موضوع صعب بشكل كبير على كثير من فتيات شعبنا السوري
هذا الموضوع الذي أدى إلى انتحار كثير من الفتيات أو إصابتهن بأمراض نفسية صعبة المعالجة
ترى ماهو السبب ؟

هل هو هذا المجتمع الذي يفرض على الشاب أن يختار الجمال أولا بغض النظر عن الأخلاق والعلم والأدب.

أم هو الشاب بحد ذاته الذي أراد أن يختار نمطا معينا من الفتيات بمواصفات معينة تجبر الكثيرمن الفتيات المراهقات على أن يغيروا مظهرهم بقليل من أدوات التجميل  كي يحظوا بمثل هذا الشاب الذي لا يعرف ماذا تخبأ له تلك الفتاة من مفاجئات قد تكون صاعقة.

لا أعرف ماهو السبب الذي أجبر الشاب المتعلم على أن يختار فتاة جميلة بلا علم ولا أفكار والمؤسف في ذلك أنه  يندم بعد فترة من الزمن, ولكن مالذي يفيد بعد أن يكون قد انقضى الذي انقضى .
لماذا؟
لماذا يفضل النساء الفتيات ذوات الشعرالأشقر والعيون الزرقاء .
لماذا حين يرون فتاة سمراء لا يرغبن في النظر إليها على الرغم من أنها تكون ذات مواصفات جميلة جدا.
لماذا سيطرت بعض  العادات والتقاليد السخيفة على بعض الناس.

ماهو الحل أرجوكم قولوا لي

وأتمنى من الجميع ألا يعتقد بأن هذا الموضوع قد طرح لمشكلة أعانيها لا ولله الحمد فأنا مازلت صغيرة على مثل هذه الأمور ولكني أكره أن أعيش في زمان قد قلبت موازينه وباتت فيه الفتاة الجاهلة تعيش حياة سعيدة على حساب تلك الفتاة المتعلمة ( أنا لاأقول القبيحة بل تلك الفتاة ذات الجمال المتوسط بغض النظر عن لون بشرتها وعيونها وشعرها)

فالجمال ليس كل شئ في الحياة فهناك التفاهم وهناك العلم وهناك الأدب والأخلاق.

أرجو أن ينال هذا الموضوع إعجابكم وأرجو أن تشاركوني بأرائكم المفيدة لعل الغيظ ينطفئ من قلبي

وشكرا لكم

أرجوكم أريدكم أن تردوا على هذا الموضوع بكل صراحة وجرأة
فأنا لازلت صغيرة وأريد تعلم المزيد
وشكرا

أول شي, , , موضوع جميل يستحق النقاش,
تاني شي, , ,
ما في و لا شب بيقضّل الجمال على الأخلاق
الأخلاق بالأول و , , , ,يعني,,,,,لبكون أحسن إذا كان في جمال
و كمان شغلة, , ,
مين قلك أنو الجمال مرتبط بالشقار و العيون الزرق (مع إنك حاطة صورتك باربي )

و تفضيل الجمال على العلم هوي لأنو الينت إذا كانت متعلمة و  مثقفة ما عد بتشوف حدا مناسب إلها غير شي بروفيسور خريج هارفارد, , ,


. . . . .

اقتباس

في و لا شب بيقضّل الجمال على الأخلاق
الأخلاق بالأول و , , , ,يعني,,,,,لبكون أحسن إذا كان في جمال
و كمان شغلة, , ,
مين قلك أنو الجمال مرتبط بالشقار و العيون الزرق (مع إنك حاطة صورتك باربي )

و تفضيل الجمال على العلم هوي لأنو الينت إذا كانت متعلمة و مثقفة ما عد بتشوف حدا مناسب إلها غير شي بروفيسور خريج هارفارد, , ,

