جوزيف حرب..لبنان



لما عالباب يا حبيبي منتودع      بيكون الضو بعدو شي عم يطلع 
بوقف طلع فيك و ما بقدر أحكيك    وبخاف تودعني و تفل و ما ترجع 
بسكر بابي شوفك ماشي عالطريق    فكر أنزل أركض خلفك عالطريق 
و تشتي عليي ما تشوفك عينيي    و أنا أركض وراك أمدلك أيديي 
و أندهلك أنطرني حبيبي و ما تسمع    ما رح ترجع بعرف أنن غيروك 
يا حبيبي و عذبوني و عذبوك    سهروا عينينا و فرقوا أيدينا 
و صرنا كتير نخاف اذا نحنا تلاقينا    ما بنتلاقى الا وقت اللي منتودع

جوزيف حرب..لبنان


من يوم التكون يا وطني الموج كنا سوى

ليوم البيعتق يا وطني الغيم رح نبقى سوى

تاجك من القمح تمنيتلك السلام

و شعبك بيحبك لتبرد الشمس و توقف الإيام

عا رماد اللي راحوا عا خاتم الزمان

على حجار السود اللي بقيو من الحيطان

عا منديلك إمي عا بواب البيوت

عم بكتب يا وطني الوطن ما بيموت

و أنت أنت من يوم اللي كنت أنت

رسمتك سنابل شهدا و حمام

رسمتك يا وطني وطن السلام

من إيدين الفقرا و شباك الصيادين جايي الحريي

و من الشمس المحفورة بعيون المظلومين جايي الحريي

و من الحق الضايع إلا من الشوارع

من شهدا الأرض الماتوا للأرض وجوهن منسيي

جايي النصر و جايي الحريي ..

تميم مريد البرغوثي..فلسطين

يا قصيدةْ اْرمي حبالك وانشليني

يا حمامةْ بيضاْ فوق جناْحاتْها عالجنبينْ هلالَ اْحمرْ

وشايلة حبال تِلِفّ الكوكب البشري كإنه خُضار من البلكونة بتشِدُّه

وبياع الخضار ماسك فـ إيده صَكَّ واهْبَة فيه حياتها ليهْ

تمن للأرض والخلق اللي فيها

تْشِدِّ في سَبَتِ الخضار ويشدِّ فيهْ

إرميه

بدال ما يشدَّكِ البياع لِعَنْدُه

كبَّري مخك سيبيهْ

واوعي، تسيبيني

يا قصيدة ارمي حبالك وانشليني

وانشليني زي نَشَّال المواصلة الزحمة،

بالكلمة أو البسمة،

ولاغي الدنيا والهيها

وسهيها

وخديني من جيوبها الورانية الضيقة الضلمة

وحطيني فـ إيديك واجري في أول محطة

وطيري بيا في الشوارع

واضحكي لما الأمم تلهث وراكي

بس خليني معاكي

واحفظيني

يا قصيدة ارمي حبالك وانشليني

وانشليني من بحور مش هايجة خالص،

من بحور أسمنت أو من جَوَّ مِتْحَنَّطْ،

مَاكِتَّ نْجُومُه مِتْفَنَّطْ

كما الدومينو وزهر الطاولة،

رقان، مش بقى في شبر مية زي ما بيقولوا، إنما غرقان في تفل الشاي

في نقطة مية نازلة من مكيف في قفا موظف بكرش اصلع بيحمد ربنا برضه

فِ دمعة عينيْ من ثلاثين سنة فْ عيني،

بقى وصولها لخدي معضلة عايزالها تسعين دولة ومعونة ومجلس أمن،

غرقانْ يا قصيدة في سكوتي وفي كلامي،

في حروبي مع زُرار كُمِّي

وسلامي عللي نفسي يموت ببطء قوي أمامي

مال ميزاني يا قصيدة فاوزنيني

يا قصيدة ارمي حبالك وانشليني

وانشليني، هاقلب التاريخ كإنه ساعة رملية واصيح:

شيلي هلالكْ واتبعيني

أصلُه في الأيام ديْ باتوا بيصلبوا الناس عَ الأهلة،

تكنولوجيا!

