سلام للجميع أنا عم أطلب النجدة من الجميع حاكم الكيمياء الصيدلية عاملتلي عقدة نفسية لدرجة إني وصلت لمرحلة مو بس رح شلخ براسي كمان رح أنجن وفوق كل شي عم تصيبني حالة اكتئاب نفسي من هالمادة كل ما فتحت الكتاب وجلست أدرس و بتمر كم ساعة هيك و بالختام بطلع مثل ما بلشت يعني ضاعت كم ساعة كمان .كأنو مواد هالفصل بكفة و الكيمياء الصيدلية بكفة تانية لحالها .
بتمنى من كل شخص يشاركني بهالموضوع إنو يكتبلي طريقة الدراسة تبعو لعلي أستفيد منها أو يعطيني نصائح بخصوص هالمادة
و بتمنى أنو تكون أوضاعكن مع هالمادة أفضل من وضعي .
و بالختام بشكر الكل (مسنقا)على المساعدة الي رح يقدموها إلي ولكل مين رح يقرأ الموضوع و يستفاد منو

السلام عليكم

لا طولي بالك

مو مستاهلة هالمادة كل هالهم

يعني هي المادة من أقل المواد يلي ممكن الطلاب يحملوها

وخصوصاً هلأ عندكم الدكتور أحمد حسن

كيف لو كان بيعطيكم بس دكتور عادل متل عوقتنا

مشان طريقة دراستها

صحيح في كتير معلومات

انتو تبعو ورا الدكتور وحددو المعلومات يلي بيحكيها

ما بجيب غير منها ويمكن كم سؤال صغار من براتهم

أول شي ركزو عالتصنيف منيح مشان ما تضيعو بين المركبات

وشو شوي بتدخلو بالتفصيل

هي المادة من أهم المواد بالصيدلة وبتفيدكم بالملازمة بالصيدلية

شكرا الك على طرح هاد الموضوع
ومافي داعي للكابة لانو كلنا بالهوا سوا
يعني ادرس ادرس وبعد كم يوم انسى
بس قررت اترك احمد حسن هلا وادرس مع الدكتور عادل اول باول مشان لحق قسم منيح
والله يسهلنا هالمادة على خير
مافي داعي للكابة تفائلي 

عليكي بالتلخيص وأشجار التصنيف



والانتباه لشرح الدكتور نوفل بشكل جيد



هالمادة حلوة كتير حببنا فيها د.نوفل وكانت دراستها ممتعة رغم كبر حجم الكتاب




موفقين

الكيميا الصيدلية عن جد مشكلة
وما عم اعرف شو اعمل فيا






...................................................................

بكل صراحة أنا رح خليلها كقرار نهائي 10 أيام فقط
و رح أعمل الي علي  ما عاد ضيع فيها وقت بالمرة
و بصراحة أنا واثقة إنو ربنا شايف و عارف كلشي 

هلأ انا بلشت بالدكتور عادل و قالولي انو بيجيب جرعات بس انا ماعم اقدر كتير احفظن عم حاول اكتر شي ركز عالتصنيف وكل مركب من وين مشتق وعالصيغ
بس هلأ انا عم ادرس الهرمونات ولسا عني الصادات وكنت على اساس ادرس شوي من الدكتور أحمد
بس هلأ محتارة شو بتنصحوني ؟ كفي الدكتور عادل عالاخير او اترك درس الصادات وادرس الدكتور احمد لان هنني نفس الكمية تنيناتن 100 صفحة
وشكرا ع طرح الموضوع وانشالله كلنا منرفعا لهالمادة ولباقي المواد
موفقين

هي المادة ثقيلة شوي مو لأنو صعبة بس لأنو بتاخود وقت كتير بالدراسة أنا من غير جامعة و المادة عم يعطينا أياها الدكتور عادل نوفل ما بعرف أزا هو نفس دكتور المادة عندكون
بس ع كل بالنسبة لتصيف المركبات أنا مليت الحيطان عندي بصيغ المركبات بكتب الصيغة ع ورقة و بلزقها مشان ما ضيع بالتصيف و الصيغ
أما بالنسبة للجرعات فهي بدها شطارة بأنو تتذكري الرقم ما بعرف بالنسبة ألي أنا بقرب الرقم لعمر حدى بعرفوا مثلا أول لشي بحبو أو ..... المهم ينحفظ
بس المشكلة لسا الدكتور جديد علينا فبعد أزنكم أزا حدى بيعرف كيف بتيجي أسئلة هاد الدكتور و ع شو بركز خبروني ........ و شكرا مقدما

صباح الخير ..

والله الدكتور عادل نوفل راااائع ويعيش ويعطي كيمياء صيدلية .. وبجيب أسئلة واضحة من المعلومات يلي بيذكرها بس لازم تتبعو معو وتتابعوه منيح .. وطريقة إعطاؤه للصيغ stunning وإذا اجا صيغ فبتجي متباعدة .. وبتكون مميزة بشي معين حلقة بتالاكتام ، ذرات يود، حلقة سباعية مميزة .. إلخ

خليكن متابعين مع الدكتور منيح ولا تخافوا من المادة لأنو عنجد هي المادة الكيميائية من القلة يلي استمتعت بحضورها وماني ندمانة عليه أبداً (مع انو كان الساعة 8 الصبح :P)

وبالنسبة لطريقة الدراسة .. وقتها عملت دفتر صغير للصيغ وتحت كل صيغة ملاحظات مهمة وطريقة إعطاء أو جرعات .. وشجرات تصنيف (الدكتور بيعمللكن شي مشابه بالمحاضرة) ومتل ما قالوا الشباب ..

بالتوفيق

شكرا كتير phmab هو فعلا المادة حلوه بس المشكلة أنو الواحد ما فيو يدرسها بسرعة بدها تأني كتير و وقت كبير هاد يلي بخوف فيها أما من حيث المادة فهي فعلا كتير مميزة و هامة .......... شكراً ع المعلومات