السلام عليكم.....


شو ما حدا بدو يساعدها لأسيل بحفظ الأسئلة  ..... اعملوها زكاة عن دراستكون.... لأنو نحنا الخميس عنا ياها ودوبنا نلحق د. شذا و د. سوسن....

السلام عليكم ..........

من مبارح قالتلي أسيل .........وقال خبري يلي بتعرفيه

بس مالي مسترجية احكي مع حدا ..........

مشان مااسمع شي عن الدراسة

لانو بيطلعوا هلأ مو ملحقين ياااااااااحرام



المهم ..............

لح أخد أول 3 أسئلة ....

الذاكرة عندي تعبانة  عالأخير ................... 



مالي حاسة أنو في فحص ........

الكهربا عم تجي ساعة عنا وعم تقطع ساعة ..........

وأنا صايرة متل الكهربا ..............

الله يستر .............



والله منيح رجع عاش منتدى الصيدلة توقعتو مات ....شو عطيتو حقنة أدرينالين بالقلب .....

صرت لاقي المشوار لهون بعيد كتير ...............

بالتوفيق ..........

السلام عليكم ........

السلام عليكم

ما بعتقد الدكتور رشاد رح يجيب نفس الأسئلة ..

ما رح توصل معو لهون يعني!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

بس بكل الأحوال رح (حاول) أحفظ أسئلة قد ما بقدر وببعتهم لأسيل أو لسلام أو لهلا أو ليلي بدو يتطوع بتجميع الأسئلة وبعدين بتبعتوهم للكل (متل ما عملنا بالفيزيائية نحنا ونور الهداية الله يذكرها بالخير) لأنو متل ما بتعرفو صار المنتدى مراقب من الدكاترة وخصوصي الدكتور رشاد وكمان كلنا بنعرف أنو في طلاب مفسفسين وبحبو يبيضو وش وهدول صارو كتااااااااااار بالمنتدى العظيم!!!

بكل الأحوال ... شوفو شو بيناسبكم وأنا جاهز ... :)

بالتوفيق

السلام عليكم.....

يسلم إيديكون...... هلأ قد ما بدكون حفظوا بس لحتى أعرف طريقة الدكتور بالأسئلة وهل غير

دوراتو ولا لاء مع إني لسا ما جبتهون.... وإذا بدكون أنا بنسق الأسئلة مع شو منحفظ من

أسئلتنا ومنحطهون بملف واحد ومنعطي بعدين ليلي بدو ياهن...

موفقين...

مرحبا يا جماعة....  
كيفكن؟؟و كيف الدراسة؟؟

بدي اسأل سؤال عاجل و هام....

المعادلات تبع الكيميا تبعات أحمد حسن ....هدول بدنا ياهن شي؟؟؟؟

و شو الأهم شي ندرسو منن؟؟؟

لأنو عدتن رفيقتي ام طلعو 200 معادلة...    

اي و كمان كم سؤال....

شو أهم شي بالكيميا العامة من النوطتين ندرس....يعني على شو بتنصحونا نركز اكتر شي...

و ازا في اي نصائح تانية لا تنسونا هه...و شكرا كتيييييييييرررررر سلفا...  

السلام عليكم

والله يا سيلفر نحنا ما إجا لعنا د.أحمد حسن إطلاقاً :(

بس إجا د.حبش

بالنسبة لـ د.حبش وقتا درست كل النوطة ... ما كان عندي خبر بالدورات وما إلى ذلك

ممكن يكون في أخطاء بالنوطة ... بس حفظوها متل ما هي

إن شاء الله ما صعب تبع د.حبش ... وقالولي أنو بيجيب دورات ... فدرسوها منيح

كان لازم تبحبشو مين عطا أسئلة لـ د.حسن

بس سمعت أنو هو قال ما حيجيب أسئلة فيا فزلكة (من اللي كتبوها الطلاب) ... والأسئلة سهلة ما حتكون صعبة كتير إن شاء الله

والله يوفقكم وييسرلكم ... :)

السلام عليكم....

هلأ نحنا على وقتنا ما كان في نوطة ولا لدكتور كان بس كتابة طلاب.... ووقتها ما بتذكر إنو إجى

معادلات بس كانت أسئلة د. حسن أصعب من د. حبش طبعا لأنو كانوا الطلاب حاطينها مو هو...

ود. حبش كان يأكد على شغلات بقلب المحاضرة وكان يجيب منها كتير....

برأيي ركزوا على قسم د. حبش كتير لأنو مضمون أكثر من د. حسن.....

وإن شاء الله موفقين

شكرا كتير عالمساعدة أسيل و سلام.....

هلأ مشان شغلة الأسئلة تبع أحمد حسن...أنا كتير حاولت جيبن ...بس كل ما كون بالجامعة يكون الدكتور مو موجود...    

اقتباس

ممكن يكون في أخطاء بالنوطة

ازا اصدك على نوتة أحمد حسن...بس ممكن؟؟؟

محشاية تحشاية بالاخطاء...و خصوصي المعادلات...حتى صارت نوطته عم تنافس نوتة حبش بالأخطاء...

أممممما ازا أصدك على نوتة حبش....فمعروف انو كلها أخطاء...

السلام عليكم

بدي اسأل سؤال عن امتحان النبات يلي قدمتو السنة الماضية...

كم سؤال بيجي بالامتحان؟؟
بيجي رسمات او دورة حياة شي نبات او صيغ مركبات؟؟

شكرا كتير سلفا.... موفقين انشالله

السلام عليكم

وقتا كان عنا بس د.ابتسام

نسيت والله كم سؤال وقتا جابت ... بس بما أنو 2 حيختلف الوضع ... وعالأغلب بيجيكن 100 سؤال ... 50 لكل دكتور ... هيك جرت العادة

في رسمتين هدول مستحيل ما تجيبهم د.ابتسام

- حلقة كريبس

- ودورة حياة نبات ... المشكلة والله الكتاب ما معي فما حافظة شو كان اسمو ... بس هو نفسو نفسو تبع دورة 2007 ... بس كتير سهلة كطلبات

بالعادة بتجي نفس الطلبات

بس كمان يمكن هلأ صارت حلقة كريبس عند د.نوري

كدروس ... دققو منيح عالتكاثر الإعاشي واللا إعاشي - المشرات - الأبواغ - التصانيف إذا كانو لساهن بقسم د.ابتسام