناتن (بالإضافة لكون الكلورفينيرامين مزيج من الميمن والميسر) .. معقول إنو هدا هو السبب اللي خلاه ينزل عالسوق.. يعني قبل ما يكتشفوه أو يصنعوه كان التوافر الحيوي للكلورفينيرامين مسبب مشكلة حقيقية لحتى اضطروا يصنعوا الديكسكلور؟ ولا في سبب تاني نزل على أساسو الديكسكلور؟؟

وعنجد يعطيك ألف عافية دكتور

كلامك مزبوط nanon الph لأمبولة الفتامينات هي السبب وراء التأثير المخرش حيث ph الثبات  الأعظمي للفيتامينات قريب من 4  وكما ذكرت لحتى يرجع الدم بدوارئه الوسط للاعتدال بدو فترة لذلك يحدث الألم 
لكن السؤال : لماذا يسبب السائل الحمضي عند حقنه تخريش ؟


بالنسبة للديكسكلورفينيرامين كما ذكرنا هو المركب الميمن وهو الذي يعطي فعالية الكلورفينيرامين (المزيج من الميمن والميسر  ) وكانت أدوات الفصل سابقا غير قادرة على الفصل بين الجزء الميمن الفعال والجزء الميسر غير الفعال ومع تطور هذه الطرق  والقدرة على فصل الجزأين عن بعضهما أصبح من المفضل اعطاء الديكسكلورفينيرامين لوحده أفضل من اعطاءه ضمن مزيج مع الميسر

مشكور دكتور... بس بصراحة.. ما اقتنعت..

يعني فهمت إنو الآلات سهلت عملية فصل المزيج بس هنن بالأصل ليش ليفصلوه وهي هيي الجرعة تمت ذاتها.. يعني تحسين التوافر الحيوي هو الهدف الوحيد وكان قبل الفصل سيء(بشكل كلورفينيرامين)؟ ولا في شي سبب تاني؟

والله شكلي رح تعبك معي.. بس الحق على حضرتك.. أنت اللي أثرتلي نزعتي الفضولية.. استحمل

لما كنت عم اعمل حلقة بحث عن معلق الايبوبروفن.. لفت نظري بالـ SDR انو في شراب ايبوبروفن.
معروف انو الايبوبروفن لا ينحل بالماء و إنما بالكحول ، الإيتر، الكلوروفورم ..و لهذا السبب يلجأ المصنعون إلى تحضيره بشكل معلق.
بس هاد الشراب شلون مساوينو؟؟ يعني حاطين محل عضوي مثلاً و لا معززات انحلالية و لا كيف؟؟؟!!!!!!
         

السلام عليكم

                                                                       
ممكن يكونو مستعملين محل مساعد متل الغليسيرين أو البروبيلين غليكول
                                                                     
متل شراب الباراسيتامول، أيضاً هي المادة ضعيفة الذوبان بالماء

وفي تقنيات ثانية لزيادة الانحلالية (متل المبعثر الصلب مع سلاسل البولي إيثيلين غليكول) بس ما بعرف إذا مستخدمة هون

السلام عليكم

وأنا كمان هيك كان بدي جاوب.....

nanon بصراحة لم أفهم ما قصدتيه بسؤالك وبالنسبة للتعب مافي أبدا بالعكس أنا بنبسط كتير لما شوف حدا عم يسأل حالو أسئلة فضولية ليوصل للحقيقة وها الشغلة من أكبر النعم التي  يمن بها الله على انسان

اللي قصدتو إنو ممكن يكون المصاوغ الميسر إلو تأثيرات جانبية أو غير مرغوبة مثلاً لحتى حبوا يتخلصوا منو..

يعني هالسؤال أصريت عليه لأنو سألونا بالعملي إنو على أي أساس نزل الديكسكلور عالسوق..

وفي شغلة كمان.. بخصوص الجرعة .. بكتاب الكيميا الصيدلية 2 النظري كاتبين إنو الجرعة للديكسكلور اقل من الكلور فينيرامين..  فشو الصح؟

والله يجزيك الخير

عندما يدخل الكلورفينيرامين (مزيج ميمن و ميسر) إلى الجسم
فإن الشكلين سيرتبطان على المستقبلات
( و كمان قلنا أن الشكل الميمن هو الفعال) فتكون النتيجة توافر حيوي أقل مما لو دخل الديكسكلور (الفعال) لوحده و ارتبط هو بكافة المستقبلات دون أن يشغل الميسر (غير الفعال) أيا منها..
و لهذا السبب نزل إلى السوق أي لتحسين التوافر الحيوي..
( التوافر الحيوي للديكسكلور ضعف الكلور..)
بالنسبة للجرعة فهي 12 ملغ كحد أقصى بالنسبة للديكسكلور موزعة على عدة مرات في اليوم.
بينما يمكن أن تصل جرعة الكلورفينيرامين إلى 24 ملغ كحد أقصى