والبني آدم كمان بَقَىْ جسمه ممكن يِتْعِوِجْ أسهل كإنه جنين،

إذا ثَبِّتُّه يبقى هْلال،

وَاْنَاْ يا قصيدة راضي إنيْ أموت على هْلالِكْ

على القفلة في موَّالِكْ

على بسمِةْ مُجامْلَة لو سألت ازَّيَّ أحوالِكْ

وأرضيْ أموت، بلا قافية، عشان العيشة زي الخمسة صاغ

شغلتها بس ترخص الهرم اللي منقوش فوقها،

يا صرَّاف يا متحنتف با قول لك إيه بقى، ماتخليهالك، مش عايزها،

ويا قصيدة لولا إني مِسْتَعَرَّ من الحياةْ كنتَ ادِّيْهالِكْ

والنَّبي شيلي هلالك واتبعيني

أو تكوني انتي هلالي واتبعِكْ

يا عاليةْ جداً في السما وبتغمزيلي أَوَقَّعِكْ

تعبان انا المرَّة ديْ وحياتِكْ يا غالْية وقَّعيني

يا قصيدة وارفعيني أرفَعِكْ

راضي أموت لكن مَعِكْ

وان كنت يا عالية بَاخَرَّف في الكلامْ، صبرِكْ عَلَيَّا واسْمَعِيني

يا قصيدة اسْتَحمِليني

ياقصيدة ارمي حبالك وانشليني

واذكري مرَّة جَمَايْلي يا قصيدة

ولما اموت،

هاتي قَدُوم سِنُّه رقيق، وبحق ما كَتَبْتِكْ بذمَّة

ابقي سَمِّي يا قصيدة واكتبيني...

