ما رأيك "بالتلطيش".. وعلى من يقع الحق بالقيام به.. على الفتاة أم على الشاب؟ مواضيع للحوار
شارك


يسلملي هالجسم.. يقبروني هالعيون.. ولي على قلبي شو حلوة!

وغيرها من الكلمات الكثيرة والعبارات التي نسمعها، وللأسف ألفناها، حتى أصبحت ملازمة لشوارعنا، أسواقنا، وحتى جامعتانا!؟



فالشاب الذي يمتلك وقت فراغ يملؤه بالوقوف على مدارس الإناث، لرؤية فتاة جميلة ليقوم بـ"التلطيش"!


ما رأيك بما سبق..

وعلى من يقع الحق في عملية التلطيش؟

وهل تقوم كشاب بتلطيش فتاة ما؟ ولماذا؟

وهل الفتاة تشعر بالفرح عندما تستمع إلى كلام لطيف من أحد الشباب؟

وما هي الحلول للحد من هذه الظاهرة المنتشرة في جميع الأماكن؟

ارجو النقاش بجدية لعل وعسى نتخلص من هذه المشكلة

بصراحة
انا بعتقد
انو البنت يلي بتتعرض لهل حالة
بتكون هية حابة تكون بهل موقف
و  سلوك البنت هوي يلي بيدفع الشب انو يتجرء و يلطشها 
يعني مهما كان شكل البنت او لبسها بس كانت متزنة مستحيل اي شب يحاول يدايئها

برأيي هاد من وقت الفراغ الزاااااااايد ...
او من قلة الطعمة والغبا ....
ولمجرد أنو صارت حالة منتشرة بشكل اعتدنا على وجودها ... فصار كل حدا بدو يلطش ... وبرأيي بتعارض مع " عاشق البحر والمطر " ...
لأن والله < وهي عم أحلف ...
إزا كان الشب قليل أدب ومرت قدامو وحدة بكامل احتراما إلا ما يسمعها شي كلمة متل " إيه شو هالركازة ""....


هاد رأيي ...
يعني الخلاصة هوو الفضا مع رشتين قلة أدب و ملعقة بياخة ...

وإزا بدك رأيي هي المشكلة مارح نخلص منا ...ولو إني متشائمة بهي الناحية ...
بس هي الحالة متل ما قلت تنم عن فضا وأغلب الشباب العربي بقمـــــــة الفضاوة والتفاهة ..." بهي القصة بشمل الجنسين شباب وبنات ...
بس أكيد ما رح تقوم البنت تلطش شي شب ..  

السلام عليكم

مع احترامي لاعتقادك لكن لا يجوز أن تعمم وكبرهان هناك فتيات تتعرض "للتلطيش" وهن صغيرات يعني  لا يفقهون شيء عن التلطيش وكيفية التعامل مع "الملطش"  وحتى يوجد بنات لم يبلغوا سن المراهقة ويتعرضن لبعض الكلمات "المنحطة" أحياناً.

أعتقد أن هذا الأمر غير مفهوم كونه يبدأ في مرحلة المراهقة عند الشباب, وباعتقادي هو كمثله كالسيجارة التي يحملها كثيرون من الطلاب عند ذهابهم للمدرسة

يعتصر قلبي عندما أرى طالب ذاهب للمدرسة وبيده سيجاره
هو لا يعرف لما يحملها, وكذلك لا يعلم لما يقوم "بالتلطيش" هو باختصار انجراف مع من في جيله

ولا أعمم على كل الشباب انهم "ملطشون" أو "مدخنون".

لي عودة ....
ســــــــ ـــــــلام

انا اكيد ضده

ومابحب انحط بهيك مواقف ابداااااا

واللي عم يتصرف هالتصرف هو شخص سيخف واسخف من السخافة بحد ذاتها

هلأ انا بعتقد انو اغلب الاحيان البنت هي اللي بتحيج الشب يلطشها ان كان بطريئة لبسها ولا مكياجها ولا شعرها

وخصوصي ان ردت عليه لما بلطشها لانو هدول الفئة من الشباب بيلطشو بس حتى يسمعو البهدلة من البنت

مع احترامي للكل

مشكور ايهاب على الموضوع
بس انو نحلو فما في مجال لأسباب ما في داعي نذكرها وهي معروفة100%
بس رأيي بالشب يلي بيلطش انو شخص بيوضع نفسو بموقف زنخ وسخيف ومن دون احترامي لمثل هذا الشخص...اما الحق بهاد الشي بيكون على الشب يلي بلا اخلاق من جهة وعلى البنت يلي بلا تربية من جهة تانية(بقصد البنت يلي بتحب انو تسمعلها كم كلمة)مع انو في شباب ما بيوفروا حتى المحجبة ويمكن يلي لابسة مانطو..وهدول الناس (الملطشين من هذه الفئة هم دون مستوى البشر ويحتاجون للعلاج النفسي والوازع الديني)وشو الفائدة اذا قلت لوحدة يسلمولي هالعيون..اكيد ما رح اربح جائزة او ادخل الجنة!!!!!
تقبلوا احترامي

برأيي أنا إنو  شو بحيج الشب لأنو يلطش أكيد الشوفات يلي عم يشوفها بالشوارع والشب بس أعطيه طرف الخيط فلو ما كان في هيك شوفات ومناظر مغرية أكيد الشب ما رح تلقية عم يلطش صح ولا مزبووووط

التلطيش شو ما كان يكون قلة ادب بشكل مختصر

لا تعليق على هذا


شكرا الك سلامي للجميع مني انا ابيبض القلب 

هلا انا بعتقد انو التلطيش صار موضة عند الشباب وتقليد بينن حتى في شباب بيتنافسو مين بلطش اكتر ومين بيخترع مفردات "تلطيشية "جديدة

مو اكتر من هيك ......والموضة كمان لاحقة الاطفال الي بالمدارس اذا بدكن
يعني مرة سمعت ولد عمرو ما بيطلع عشر سنين وعلى يسلملي ويقبرني للرايحة والجاية

اما بالنسبة لانو سلوك البنت ولبسها هن الي بحموها  فهاد مو مزبوط  ...
بعض الشباب ما بعوفو لا محتشمة ولا غيرا ....لانو الشب الي بيرضى انو "يلطش" بنت وحتى لو كانت غير محتشمة ..وبيقبل يحط حالو بهيك موقف مهين .. شو بدو يمنعو انو "يلطش" اي بنت تانية حتى لو لابسة مانطو .....ما هي الاخلاق ما بتتجزأ ..واذا كان الشب خلوق من الاساس ما بيعمل هيك 

وبرأيي الذنب كلو بيوقع عالاهل .....لك في ناس بيضحكو لولادن اذا "لطشو" وحتى في شباب الله شوفة عيني بيتقصدو يكونو بالسيارات مع اهاليهن وبيزتو كلمة لشي  بنت ...انو ياي شوفوني شو مفتح وذكي انا

الاهل لازم يربو الشب على احترام بنات العالم والناس وانو متل ما انت ونحنا ما بنرضى اختك تتعرض  للحكي او التحرش ......ما بنرضى بنات الناس ينحطو بهيك موقف

وكمان رفقات السوء بيلعبو دور كتير كبير ....فلازم الاهل يعرفو ابناؤن مين مصاحبين لانو الصاحب ساحب

والله يهدينا اجمعين

شكرا عالموضوع المهم