السلام عليكم

بالنسبة لأول محاضرات للدكتورة وفاء فبظن أنو محاضرة التداخلات الدوائية هي الأهم

أما وظائف الدكتورة لمى فأكيد فكرة عامة

وهي ما كانت تأكد أنو بدها تجيبهم بالفحص متل ما كانت تقول بصيدلة المجتمع

((فيا ريت الطلاب المتخرجين يخبرونا إذا جابتلهم أسئلة من الوظائف))

مشان المعلومات عن الأدوية
                                                         
فحتى لو الواحد بدو يطالع عن كل الأدوية فمستحيل ينحفظو
                                                                     
فأكيد بس مطلوب المعلومات يلي بالمحاضرة
                                                                       
ويمكن تجيب من الملاحظات يلي بالعملي

لو سمحت زيد بدي أسألك سؤال و إذا يتريد تجاويني و تستفسرلي من الكلية في حال واحد حمل مادة للفصل الثالث ما بيحقلوا يقدم امتحان الدراسات
يا ريت تجاوبوني لأني حملت مادة وقلقان بشكل كبير أكتر ما بتتصوروا وشكرا سلفا و جزاكم الله كل خير

أخي الكريم يحق لك التقدم لإمتحان الدراسات العليا لأن الدورة الفصلية الثالثة دورة نظامية وتجري الإمتحانات للقبول بالدراسات العليا بعد صدور علامات الدورة الفصلية الثالثة

السلام عليكم
                                                                       
في ناس سألو الوكيل الإداري وأكد أنه يحق لطلاب الدورة الامتحانية الثالثة التقدم لفحص الماجستير
                                                                                         
وأنه صدر قرار بهذا الشأن وستستلمه الكلية قريباً

السلام عليكم:
على زماننا اجت أسئلة من القسم العملي للدكتورة لمى اليوسف.
نصيحة كل واحد عنده عملي عند الدكتورة وفاء حمود، يقرأ ملاحظات الدكتورة لمى اللي كانوا ياخدوها بالعملي، بتفرق العلامات بحدود 10 علامات من ورا هالأسئلة.

طيب من وين بدنا نجيب هي الملاحظات؟؟؟؟؟؟؟


____________

وشو ذنبنا طلاب الدكتورة وفاء؟؟؟؟؟؟

اقتباس

طيب من وين بدنا نجيب هي الملاحظات؟؟؟؟؟؟؟

بتذكر في بنت الله يجزيها الخير عطتني ياهن قبل الفحص بنص ساعة قراتهم واجوا متل ما هنن. وعنجد وقتها لو ما قرأتهم كنت انظلمت بالعلامة.
بس هنن بيكونوا سهلين اجمالا يعني شغلة صفحتين مو أكتر لا حالات سريرية ولا شي.
مجرد ملاحظات،
صار هيك لأنو زماننا كانت علامات فئت الدكتورة وفاء بالعملي أعلى من الدكتورة لمى بحدود 4-5 علامات. بس الفرق اللي اجى من ورا أسئلة النظري كان بحدود 10 علامات لصالح الدكتورة لمى.
وفلا من فئات الدكتور وفاء ما حدا جاب علامة عالية إلا اللي قارئهم.
موفقين إن شاء الله.
يلا روحوا عيدوا هي خلصتوا فحص .

بس بهالسنة كل شي صاير بالمقلوب


يا خوفي يصير العكس ويجينا نحنا من عملي وملاحظات د.وفاء 


على كل حال بإمكانك بكرة توصي حدا يجبلك دفتر العملي ممكن تطلع بسرعة على المسائل وتشوف شو الجديد فيها:


بس إذا بدك هيك كم شغلة على السريع تذكرتم هلأ:

دوالي المريء...... أخدنا عنها قسم من مسألة عملي

أسبابها:

تشمع كبد - حبن - فرط الضغط البابي (بيسبب عدة مفاغرات منها للمري)

علاجها:

مشابهات الفازوبرسين (تيرليبرسين ).
مشابهات السوماتوستاتين (أوكترويد).
بربروانولول (وقاية من النزف وعلاج).
معالجة بالتصليب.
أو إدخال شغلة بالمريء لها أربع أنابيب واحد منها بالون بينتفخ بمكان النزف ليوقفه


وشفت هون كاتبين عن هالحالة فيك تقرأ رؤوس أقلام عالسريع.....بس بعتقد ما نقصت شي من ملاحظاتها بهالحالة

http://www.britishlivertrust.org.uk/home/the-liver/liver-diseases/portal-hypertension.aspx


=========================

وكمان بالربو حطيت بوظيفتي يللي بآخر محاضرة الربو ألوان البخاخات وتركيب بعض توليفات الادوية يللي حكينا عنها بالعملي .........



غير الربو والكبد بعتقد الملاحظات فيك تقرأها عالسريع قبل ما تدخل




موفقين

لا دخيلك لا تقوليها
                                                                   
دائماً بصير متل مالك متوقعة
                                                                           
شفت كم سؤال من شرح الدكتورة وفاء من العملي

بس هو فئات الدكتورة وفاء كتار وبالسنة الماضية ما حسو بهالكم سؤال
                                                                                                                   

يعني أنا من فئات الدكتورة لمى .. بس مو ملحقين شي شلون لسه بدنا نقرا وظايف وحاصلو .. يا ريت لو حدا يجبلنا الصفحتين يلي حكا عنن فارما87 لحتى نقراهن قبل ما نفوت بلا ما نروح بخبر كان ..

يعني صيدلة مشافي ب3 ايام وآخر مادة كمان .. عنجد هي الmission impossible4 :(

خلص انشالله خير والله يوفقنا وما يكونو الأسئلة حالات سريرية معقدة أو أسئلة بصم لأنو عنجد ما في وقت ندقق ونركز كتير عالأفكار

الله يوفقنا جميعاً