عفوا منك يمكن فهمتني غلط بالنسبة لأول نقطة فأنا بقصد أنو أول سؤال عم يسألو الشب أنو هل البنت حلوة يعني مابيسأل شو دارسة كيف تعاملها نظافتها يعني بينسى الأمور الأساسية وبيلتفت للجمال
والشغلة التانيةأنا قلت بالمقال أنو مو تكون قبيحة يعني الحق معكم أنتو الشباب تختارو وحدة حلوة بس إذا كنتم بتتميزو بمواصفات حلوة من دين وأخلاق وجمال ومال ساعتها هون بيحقلكم تشترطوا أما يجيني واحد ماعندو ولا ميزة وقاعد عم يشترط هاد الكلام غير منطقي نهائيا وماحدا بيقبلوا
والشغلة التالتة:
أنو بالنسبة إلك الجمال مو مرتبط بالشقار والعيون الزرقاء بس شوف الأمهات لما بيتصلو بالتلفون أول سؤال بيسألوه هو بنتك بيضة وشو لون عيونها
وبالنسبة لصورة الباربي فأنا مو عاطيتها أي اهتمام بس هي الصورة الوحيدة يلي عندي ياها عجمها صغير وللمعلومية مو أي صورة بتدل على شخصية صاحبها
والشغلة الرابعة:
انو أنتم أخدين فكرة عن البنت إذا كانت متعلمة فهي بتشترط وطلباتها كتيرة ,لا والله هي بس عم تتطلب طالب جامعي يكون متلها درجة علمه قريبة من درجة علمها مو مشان شي بس مشان تستمر العلاقة الزوجية وما تبوؤ بالفشل وبالعكس طلبات الحلوة أكتر بكتير من طلبات المتعلمة المثقفة
على كل بتشكرك على هالتداخل

أختي الكريمة  hidee شكرا على الموضوع المهم ....
أنا بعتقد أنو الاخلاق اهم من كل شي والشب قد ما عرف بنات رح يرتبط بالبنت المؤدبة ....
ومنشان قضية الإجازة الجامعية والتكافؤ فأنا من رأيك لازم يكون في تكافؤ....
ملاحظة:في كتير سباب بفكرو متلي وما بيركضو ورا الجمال .......
سلام.....

طبعا الأخلاق بالدرجة الأولى

بس المشكلة كمان بالفتيات شديدات الغرور و التكبر

كل وحدة شايفة حالها أكتر من التانية

وبتقلك : بدي ألعب بالشباب لعب

أما اذا كانت بشعة فأكيد ماحدا لح ياخدها

حتى لو كانت أخلاقها حلوة

لقول رسول الله صلى الله عليه و سلم : " إذا نظر إلى وجهها سرته"

و كمان الأهل اللي شايفين حالهن و عم يرفعو تسعيرة البنات

كأنهن شي بضاعة أو تجارة

انسة ايمان
موضوع يستحق كل اهتمام

و هو بصراحة هاجس شريحة واسعة من مجتمعنا

بصراحة و بموضوعية

انا بشوف انو احد اسباب الرئيسية للعنوسة هي علاقة البنت بلشباب

للتوضيح

مثلا لو بنت جامعية  عملت علاقة مع شاب جامعي  و حتى لو كانت بقمة البراءة

انا ارى انها خطا كبير و خطر على مستقبل البنت فيما يخص الزواج

بغض النظر عن راي الدين و الاخلاق والمجتمع

البنت الجامعية والشاب الجامعي لما بكونو مرتبطين بعلاقة من اي نوع كانت

النتائج بتكون :

وبعيدا نظريات الحب و قريبا من عمليات الواقع  لما يتخرج الشاب والبنت  و بكونو من عمر  تقريبا واحد

رح يستنى الشب لما يخلص جيش او لما يأمن شغلو
بكون اخذ هلشي معو وقت

بلحالة بتكون البنت اللي كان مرتبط بها بعلاقة (حب) كبرت شوي  وصار في صبايا اصغر منها و رح يلفتو نظروا للشب
ورح يطمح يتزوج بنت اصغر منو  بكم سنة
واذا هو ما فكر هيك رح تكون الام والعائلة الو بلمرصاد ورح يقنعو انو يتزوج بنت اصغر منو
وبتكون البنت رفضت عدة عرسان تقدمو الها
طبعا العرسان اللي كانو يتقدمولها بكونو اكبر منها سنا و بكون صارت معهم نفس قصة  العلاقة  ( كانو يحبو بنت ايام الدراسة بس لما اجا وقت الزواج صار بدهم بنت اصغر منهم)

خلال فترة العلاقة  طبعا رح يكون الخاطبين قليلين . ليش لانو  لما الناس تعرف او تشك انو البنت بتحب شاب ما رح يتقدمو الها
ولو انتهت علاقة الحب لا سمح الله بدون زواج

