طمنونا عنكون كيف طلعتو بالفحص
وكيف كانو الجو بشكل عام وشعوركون؟؟

موفئييين يااا رب

السلام عليكم

آآآآخ

مدري ليش قبل ساعة من الفحص حسني قلبي أنو الأسئلة رح تكون غير ومو من الدورات
بما أنو د.جمعة صار العميد وبنعرف قديشو نظامي ومهتم بالقوانين


بس خبصت لقلت حاجي
أسئلة الأدوية كانت سهلة والحمد لله
بس الباقي تخبيص
وفوق منها تنافس شديد ولو واحد سبقك بسؤال تشليف بكون سبقك ب1%
(يعني 63 علامة على مدى ال5 سنين)
أما شو عدل

وكمان عدد المقدمين من جامعة حمص كتار
والأولى عندهم وعدد من يلي معدلهم بال80 إجو قدمو معنا

يعني ناقصنا


الله يقدّم يلي فيه الخير
ما عاد فرقت معي

ياحوينة الأهرمة والدراسة مشان بالأخير أسئلة ادوية أبيخ من البياخة والباقي أسئلة فيزيائية وكيميا صيدلية 1 واصطناع وغذائية وتغذية وسؤال تقانة من جداول د.خليل


بقول رجعت المفاضلة على المعدل بس لأنو الكل بالهوا سوا وما بعتقد حدا درس المواد آنفة الذكر


بس الشي الحلو أنو 90 سؤال ب 90 دقيقة والتظليل برصاص.....هالشي كان كتير مريح بالوقت

يعني معقول ملاقين أسئلة الأدوية أبيخ من البياخة!!!

نيالكن لأنو أنا ما شفتها هيك واتزاحنت منها .. شو هاد تلت الأسئلة أدوية والاختصاصات المخبرية وصيدلة المشافي مالها وجود إلا بشي 3 أسئلة ...

أنا شو ذنبي إذا ما بحب سلسلة مواد الأدوية .... يوه

هاد غير التانيين ..

شباب يعني ما اجا دورات مو؟؟؟ ... يلا منيح ما عذبت حالي  :P

السلام عليكم

بس عدد كبير من الطلاب ومن بينهم أنا ما كنا جايبين قلام رصاص

هلأ خطرلهم يعني يرجعو التظليل بالأزرق


كل غلط عم يطلع معي عم حس أنو مصريري تحدد بسببو
مو متل بقية السنين بتقول لحالك بتعوض العلامة بغير شي

                                           
هو المنيح أنو كلنا بالهوا سوا
وطلاب بقية الجامعات ما دارسين هالشغلات فهي ميزة إلنا (آل يعني نحنا عرفنا نجاوبهم)
                                     
الله يختار الخير للجميع

هلأ الأسئلة كلها يمكن كانت عامة بس من منسياتنا ....بس الأدوية بالذات كنت أعمل ملخصات معفشكة فيها فراجعت منها شوي واليوم خصوصي ضليت مدري قديش الصبح قلت لأرجع لأدوية السرطان فبيجي سوال واحد:
شو استخدام الدوكسوروبوسين (السرطان - السكري.....الخ) ....ضحكت على حالي أنو سؤال واحد وعام جداً مع أني تعبت نفسياً وأنا عم راجع أدوية وفرق بينهم


هلأ مزبوط استغربت أنو ما أجا حيوية مع أنها كانت محرزة بالمنهاج (3مواد)


وشلون ما اجا مشافي!!! أجا سؤال واحد تبع الزلمة يللي عندو ضغط وصار يسعل بسبب الدوا 

بس الأسئلة يللي حسيتها حلوة هي أسئلة التحليلية.....هي ما كان بدها دراسة



عم يقول موظف الدراسات أنو خلال أسبوع بتطلع النتيجة
فالله يخترلنا الخير

يلا الحمد لله

خلصتوا من كابوس هالفحص

والله يختار الخير للجميع

والله أسئلة الأدوية ما سهلة كتير وخاصة أسماء الأدوية ..

عموماً كنت وصل لجوابين وأحتار أي واحد بدي حط...!!!!


بس نسبة لغيرها أفضل بكتير

يعني مثلاً في أسئلة حتى لو دارس ما بتعرفها ...هي اسمها أسئلة الحدس

بيخبروا فيها الحاسة السادسة لأن طالب الماستر لازم يكون عنده حاسة سادسة متطورة كتير ...

توكلو ع ربنا
وان شالله بيخترلكون الخير وين ما كان 

موفئين جميعاااا

اقتباس

بيخبروا فيها الحاسة السادسة لأن طالب الماستر لازم يكون عنده حاسة سادسة متطورة كتير

بكرا بدك تشغل كل حواسك والسادسة معهم، ولسا إذا في عندك شي خارق يفضل تستخدمو.
لازم تكون بوكيمون متعدد المهارات.