السلام عليكم

الحمد لله

بننجح

بس مشاعر ولا أتعس من هيك

أسئلة عقاقير كلو باللاتيني

د.جورج جايبلنا شغلات من السنة الأولى ما حدا بيحسن يتذكرها
                                                             
يعني لولا هالكم سؤال من الفحص الوطني ما كنا نجحنا
                                                                 
وفوق منها نجاحنا عال60
                                                               
ولسا امتحان السنة الماضية كان ولا أسهل من هيك

الحمد لله

يس أسئلة د.جورج فظيعة....ما فهمت يللي المفروض يحلها صح شو بيتوفر فيه صفات فهم بالصيدلة .......كله من ورا الطلاب الأغبياء    يللي بيدخلوا على الامتحان وبيلحشوا الدورات بالأرض.........اليوم فات وحمل دورة ملحوشة وصار يضحك ويقول "خلي العاسمي يفيدكم" !!!!



المهم خلصنا من هالــ "هــــــم"


عنجد بالأخير كتير انضغطنا وتعبنا




شكراً كتير سويت لايف على الأسئلة يللي كتبتيلنا ياهم. .......لأن أكيد ما زالت نسبة منيحة من الأسئلة مكررة

زيد ... لو ماصر هيك كيف بدك تعرف وتتيقن انو نحنا أتعس وأنحس دفعة على الإطلاق ..؟؟؟؟؟!!!


سويت لايف ... والله أنا متأكدة من شي 55 سؤال .. الله يستر وتظبط هال5 تشليفات ويا رب يمشي الحال ..
بس لهلأ ماني متخيلة انو قدمنا فحص الملازمة النظري .... !
يعني هيك صارت القصص بسرعة ومبارح كان عنا فحص المشافي يلي كان عجبة من العجائب كمان ...

الحمدلله على كل حال ولنشوف كيف رح تكون النتائج وانشالله خير ...



في أخبار انو بكرة رح تطلع علامات  عملي الحيوية(خالصين وموقعين) و الملازمة ..

الله يوفقنا


نسرين معك حق .. يعني الطلاب عندن حركات غبية .. يعني ليش لحتى الواحد يشلف الدورة؟؟؟


بس أخ ... عوجا

السلام عليكم

عنجد في طلاب فظيعين

في طالبة بمدرجنا ماسكة الدورات وقاعدة عالمقعد والدكتور جورج عم يفتل عالطلاب قبل الفحص

كان رح يحرمها....وبعدين رح يعمللها إنذار....بعدين مشا القصة

==============

في شغلة فكرت فيها اليوم

مو مفروض يقولولنا أنو دكاترة رح يكتبو الفحص
                             
مشان نعرف من وين ندرس
                                                 
وهالعاسمي شكلو مدعوم منيح من الكلية
                                           
وعندو شبكات تجسس
                                                         
قايل للطلاب قبل بيوم أنو رح تجي أسئلة صيدلانيات
                                                             
وبالفعل إجا

لك هنن طول عمرهن كمان بيعملو محاضرة خصوصي قبل فحص الملازمة ... كرمال الطالب يفهم شو وضعه

إلااااااااااااا هالسنة !!!!!!!!!!!!!!!!!!!!!!!!!!!!

سلااااااااامتكن بالمرة ..

لا إعلان عن الفحص ... لا خبر عن المواد الداخلة .... ومااا في اهتمام فينا وكأنو ما النا وجود

لك ايييه


ما رح يتغير شي ...

على العموم

لحد هلأ ماشي الحال

ولازم نحافظ على معنويات عالية لأنو لساتنا بأول الطريق
                                                       
لسا ما بلشنا امتحانات
                                                       
وهالدكاترة يلي متوعديلنا بأسئلة ما أنزل الله بها من سلطان
                                                                                                 
نشالله ربنا ما رح يخيبلنا أملنا ورح نتخرج ونشتغل ونفيد مجتمعنا بعلمنا

=============
                                                               
سؤال عالهامش
                                                                                 
آل في مجموعة أسئلة عطتها د.سحر للطلاب يلي بس بيحضرو
                                                           
فهل في حدا حباب بيحسن يأمنهم

أنا اليوم استراحة وبرات البيت عم روّح عن نفسي وبكرة انشالله بدي بلش مراقبة وبدنا نبلش مناقشة وأسئلة جهزولنا حالكن .....




مشان أسئلة د. سحر ما عندي فكرة ... رح اسأل وإذا عرفت شي بعطيكن خبر

هنن الأسئلة عند رهف النوري
                                                                       
                                                                 
==================
                                               
أنا عم اتسلى بمحاضرات الإنكليزي
                                                         
بس أما شو خورفة
                                                                   

زيد:
إذا بتتذكر في مرة قلتلك، أسئلة الملازمة سنة دوات وسنة مناهج، وعلى زماننا اجت دورات.
طلعت هالمقولة صحيحة. يعني طلاب السنة الجاية بيروقوا كتير إن انطبقت عليهم هالقاعدة.
على العموم: في حال كانت نسبة الرسوب كبيرة فبيرفعوا النسبة (بلا ما تنفضح الجامعة) لأنو مو معقول ترسب نص الجامعة.
تطمنوا شو ما صار فهو خير المهم تعملوا اللي عليكم.
بس لا تنسوا لسا في مقابلة وهنيك بتقدروا تناقشوا وتحكوا، أما هون بس جاوبوا.

فطولوا بالكم هلأ جاييكم امتحانات بعتقد أهم من فحص الملازمة.
بالتوفيق للجميع.
   

لا الحمد لله
                                                                 
بعتقد ما حدا بيرسب
                                                                   
لكن بننجح عالحفة

بجوز مثلاً يلي درسو دورات عقاقير رح ياخدو علامات عالية
                                                               
المهم هلأ خلصنا