السلام عليكم

يخزيي العين من عيني  ... 10 ردود دفعة وحدة!!!  (بعرف أنو هنن 9 بس في حدا حذف ردو )
المهم ... ما علينا

جلسة الغراغر رح نسقها ... وإذا في إضافات بضيفها بعدين  

..
وجدي...

مشان البنتونايت هوة بجلسة اللعابيات

بس أميرة كتبت عنو وأنا طلعت كاتب بدفتري وماني دريان

هلأ بضيف اللي كاتبهم أنا على اللي كاتبتهم أميرة وبرفعهم وإذا طلع معك شي زيادة قلي
..
أميرة..

معلش تبعتيلي الجلسة التانية

ما بدي النتائج بس بدي النظري لأنو ما عرفت شو أكتب

.....................................

اقتباس

نحنا نبهتنا الدكتورة أنو ما نجيب من النت ...

هوة مظبوط ما لازم نجيب من النت بس بمرجع الكلية طلع مافي غير نص صفحة عن المليسة

بنكتبلها اسم شي مرجع 

هي إذا قرأت الحقة أصلا

اقتباس

اللي مضطر كتيييير يحملو لأنو حجمو كبير (7 ميغا وشوي) ...

أنا مالي مضطر بنوووووووب

يمكن بكرة لحتى يخلص تحميل

ونحنا قالتلنا المشرفة أنو معلش نجيب من مواقع ... بس مو لنلاقي المواقع بالأول

هي كم موقع شغل نباتات:

http://ods.od.nih.gov/search.aspx?zoom_query=allium

http://www.herbreference.com/


وإذا ما عجبوكم فمنهم يمكن تستدلوا على مواقع أحسن........أو شوفوا مقالة النبتة بويكبيديا وشوفوا شو المواقع المهمة يللي اعتمدوا عليها....



موفقين

السلام عليكم

شكرا نسرين على المواقع

............

مشان الصيدلانيات العملي ما رح نسق الغراغر هلأ .. لحتى ناخدها أول لأنو بصراحة ما فهمت شي

يعني شو اسم الشغلة اللي بدنا نساويها ما بعرف .. بقا ما بقدر اشتغل شي

أسيل .. إذا بدك رفعي الملف بالعامة وقولي أنو دبرو حالكم لبين ما تاخد الفئات التانية الجلسة

أو استني إذا ما بدك .. مافي مشكلة

.........

مشان الفيزيائية

هلأ كل الأقسام انحجزت مو؟؟

في الجلسة المشتركة حدا بدو يكتبها ولا ما بدكم تضيفوها.. 

السلام عليكم

اقتباس

مشان الفيزيائية

هلأ كل الأقسام انحجزت مو؟؟

أيه كل الأقسام انحجزت

أنا خلصت الجلسة الثالثة وبعتتها مبارح ........

مشان التجربة المشتركة
خلونا نخلص هدول بالاول بعدين منشوف



بالتوفيق للجميع

سلام

السلام عليكم

إن شاء الله حزبطها منيح معناها ... وبحطها هون ... إذا مناسبة بتنحط هنيك

اللي حضّرنا ما بتذكر أنو قالولنا اسمو

بس لما كنت عم دور عشغلة بالنت لقيت أنو اسمها : غرغرة روح النعنع العطرية

هي طويلة لأنو الجلسة الجاية هي الاستخلاص ... فعطونا عن الكحول لأنو بدنا نستخدمو فلازم يكون عنا فكرة عنو قبل

بس التجربة سهلة تعتبر ...

شو لازمكم بالغراغر؟؟


كان عنا حلقة بحث عنها الفصل الماضي


إذا بدكم ببعتلكم ياها تشوفوا شو لازمكم منها......بس لاستأذن شريكات حلقة البحث

السلام عليكم

اقتباس

شو لازمكم بالغراغر؟؟

هي أخدناها يوم الأحد ... بس فئات يوم الثلاثاء راحت عليهم بسبب العطلة...

فما منعرف إذا حيعطوهم ياها أو لأ ... 

يسلم إيديكي ... :)

ـــــــــــــــــــــــــــــــــــــ

جلسة الغراغر جاهزة ان شاء الله...

أوفيس 2007:

http://www.jamaa.net/UP/24080/Gargles_.docx

أوفيس 2003:

http://www.jamaa.net/UP/24080/Gargles2.doc

السلام عليكم ورحمة الله بركاته

اقتباس

أميرة..

معلش تبعتيلي الجلسة التانية

ما بدي النتائج بس بدي النظري لأنو ما عرفت شو أكتب

يعني تجربة التوتر السطحي...ما هيك؟؟

خلص هلأ إن شاء الله بكتبها وببعتها...



بالتوفيق جميعاً

سلام

اقتباس

يعني تجربة التوتر السطحي...ما هيك؟؟

خلص هلأ إن شاء الله بكتبها وببعتها...

شكرا أميرة

بس والله ما كنت ناوي عذبك .. فكرتك كاتبتيها

إذا ما بلشتي لسا بس قوليلي أنو صفحة التجربة!!!

مكتوب بصفحة 51 أنو أنظر للجلسة الرابعة ... والجلسة الرابعة كانت مقياس الإنكسار .. يعني ما الها علاقة لا من قريب ولا من بعيد (هي ألوان وهديك سوائل وتراكيز)

..............................................

........................

اقتباس

إذا ما بلشتي لسا بس قوليلي أنو صفحة التجربة!!!

مكتوب بصفحة 51 أنو أنظر للجلسة الرابعة ... والجلسة الرابعة كانت مقياس الإنكسار .. يعني ما الها علاقة لا من قريب ولا من بعيد (هي ألوان وهديك سوائل وتراكيز)

يلا منيح ...لسا ما بلشت...

التجربة من صفحة 48-52 ...

أما بالنسبة للمبدأ ص51....فأكيد مو المقصود الانكسار...
يمكن قصدهم مبدأ الأنابيب الشعرية نفسه...لأنو التوتر السطحي هو التجربة العملية الرابعة..!!!

....................