ما بتوقع يصير شي



و الشام شامنا يا شباب


شرفتم جميعاً

يا سيدي فعلا صارت العجاة مو طبيعية بالشام كانو العالم طالعلا كنز فيا !!!

على كل حال تخف العجاة بس وهاد اهم شي ..

يا جماعة طولوا بالكم

هاد الحكي من وين اجى...؟

بعدين في حال نقلوا العاصمة عحمص

دمشق ما بيختلف عليها شي

لأنو أهميتها بقدمها وتاريخها العريق والآثار والمقامات يلي فيها

والأهم انو العالم مارح تنقل سكنها لحمص لانو دمشق بطلت العاصمة

وكل شي رح يبقى عحالو

وبعدين فكركم العالم رح تتقبل الموضوع بسلاسة

رح يصيروا ينادولها العاصمة القديمة

ويمكن تزيد العجقة فيها بدل ما تخف

توكلوا على الله يلي كاتبوا رح يصير

والله يقدم يلي فيه خير

عالحالتين بدها تبقى بعيدة عنا نسبيا

و ما بتفرق معي , وين ما صارت بدنا نصير نروح

و الله أنا لما كتبت الموضوع قلت لحالي أنو لو بتعرفوا شي بتقولوه

بس ما حدا يفاول على الشام



الشام بتضل العاصمة ,,,,,,

الشام الله حاميها

مرحبااااااا.......


والله الحكي هادا جديد لسا ما سمعت فيه........الا هون...

ازا نقلوها لعنا اهلا وسهلا وازا ما نقلو اريح........مبسوطين بحمص هيك رايقة وبلا عجقة......

لأنو انا بكره الشام من عجقتا......


بس في ملااااحظة صغيرة......

و الله على راسي يا أخي أمير حمص

بتشرف أيمتا ما حبيت ترد على الموضوع


أخي كلنا منحترم جميع المدن و المحافظات السورية لأننا كلنا سوريين

مافي شامي ,,, و مافي حمصي ,,,,

نحنا كلنا سوريين ,.,,و أعتذر عن كلمة الشام الله حاميها


لأ يا سيدي معك حق


سورية الله حاميها
لك مني كل المودة أخي أمير حمص

شرفت

http://syria-news.com/readnews.php?sy_seq=121691

مصدر مسؤول : لا وجود "لمقترح أوروبي" لنقل العاصمة من دمشق إلى حمص 




رئيس الهيئة: لا يوجد بالأصل فريق أوروبي يعمل على مشروع تخطيط دمشق


نفى رئيس هيئة التخطيط الإقليمي المهندس عرفان علي، يوم الأربعاء، وجود أي مقترح أوروبي تم تقديمه لوزارة الإدارة المحلية تضمن نقل العاصمة من مدينة دمشق إلى مدينة حمص، مشيرا إلى أنه لا يوجد بالأصل فريق أوروبي يعمل على مشروع تخطيط دمشق.

وقال العلي, في تصريح خاص لسيريانيوز, إن "التقرير الذي تناقلته بعض المواقع الالكترونية خاطئ بالمجمل ومصدره غير حقيقي ولا أساس له من الصحة، وأن من قام بوضع التقرير ليس مختص وليس له علم بما يكتب"، مضيفا أنه "لا يوجد فريق أوروبي يعمل على مشروع تخطيط دمشق".

ودعا رئيس هيئة التخطيط الإقليمي وسائل الإعلام إلى تحري الدقة وتوخي الحذر في نقل المعلومات، لا سيما غير الموثوقة.

وكانت بعض المواقع الالكترونية تناقلت، يوم الثلاثاء، خبرا مفاده أن وزارة الإدارة المحلية تسلمت قبل فترة توصيات فريق الخبرة الأوروبي الذي كان يعمل على مشروع مخطط تنظيم دمشق، وكان أبرز ما فيها مقترح بنقل العاصمة من دمشق إلى مدينة حمص وسط سورية، إلا أنه تم تعديل المقترح، بحيث تصبح حمص عاصمة إدارية، وحلب عاصمة اقتصادية، والإبقاء على دمشق كعاصمة سياسية.

وبرر التقرير، "غير الصحيح" بحسب العلي، أن المقترح جاء نتيجة عدم القيام بمشاريع إنشائية لتنظيم العاصمة كالمترو وإزالة المخالفات والبنى التحتية دون تخفيف الضغط السكاني والذي لا يمكن تحقيقه إلا بنقل العاصمة إلى مدينة أخرى، وتم اختيار مدينة حمص كعاصمة بديلة انطلاقاً من موقعها الجغرافي بالدرجة الأولى، ولأنها مدينة صغيرة ومهيأة للتوسع، إضافة إلى أنها المدينة الوحيدة بين المدن الرئيسية التي لا تقع على الفالق الزلزالي.

في سياق متصل، أشار المهندس علي إلى أن فريق لبناني وهو "مجموعة الخطيب والعلمي"، يعمل حاليا على مشروع إعداد مصور عام مدينة دمشق ومحيطها الحيوي، وذلك بموجب عقد بينه وبين وزارة الإدارة المحلية، وهو الآن في المرحلة الثانية "مرحلة تحليل البيانات المجمعة" ولم ينته بعد منها ليقدم مقترحاته.

يشار إلى أن محافظة دمشق تعاقدت في أيلول الماضي مع الشركتين المذكورتين لإعداد مصور عام دمشق ومحيطها الحيوي، تمت المباشرة به ويستغرق إنجازه 450 يوما، حيث تم توزيع أعمال المشروع على ثلاث مراحل، حيث تبلغ مدة المرحلة الأولى 180 يوما، تبدأ بجمع البيانات اللازمة وتدقيقها وتحليلها وإعداد توجهات أولية، والمرحلة الثانية مدتها 120 يوما تهتم بالتشاركية وتعميق وتحليل البيانات المجمعة، والمرحلة الثالثة مدتها 150 يوما تقدم المقترحات النهائية والاستراتيجيات.

أخي الشامي

أنا و كل أعضاء المنتدى ممنونين لجهدك أنو بحثت بها الموضوع

جزاك الله كل خير

و أبعد عن بلدنا كل أوربي يارب

شكرا لك

شرفت

السلام عليكم ورحمة الله وبركاته