السلام عليكم جميعاً ........ أشكركم لتفاعلكم ........



Y4$$3R N3T  : أشكرك على فكرتك المميزة ..........



humam91  : كلامك مقبول ... و هذا ما أسميه " اسلاميون جدد " ...... لكن أغفلت
جانباً أهم من التربية و هو غرس فكرة " التدين " في العقول و هي أهم من التربية
الجنسية ....... رأينا الغرب قد ربوا أولادهم جنسياً و مع ذلك هناك فوضى جنسية ...


شذاالربيع : شكراً ....... كلام مقبول بالمجتمعات الغربية اللي همها مثل ما قال " محمد
ياسر " هو التعلم ............. بس هون ..... الله أدرى بحالنا ........

اقتباس

إذا شاع الإختلاط بين الشباب و الفتيات في المدارس و الجامعات تتهذبُ طباع كل

منهما

ماجامعاتنا أكبر دليل على عدم صحة هالمقولة ...........

اقتباس

هل أنت

ضد الإختلاط ، أم أنّ الإختلاط برأيك أمر عادي لا ينفع منعه و لا يضر وجوده

أنا للصراحة ضد الإختلاط المباشر ...........

يعني وجه لوجه ........... وبالتعاملات اليومية ........

بس أنا ماعندي مشكلة بالإختلاط اللي بيكون من وراء ساتر أو حجاب .........

يعني متل الصلاة ......... أو متل مواقع النت ؟؟؟؟؟؟؟؟؟ كيف يعني ؟؟؟؟؟؟؟؟؟؟؟؟

يعني لما بتكون إحدا النساء عندها شي مشكلة معينة وحابة تحصل على رأي شيخ بهالموضوع ........... فماأكتر المواقع اللي بتأدي هالخدمة .......

وتقبلوا مروري ...........

الاختلاط بمجتمع شرقي متل مجتمعنا

لا يجد له مكانا و ان وجد طبق بشكل خاطئ لعدة اسباب

منها الافكار السائدة بمجتمعنا لدى الفتاة خصوصاً و الشاب عموماً

اغلب حالات الاختلاط بمجتمعنا هي اضاعة للوقت و قصص واهية و أحلام وردية ..

كم تمنيت ان نستثمره بشيء له فائدة على الصعيد العلمي او الاجتماعي ...

السلام عليكم

أولاً:

اقتباس

ولكن هل تعجبك ظاهرة التسكع لدى الشباب أمام المدارس والبنات اللائي يحلسن على الأرض والله هيك يلي عم يصير
فلو أفترضنا أن الاسلام نهى عن الاختلاط فماذا نكون جنينا في شوارعنا نحن؟

يعني إذا صار في اختلاط ما عاد في تسكع؟؟؟

بالعكس بصير التسكع جوا المدرسة وبراتها ... وبدل مايكون الشباب -يلي كلنا منعرف تصرفاتهم اللأخلاقية - بصير التسكع شباب وصبايا..

ثانياً:

مين قال أنو الشباب لحالهن بمدارسهم وجامعاتهم والبنات لحالهن هو كبت ؟؟
والله غريبة : أنا شايف الكبت بالأختلاط والله العظيم الكبت بالأختلاط
شعبنا مكبوت لأنو في أختلاط

وتفسيري للأمر كما يلي:
الشب والله مؤدب والبنت كمان..
طول الوقت قبال بعض بالمدرسة  أو بالكلية..    وبعدين..

لو فرضنا حبو بعض...    أوكي

يوم تنين تلاتة...
صار في شي غريزي...    شو هالحكي

شي طبيعي - إذا الشب بيخطب بنت مابيعرفها بعد شهرين تلاتة لك سنة بالكتير بيكونوا متزوجين-

طيب صار في غريزة بالموضوع..... وشو فيها؟

الشب بدو حل والحل هو السترة والعفاف- كلنا بدنا هالشي... شباب وصبايا-

بيحاول مع أهلوا وبعدين مع أهل الصبية.......  إيه
طبعاً الكل رح يكون جوابو : موافقين ..بس  ........  بس شو؟
البيت  و الوظيفة والمستقبل وإنهاء العسكرية....وغيرو كتير
وطبعاً هادا شي ضروري وصحيح مية بالمية
يعني لساتو عم يدرس وبدو يتجوز .. ؟
وهاد الشب يلي بالأساس عم يدرس ليتعلم ويتخرج ويطور هالبلد بيصير همو الحب المكبوت والزواج وشلون بدو يجيب مصاري ......
والله نحنا الشباب هاد يلي عم يصير فينا
همنا الوحيد بالجامعة بس نحب ونعشق ...
بالخلاصة :
الأختلاط يؤدي لحب والحب بيتطور - حطو المدة يلي هية - وبيصير غرائز ...والغرائز بدها إشباع ... بس يلي عم يصير أنو هالغرائز لا تشبع وبالتالي هون الكبت -الكبت-الكبت

ومافي حدا شريف مكة ليأول أنو بس بدو يحب أو مابدو يحب بس بدو بنات معو بالمدرسة ومتل أخواتوا رح يحطهن جوا عيونوا؟؟؟

الأختلاط هو الكبت بعينوا

بصراحة انا ما عندي وجهة نظر ثابتة بهالموضوع بمكن بسبب المجتمع الي حولينا !!

