مرحبا ....

نداء إلى جماعة الشعبة الأولى اللي أخدو عضوية عملي

قولولنا شو صار معكم ؟؟؟ وأنو تجربة ساويتو ؟؟؟

وكمان خبرونا جماعة الشعبة التانية

شو أخدتو حاسوب؟؟؟ وصيدلانيات ؟؟؟ وأنكلش ؟؟؟

وهل من المجدي حضور هذه المحاضرات 

اقتباس

شو أخدتو حاسوب؟؟؟

إي

اقتباس

وصيدلانيات ؟؟؟

إي

اقتباس

وأنكلش ؟؟؟

ما بعرف

اقتباس

وهل من المجدي حضور هذه المحاضرات

أكييييد لأ

وخصوصا الصيدلانيات
الله لا يورجيك


شكلو حيكون الدوام يوم الاحد بالمكتبة

السلام علكم ورحمة الله وبركاته

كيف الصيادلة

اقتباس

وخصوصا الصيدلانيات
الله لا يورجيك

ولي    ليش مين الدكتور  لا تقلولي  مو مازن الحمادي

مو  هوِ ِ 

أي  ما دخلني بطلت  أحضر   
   

تعو نعترض كلنا سوا
     

مرحبااااااااااااا


انا اليوم كنت على اساس اني فوت واحضر معكم صيدلانيات طبعا فكرت اني لح اطلع بكير من العضوية متل السنة الماضية قام ضليت لبعد الوقت بعشر دقائق  

بس لما وصلت من وجوهكم ابدا ما فكرت اني فوت او بالاحلى فكرت فوت بس كانت خطوة وحدة وبس

يعني انا بس دي افهم الدكاترة ما بشوبوا متلنا 
ما بختنقوا متلنا ما عندهم احساس والله شي غريب

           
هالسؤال من السنة الماضية عم فكر فيه

والله شي مو عاد ي عندكم  الشوب بهدا المدرج


فخلص اكيد ما لح احضر فيه وانا الثلاثاء انشاء الله حيكون عندي عطلة رسمية صدر من الانسة شهد
باستثناء هدا الاسبوع


يعني مو معقول تاركين بعد الصيدلانيات 3 ساعات يعني لهدرجة الدكتور بيجلط حتى عاطلنا وقت للانعاش

لا وبعدها حاسوب وبعدين انكليزي


فخلص حسان انت خود الاحد الدوام بالمكتبة وانا التلاثاء بالبيت او بالمكتبة باحسن الاحوال   

بااااااااااي

اقتباس

فخلص حسان انت خود الاحد الدوام بالمكتبة وانا التلاثاء بالبيت او بالمكتبة باحسن الاحوال 

لا والله أنا رح آخد الأحد دوام بالفرشة وليس بالمكتبة

بس لازم شي نهار أحد من هلنهارات شذ عن القاعدة وأحضر مشان شوف الدكتور على القليلة
....................

اليوم كان لطيف ...

بالحاسوب رجعنا أخدنا نفس الشغلات السابقة ... (قائمة إبدأ واللذي منو )

وبالعضوية أخدنا متل ما قالت شهد .... بس ما صار معنا هيك شي!!!!!!!

يعني مرت التجربة بسلام عند معظم الطلاب ... بسسسسس انكسر البيشر والفيول عند وحدة

ووحدة تانية الدكتورة زعلت منها بس ما عرفت ليش   

.............

نوطة الصيدلانيات خلصت !!!!


وكتاب الأنكليزي شرحو

......

حكولنا شو صار معكم بالأدوية ... وما بعرف شو كمان

السلام عليكم

اليوم كانت المواد ظريفة بشعبتنا الحمد لله

الأدوية أخدنا عن علم حركية الدواء pharmacokinetics ... الامتصاص، الاستقلاب ..........

وعطتنا اخر شي أسئلة نموذج امتحان طلعت طلاب يحلون

والفيزيائية اخدتوها قبلنا ... بس الدكتورة حست فينا أديه شوب فما عطت متل ما بالعادة بتعطي وطلعنا أبكر شوي

بقي الانكليزي ... كمان أخدتو بالشعبة التانية ... المحاضرة كانت ممتعة كتير

بالتوفيق ان شاء الله 

السلام عليكم ورحمة الله..
موفقين جميعا بهالسنة الجديدة ؛أنا متفاءلة جداً...
الله يعينا على كل خير...ويكرمنا بالعلامات وبالاستفادة
والسلام عليكم
===========================
قف بالخضوع وناد ياالله..
إن الكريم يجيب من ناداه
واسأله مغفرة وفضلاً إنه
مبسوطتان لسائليه يداه
واقصده منقطعاً إليه فكل
من يرجوه منقطعاً إليه كفاه

اقتباس

كمان أخدتو بالشعبة التانية

المشكلة كل ما أسئل حدا من رفقاتي اللي حضرو نهار الأحد بيقلولي هربنا

لهيك عم أتسائل هون

اقتباس

المحاضرة كانت ممتعة كتير

الله يبشرك بالخير ... مع أنو تفاجئت أنها ممتعة !!!

أول شي السلام عليكم

تاني شي عدنا بعد طول غياب

و بعد................      

حابب أشكر جميع اللي عم يساهموا بكتابة المحاضرات لأنو فعلا  عم يساعدونا لأبعد

الحدود 

و إن شاء الله بتكون سنة خير و عمل متعاون معطاء   



بالنسبة  للعملي و خصوصا الصيدلانيات شو رأيكن نفتح ساحة كل واحد بحط

المعلومات  اللي جمعها عن المادة المطلوبة منو   

اقتباس

بالنسبة  للعملي و خصوصا الصيدلانيات شو رأيكن نفتح ساحة كل واحد بحط

المعلومات  اللي جمعها عن المادة المطلوبة منو

موجودين ... 

بحبش بساحة السنة التانية بتلاقيهم ... باستثناء الصيدلانيات والحاسوب بتلاقيها بالساحة الخاصة