بكون البنت كبرت شوي
ورح ياخذ معها وقت شوي لما الناس تعرف انو خلص ما ضل علاقة مع الشاب

بعدين الناس اللي بتفكر تخطبها بكونو طبعا اكبر منها


يعني

بلغة الارقام

لو بدات قصة الحب  في السنة الثالثة

بكون الحبيبين بعمر 21 هذا اذا ما في رسوب بلجامعة

و البنت يتكون بالعمر المناسب جدا للزواج ورح يتقدمولها خاطبين بهلفنرة اكتر من كل فترات عمرها
طبعا رح ترفض لانو هي بتحب شخص محدد

رح يستمر رفض العرسان  بانتظار خطبة الحبيب

بعمر 26 -28  رح يكون الشاب تقريبا امن حاولو  و تخرج وصار يفكر بلزواج
يلله ماما روحي خطبيلي فلانة

كم عمرها ؟

26-28  لا يا ابني بدي اخطبلك بنوتة اصغر منها انت لازم تاخذ وحدة بعمر 21 سنة


رح اشوفك وحدة بطير العقل


بتكون البنت  اللي بحبها  الشاب بهلحالة مناسبة للزواج من شخص عمرو  35 فما فوق على ضوء اقتراح ام الشاب

رح تنظر شي سنتين لما الناس تعرف انو خلص حبيبها اتزوج
و شي سنة لما يجي النصيب

بتكون صار عمرها 30-31

لو ما كان في علاقة حب  كان البنت تزوجت بعمر 20-25 

لست ادري
رغم انه من الصعب الاستغناء عن الحب

لكن هذا الواقع بنسبة 50% على الاقل

مع اننا نحاول ان نلوي الدين على حسب هوانا وانا اول الناس في هذا

و نحاول ان نحلل علاقة الشاب بلبنت اذا كانت بريئة وانا اول الناس في هذا

لكن لو كان الدين لين جدا و استطعنا ان نلويه كما نشاء ( وهو ليس كذلك و هو واضح في احكامه) لو كان لينا معنا فان الحياة والقدر  والعمر لن يكون لين ابدا

اقول ان الحب جميل جدا جدا جدا  لكن نتائجه لست ادري



اسف للاطالة بس انت الحيتي مشان الاجابة
تقبلي مروري

أنا بشوف انو الحق معك يا net - hunter 
متل ما بيؤلوا  :  ( حطيت إيدك عل الجرح  ............ )
بس شو الحل
لأن عنجد كل البنات اللي عم يحبو شخص عأساس الزواج هيك عم يصير معون 
( الكل بيعرف هالحكي بس ما حدا فينا .............................

رمروم
والله المشكلة يا رمروم

انو صايرين ما بنفكر ابعد من انفنا

و الله الامر خطير
فيه دمار عمر كامل

انا في عندي بنت عمتي كبرت شوي و ما تزوجت  وحاسة نفسها صارت عانس

والله حرقت قلبي عليها

الله يجبر خاطر كل بنوتة


والله البنوتات هن زينة الدنيا بس لو يحافظو على حالون شوي

تحياتي الك رمروم

أختي أيمان

مافينا نحط الحق عالشب لوحده بس في كتير أشياء مهمة بهالنقطة.

بعيدا عن الجمال البنت هيي ممكن تسبب عنوستا من خلال عدة أشياء

مثلا لما بتتخلى عن الادب والحشمة .

كثرة مخالطة الشباب حتى لو وجد الادب .

التكبر عالعرسان وشوفة الحال.

ولا تصدقي بحياتك اختي الفاضلة انو شب بيرتبط ببنت عايشة مية قصة حب .

وممكن الشب يكون الو دور كبير لما ما بشوف إلا البنت فائقة الجمال

أو لما بحط مواصفات معينة لا تنطبق الا على القليل من الفتيات .

كم ان للمجتمع نصيب من خلال الدائقة الاقتصادية والعادات والتقاليد ,

أسف للاطالة

شكرا الك اول شي عالموضوع القيم

وللأخوي الأعضاء تاني شي عالمناقشي الحلوي

والسلام عليكم ورحمة الله وبركاته