السلام عليكم

    هلأ انتو ياشباب و يا صبايا طالعين على حياة جديدة بعد التخرج , بتعرفو الوظيفة و الواجبات المنزلية ( و ازا صار في ولاد ) عقبال عندكن كلكن .......الخ
 
بس منالحظ انه بمجتمعنا غالبية هالواجبات عم تقع على عاتق المرأة لحالا . لانه المرأة هلأ عم تشتغل برا البيت و بترجع ركد مشان تلحق طبختا و ازا كانو ولادا صغار ( وهون المصيبة) بدا تضطر تحطون بالخضانة و يربا ابنا بعيد عنا ....... و آخر شي اي خطأ بسيط بصير المرا لحالا هي يللي بتتحاسب .  طيب بذمتكن هادا مو اسمه تخلف ؟  وين حقوق المرأة يللي بنحكي فيا؟ وين حقوق الانسان؟

و مافي قداما حلول إما بيستمر هاوضع الصعب او بتترك وظيفتا و طبعا هاد الشي رح بنعكس على حالتون المادية ....... و شغلة تانية انه هي ما درست و تعبت مشان آخر شي تقعد بالبيت ........ بقا شو الحل انا ماني عرفانة ؟

يالريت تفيدوني بمشاركاتكن و آرائكن بهالموضوع


                يعطيكن العافية

السلام عليكم
أنا برأيي الوظيفة مهمة للمرأة ولازم ما تتخلى عنها
لأنو مثل ماقلتي ما درست وتعبت عشان تقعد بالبيت
وبالنسبة لمصاعب الحياة (البيت_الأولاد_000
لازم الرجل يكون متفهم ومساعد للمرأة ويتحمل المسؤلية مثلها
ويتعاونو مع بعض لحتى تكون حياتهم ناجحة
وشكرا على الموضوع الحلو والمفيد

شكرا roosh على مرورك .
            يا ريت الكل يكونو متفهمين للوضع متلك .......... .  بس بتعرف عقل الرجال بمجتمعنا الشرقي .
    حتى لو هو بدو يساعدا ما رح يقدر بسبب القيود الاجتماعية .  يعني مو حلو (الرجال) يغسل و يكوي و يشطف و يربي ولاد ...... لانه هي شغلة المرا
   


    عنجد مشكلة .........
   
  شكرا الك عالرد المفيد

والله يا أيبرو المرة ما لازم تشتغل و هي عندا ولاد صغار
ببساطة مارح تحس بالملل و لا بأي شي تاني لأنا رح تكون مشغولة بأطفالها و بأمومتها
و الرجال يدبر راسوا و يأمن مصروف البيت و المرة و الولاد لحالو
و لما يكبروا ولادا ساعتا فيا تشتغل و لا شو رأيك




دخيلك بلا شغل بلا فيئة بكير
خليكي مرتاحة

عزيزتي ايبرو بدي قلك كلمتين خفاف نضاف فيا ريت تتقبليهن من اخت الك


انا برأي المتواضع انو المرأة خلقت للتوج على عرش اسرتها وقلب زوجها و الرجل هو من يقوم بتامين متطلبات الحياة


هلا انا لما رح اتخرج مهندسة رح اشتغل بس اذا الله رزقني بولاد وعيلة اكيد رح اتفرغ لهالواجب السامي

واكيد بفضل كون فوق راس ولادي ودير بالي عليهن وشوفهن عم يكبروا ويتعلمو ويتربوا احلا ترباية




ويااااااااااااريت كل الامهات يقتنعوا  انو هن المسؤولين عن ولادهن بالدرجة الاولى وانو واجب الامومة اقدس من اي واجب بالحياة وشرف كبير النا........................








تقبلي مروري مع كل الحب

موضوع روعة تشكري عليه اختي العزيزة

المرأة نخلقت لتربي رجال مو لتصير رجل .

الرجل هوي الملزم بامور البيت حتى ولو اشتغل ليل نهار .

لكن مشان شو اسمو رجل ,

بتمنى تتقبلي وجهة نظري.

أخوكي

محمد

بدي اشكركن ( اخ mouhammdو الصديقة جودي ابوت و الصديقة دينا ) على مروركن اللطيف


  بس على حسب رأيكن معناتا نحن ليش عم ندرس و نتعب حالنا و قاتلين حالنا مشان المعدل ؟
  اكيد مشان نأمن وظيفة مريحة بالمستقبل .

و انه الرجل يتعب و يشقى لحالو هي كمان الله ما قالا لأنه المرأة لازم تشاركه بكل شي ......... بس يا ريت الرجال عنا يتفهمو وضع المرأة شوي و يخلصو من عقدة انه انا رجال يعني هالمرا الله خلقا بس لتخدمني ........    .

    بتمنالكن النجاح و بتمنى لجودي تحققي كل احلامك           
              يعطيكن العافية

أنا برأيي إنه كلشي بالتوازن بصير
يعني أنا مثلا أمي موظفة بس بحياتنا ما حسينا إنه نقصنا شي أو إنه أمي أهملتنا ميشان وظيفتها ، القصة بس بدها تنسيق وقت وطبعا مساعدة من باقي أفراد العيلة

مزبوووووووووووط .........    حكيك مزبوط      الشغلة بدا تعاون من كل افراد العيلة .

على فكرة انا امي موظفة .هلأ قد ما منحاول نساعدا بحسا تعبانة   ........ و بنفس الوقت مابتقبل تترك الوظيفة (لانه هي كمان مادرست وتعبت مشان تقعد بالبيت) لانه ساعتا ما رح تقدر تطور شي بحالا و معامعا رح تنسى كل شي تعلمتو و تتحول لمرا "جاهلة" 

بشكرك على مرورك و ردك اللطيف^_^  

المرأة الزكية بتقدر توفق بين شغلا وبيتا
بس اذا كان هالشي صعب اكيد الاولوية للبيت والاطفال
واذا ما اشتغلت بشهادتا مو معناتا هالشهادة بلا قيمة
بالعكس ...عالأقل المرأة المتعلمة بتقدر تدرس اطفالا
ومابعرف اذا لاحظتو ياشباب ويا صبايا انو في ناس هلأعم تجيب اساتذة خصوصي لأطفالن الي لسى ما تجاوزو الابتدائي للأسف لان الام مو متعلمة وموقدرانة حتى ان تدرس اطفالا!!!!!
تسلم ايديكم عالمواضيع الرائعة