السلام عليكم

سؤال بالصيدلة السريرية

بمحاضرة أدوية الحمل والإرضاع
                                                   
قايلين انو الليثيوم مشوه للأجنة
                                               
بعدين مكتوب أنو بالحمل بيزداد معدل التصفية الكلوية ...... هيك لازم نرفع جرعة الليثيوم عند الحامل
                                                                   
يعني شو نعمل....هل حالة الأم بهي الخطورة مشان طنشنا التأثير المشوه لليثيوم

أكيد في سبب منطقي ...

بيجوز التأثير المشوه مايكون كل هالقد (يعني نسبته نادرة)

ع كل حال كل شي بالنت بيلنقى

أكيد إذا دورت بغوغل بتلاقي المعلومات الكافية والوافية..

يعني عم نحرك الساحة شوي
                                                                     
بالويكيبيديا قايلين أنو بسبب عند بعض الأطفال تشوه بالقلب
                                                                                       
عبارة عن انزياح للدسام ثلاثي الشرف نحو قمة البطين الأيمن

ليش عم تتحزروا

عند الـBNF الخبر اليقين

كاتبين ما يلي:

(1): avoid if possible (risk of teratogenicity, including cardiac abnormalities)

(2-3) Dose requirements increased (but on delivery return to normal abruptly) close monitoring on serum-lithium concentration advised (risk of toxicity in neonates).


(1) يعني الثلث الأول من الحمل
(2 - 3) الثلثين الثاني والثالث


بعتقد تأثيره المشوه قوي......لكن حسب الحالة وفترة الحمل


وبجميع الأحوال محاضرة الاكتئاب على الطريق.....ممكن نفهم أكثر

والله كنت فايتة اسأل نفس السؤال .. يلا يسلم ايديكن ...

مشكلتي انو ما بكتب الأسئلة يلي بتطلع معي .. ولما يصحلي فوت عالمنتدى بنسى كل شي ..

بس في سؤال هلأ تذكرته ... وهو انو شو مشان النوطة يلي نزلت للمراقبة يعني هي إضافة عالكتاب ولا شو؟


وبمحاضرة السريرية تبع القرحة مكتوب مضاد حيوي Metro شو هاد يعني؟

وكمان بمضادات الحموضة مكتوب انو أملاح الصوديوم والمغنزيوم والكالسيوم سريعة التأثير  ... وأملاح الألمنيوم والكالسيوم بطيئة التأثير ...

يعني الكالسيوم تختلف مدة تأثيره حسب مشاركته؟ 


طيب الريني هو كالسيوممغنزيوم فهمناها انو للحالات الفورية .. بس المالوس : هيدروكسيد الألمنيومهيدروكسيد المغنزيوم ليش طغى التأثير الطويل غير الفوري وانو منستخدمه للحالات المزمنة كالحمل مثلاً ...؟

ومشان الأرقام والonset والduration والمشاركات بالجداول .. شو عم تساوو فيهن؟؟!!

بتسمحوا لي رد:
أملاح الصوديوم والمغنزيوم والكالسيوم سريعة التاثير ، يعني بدء تاثير سريع.
أما الألمنيوم والكالسيوم في مديدة التاثير. يعني بدوم تأثيرها كثيرا.
منشارك  من المجموعتين لنحصل على تاُير سريع ومديد.

الـ Metro: هو الميترونيداوزل منسخدمه بالمشاركة مع صادات تانية لعلاج H.pylori.

في سؤال هون كتير بينسأل:
مين الأفضل بين أنواع الأملاح مضادة الحموضة؟
هو  أملاح الكالسيوم كونها بتجمع الصفتين، وأملاح الكالسيوم تعتبر Supplement للجسم البشري بتفيد بشكل خاص عند النساء. (هي النقطة بتأكد عليها الدكتورة).

ما تواخذنا على التدخل.

السلام عليكم

لسا ما جبت النوطة الجديدة

بس قالولي أنو عبارة عن شوية زيادات بسيطة...مع شوية حذف

هو صراحة نحنا آعدين لا شغلة ولا عملة

فمنيح هي النوطة حلوة مشان نتسلى

==================

المالوس فيو هيدروكسيد الألومنيوم والمغنيزيوم....التنين بيعطو تأثير مديد بينفع لحالات القرحة المديدة

متل حال المرأة الحامل يلي بصير عندها غالباً قلس بسبب ضغط الحمل عالمعدة
                                                             
================
                                                         
بالنسبة للمشارات بعلاج القرحة فبعتقد أنو لازم نعرف المشاركة الثلاثية المعتمدة (كلارريترومايسين + أمبيسيلين + PPI
                                                       
والباقين ممكن لازم نعرف أنو مثلاً الميترونيدازول والبيزموث والرانيدين ما بيعطو فاعلية كبيرة
                                                                 
بعدين الدكتورة مو من النوع يلي بتجيب بصم أرقام

================

يا جماعة

حاولو تحكو لرفقاتكم يحضرو تغذية

عالأقل يتجمع عدد منيح شوي
                                             
بركي بترضى علينا الدكتورة

اقتباس

بركي بترضى علينا الدكتورة

ما بعتقد, على الأغلب رح يصير فيكم منل ما صار فينا. وقتها اللي حمل المادة على الفصل التاني كانت أمه رضيانة عليه جاب قوق الـ 85 برياحة الدورات كانت كافية. اما الفصل الأول اللي جاب 70 كان داعي بليلة القدر.

يعني حتى لو جيتوا ما رح تغير الدمتورة فكرتها، نحنا من اول السنة وكان الحضور ماشي حاله بس ما كان عاجبها ورغم ذلك توصت فينا بالأسئلة.
زيد شوف الدورة واكتشف.

فئات د.لمى:


هنالك مذاكرة عملي مشافي الأسبوع القادم.....فردية دون الاستعانة بأية مراجع


قد تكون مسألة أو أسئلة ممكنة الحل بوقت قصير ...........الله أعلم



موفقين

نشالله تكون الأسئلة سهلة بالمزاكرة
                                                       
بس شو هالحظ يلي إلنا
                                                                   
مفروض كل الفئات تكون متل بعض
                                                                             
وآخر شي يمكن كل هالدراسة وصعوبة العملي عالفاضي