تميم مريد البغوثي..........فلسطين
يا كاتب التاريخ

يا كاتب التاريخ

ما اهتزوا كفينك

ما رمشت عينك

يا كاتب التاريخ

خبرني شو دينك

يا كاتب التاريخ رحماك يا عمي

عم تكتب بعتمة

يبقى السطر تلطيخ

وتحط له معنى

وكيف القلم ما يدور

بتقول عنها سطور

إنت اللي بتعرف

وانت اللي بتسمي

الشخبطة كلمة

والخرفنة مخرف

يا سيد الحكمة

يا حارس المتحف

خذ لك إجازة شوي

ما قمت عن مكتبك

من يوم كانوا البشر

خلطة تراب ومي

يا شيخ شيبك ظهر

وتطاولوا سنينك

وقزاز نظارتك ظني انهرى تشريخ

يا كاتب التاريخ

شوف القلم وين رايح

حبره من أعمار

هيك القلم يبني دار وهيك يخرب دار

يا عمي ركز بجاه المصطفى المختار

من تحت راس القلم

ما سمعت نوح النوايح

أو أزيز النار

من تحت سن القلم

ماشفت بيت انهدم

ما شفت ساري علم

ماتوا عليه لصغار

ما شفت قبة حرم

تلمع عليها الشمس

وطيور فوق الشجر

تلمس غناها لمس

صارت ملاعب ضباع مكللة بالغار

شوف الجنايز طويلة والنعوش قصار

صوت احتكاك القلم بالورقة ماله همس

تحته شوارع طويلة من دخن وصريخ

يا كاتب التاريخ

يا شيخ شيبك وخط

ما لقيت في شي غلط

في ضجة الملكوت

ما لقيت في شي غلط

في همة التابوت

نظم وقاد المسيرة وعنون الأخبار

بيده كتبها وأذاع النشرة صورة وصوت

ما لقيت في شي غلط

ركض الطفل ع الموت

يتقردن الجندي من فعله فيستأسد

ما لقيت في شي غلط

في شعب كامل جماعة يروح يستشهد

يا شيخ شيبك وخط

جاوب ع هذي فقط

هذا الكتاب اللي واهب كل عمرك ليه

واللي عم يموت شخص بكل كلمة فيه

مين اللي راح يبقى حتي يقرؤه يا شيخ

ويدفع الأجرة ويسدد عرابينك

يا كاتب التاريخ

خبرني شو دينك؟

جولييت بدر.......سوريا
عم انطرك

عَمْ إنْطْرَكْ

عِنْدي إِلَكْ شي كْتير

خصْر الْوُرُود

مْزَنَّرَة بِحَرير

عَمْ إنْطْرَكْ

تا خَبّرَكْ شو صار

بَيْن الْفَراشِة

وْبَين الِشْحارير

رَحْ إنْطْرَكْ

تَ نْغِلّ بالغابات

تِمْسُكْ بِإيدي

وْبالْفَلا مِنْطيـــر

عَمْ إنْطْرَكْ

لَنْغُوص بالمَوجات

نِقْطُفْ مَحار الشَّوق

خَلْف الشِّير

وْنِطْلَع عَ جِنْح الْمَوج

نِتْمَشَّى

نِسْمَع حْكـايا الْجِنّ

هَالسِّكِّير

مَرْجُوحْة الْهَمْسِة

عَمْ تِنْتِظِرْ رَدَّكْ

طــال البُعــاد

وْما إلُو تفْسير

عَمْ إنْطْرَكْ

حتى الزّمان يْدُوخ

وْحتى الفَضا

مايِقْبل عْصافيـر

شو قَولْتَكْ

يللّي مْلكِتْ قلبي

بْحَمْلِة حَنـان عْلَيكْ

فيها بْغِيْــر

هَدِّم حْصُون الصّدّ

وِالْهِجْران

وْنِرْجَع سَوا لَشَوْقْنـا

نْواطير ..

جولييت بدر.......سوريا

دَقّ الْعُمُر بابي

وْأنا وَحْدي

عمْ راجِع الذِّكْرى

عَ المْخدّة

ضَوَّيتْلُو شَمْعَة

أنا وِالْقَلْب

وِاسْتَعْرَضِتْ

خُطْوات كِلّ الدّرب

دَمْعِة حِزِنْ

كَرْجِتْ عَلى خدّي

قَللّي: شُبَك؟

وَيْن الْفَرحْ .. لَوْن الْقَزحْ

كنتِ ما تِتْهَدِّي

لَيْكي الشّمس

لَيْكي القَمر

صَرْلُنْ دَهِر

قَضُّوا عُمِر وَرْدي

غَفْلِةْ زَمَان

ارْتاحْ ..

وِسْنينو بِتْعَدِّي

وْمِتْلِ اللّي بَدِّي قولْ

وْمِتْل اللّي

ما بَدِّي

دَخْلَكْ بَقَى

ياعُمْر وَقَّفْ هَون

اتْرِكْني

مع النَّسْمِة

مع الْبَسْمِة

إنْشُرْ عِطِرْ.. كَمْشِةْ شِعِر

خلِّي الْحَلا عِنْدي

يِمْكِنْ

خَجَلْ مِنْ لَهِفْتِي

وْوَجْدي

مِنْ حَرِكْتي

مِنْ دَمِعْتي

وْرَدِّي

سَرَّبْ .. مِشِي

قَللِّي: اقْطِفي

نْجُوم الْحَرِفْ

لا تْوَقّفِي

وِتْمَرْجَحِتْ

بين النُّجُومْ

إقْطُف سِحِرْ .. زُور الْبَدِرْ

إسْرُقْ ضِياه

وإكْتِفِي

خَلاّني

إتْمَرْجَحْ صِبَا

إسْهَر

مع الكِلْماتْ

بُوسِا .. وْلَيْعِبا

إحْلَم مع فْراشات

حِلْوة عاشِقَة

تْطَرِّزْ حِلِمْ

تِرْفُضْ عَتِمْ

عَ النُّور تِتْرَقْوَص

وَلا تْهَدِّي

إحْمي خْدُود الْوَرِد

مِ التِّجْريحْ

وْضَلّ حَدُّو

تَ يْزيح الرِّيح

وْضُمّ

حِفْنِة مْنِ الْحَلا

بْيَدِّي.

شهقة ورد(((جولييت بدر )))
سوريا.

جِيْـتِكْ أنـا

ياحِلْوِة الحِلـْوات

يَللِّي القَمَر

سِكْران بِوْصالِكْ

جِيْـتِكْ أنـا

تـَ قَطِّف النّهْدات

وْشَهْقِةْ وَرِدْهُنْ

لَـيْل عَ خْيـالِكْ

إنْتِ النَّهِدْ

مِنْ جِسِمْ أرْض الرَّبّ

الْكَوَّنْ جَمـالِكْ

نَوَّر تْـلالِكْ

نَهْدِ الطَبيْعَة

وْكَرْزْتُو الْحَمْرا

قْنـاديل نُور

تْشَعْشِع بْخالِكْ

ضَيْعْتي ..

زيْتُونْة التَّـاريـخ

سِفْر الْحَقيْقَة بْيِذْكُر فْعَالِكْ

السَّيْكُون

وِالشِّفْشاف

وِالطَّـيُّـون

وْريْحِة الْجَنِّــة بْعِرْزالِكْ

الاْسْكَنْدَر الأكْبَر

غَزَا العالَم

وْعَرَّجْ عَ دِيْرِتْنـا

تا يِقْعُد قْبـالِكْ

بُولُس إجا

لِمِّنْ سِمِع فيكِ

روما تَرَكْها

وْهام ..

كِرْمـالِكْ

روما ..

شو روما ؟

شو الكُولِيْزْيُوم!!

لَو يِلْمَحُو نُورِكْ

بيْقُولُو: نِيَّـالِكْ

إنْتِ الـ صَّنَعْتِ الْمَجْد

بُوْجُودِكْ

نِجْمِـة وْنِجْمِة

يِنْسِجُوا شَـالِكْ

جَنِّ الزّمان بْعِشْقِك

وْغَنَّى

مِنْجَيْرْتُـو حَنِّت تَـ يِحْلالِكْ

قـالوا: الْعَجايِبْ

سبْعَة هَالأيَّـام

إنْتِ العَجيْبِة وْما حَدا طَالِكْ

عَم إخْتِصِر حُبّ الْوَطَن فيكِ

إنْتِ

الْوَطن .. خَيْرُو مْنِ سْلالِكْ.

نجاح المساعيد
الاردن((عين الحب))
إن كنت كذبة في حياتي أنا أبغيك  لو كان كذبك في عيوني حقيقه 
وين التفت بالكون مائل ألاقيك  عين المحب أحيان ترسم طريقه 
أشوف دربي من ضيا نور عينيك  تكفى حبيبي لا تغمض دقيقه 
اعاهدك يا سر عمري ارعيك  رغم المسافة والظروف المعيقه 
ورغم الذي بيكون واحداث ماضيك  أبقى انا الحاضر وأبقى الرفيقه 
ودعوة لساني يا عسى الرب يبليك  يردها قلب شفع لك شهيقه 
وان جيت باجافيك ولا اخليك  احس في صدري من الهم ضيقه 
تخطي واسامع واعتذر لك واراضيك  لان كذبك في عيوني حقيقه

الاخوين رحباني...لبنان

يا مرسال المرسيل

يا مرسال المراسيل عالضيعة القريبي

خدلي بدربك هالمنديل و اعطيه لحبيبي

عالداير طرزتو شوي إيدي و الأسوارة

حيكتلو أسمو عليه بخيطان السنارة

بخيطان الزرق و حمر و غناني الصبيان السمر

كتبتلو قصة عمر بدموعي الكتيبي

خدلي بدربك هالمنديل و اعطيه لحبيبي

بيتو باخر البيوت قدامو عليي

بتوصل عالبيت و بتفوت و بتسلم الهديي

و لو عنا قال و كتر قلو خليه يتذكر

عهالمنديل الأصفر ببعتلو مكاتيبي

خدلي بدربك هالمنديل و اعطيه لحبيبي

و بتجيبلي منو تذكار شي ورقة و شي صورة

عالورقة يكتب أشعار و أسمو على الصورة

و لما بتبكي المواويل يسأل عن أهل المنديل

يا مرسال المراسيل و سلم عا حبيبي

خدلي بدربك هالمنديل و اعطيه لحبيبي