بس انا ضد تكون المدارس مختلطة ابتدائي اعدادي وثانوي بس بالجامعة مابحس في هالمشكلة

مو لشي بس بالنهاية نحنا بمجتمع مافيك تتجاهل وجود الطرف التاني يعني اذا الواحد درس بمدارس مافيها اختلاط وبعدين طلع لجامعة كمان مافيها اختلاط بعدين ما بدو يشتغل !! يعني شغلة مو خالصة واجباري لازم تعرف كيف تتصرف البنت مع الشب والعكس 

مو معنى الاختلاط هوي قلة الذوق الي عم نشوفها بين أغلب الشباب والبنات حولينا

الاختلاط برأيي ببساطة هوي انك تحضر محاضرة مع طالب تاني قاعد ادامك سألك سؤال رديت وخلصنا

ماهوي بالاصل بترجع الشغلة لكل واحد كيف مربى وكيف بيفكر وكيف حابب يكمل عمره
يعني ليكنا (عم نختلط ) بالجامعة بس بتلاقي كل انسان بيتعامل بطريقة غير التاني لذلك هيي شغلة بترجع لمبدأ الانسان نفسه

وولذلك انا مع فكرة الاختلاط بالجامعة كون الطالب صار أوعى لتصرفاتو لكن مو مع قلة الذوق الي عم تصير !!!

والشب الي استغل فكرة الاختلاط بالجامعات لشغلات بمستواه فهوي كان من هوي وصغير مهيأ نفسياً لحتى يضحك على مية بنت مجرد انو انوجدت فرصة ولو انو هالفرصة رح تخلق طبيعي بعد ما يتخرج اذا بدو يشتغل !
لذلك الاخلاق ونفسية الشخص هيي الحكم ...

السلام عليكم
بالنسبة للجامعة زمليتي ولاء ...
شوفي هالمستويات من الطلاب يلي عم تتخرج وتبلش تشتغل
الغالبية مالن علاقة باللياقة يعني وكأنن كانوا مأضينا بالجامعة تسلاية وروحات وجايات
وأي بنت بالجامعة مافينها تتجاهل وجود شباب حواليها طوال الوقت بالجامعة
فبضل طول الوقت همها كيف تكون حلوة ومهضومة وغيرو...
والشب نفس الشي
مافينا نغض بصر عن هالشي فنحنا مع بعض دائماً
وعلى هالحال الدراسة ..... عمرها ستين جهنم.

في جامعة باليابان قرأت عنها بمجلة إبداعات هندسية
طبعاً المقال كان عن البناء المميز للجامعة
ولكن المهم بالموضوع أن هذه الجامعة من أفضل ثلاث جامعات على مستوى العالم
بالرغم من العدد الهائل لمنتسبيها 20 ألف بمساحة ليست بكبيرة
ولكن جميع الطلاب بنات ....طالبات جامعات أتوا لينالوا العلم في الجامعة ويدرسوا  ويفهموا ما يأخذون
الجامعات والمؤسسات التعليمية في بلاد العالم المتقدمة بدأت الآن تدريجياً الفصل الجنسي للطلاب.
كنت بجلسة مع أحد المهندسين المعماريين الكبار وذو المكانة في سوريا وكنا نتبادل أطراف الحديث
فأخبرني بأنّ إحدى المسؤلات عن أهم المؤسسات التعليمية في العالم -وكانت هذه المؤسسة قد حصدت مؤخراً على جوائز وتقديرات عالمية في المجال العلمي-
قد قامت بزيارة سورية لحضور إحدى المؤتمرات لدينا
وعندما سؤلت هذه السيدة الكريمة أمام الحاضرين من وزراء ورؤساء جامعات ودكاترة سوريون عن سبب تفوق مؤسستهم التعليمية أجابت بكل بساطة.
تأمين الجو الملائم للطالب للتركيز على دروسه ..ثم أردفت : وذلك بالفصل بين الجنسين في المجال التعليمي.

مع فائق احترامي للجميع...

أخي الكريم eye of wolfبصراحة صعقت من ردك وأقول لك
جرحت مجرحا عميقا لأن الرد جاء منافيا لرأيي طبعا الاختلاف في الرأي لا يفسد القضية...
رح جاوبك هلأ
انت شو رأيك بأنو يكون في مشاكل و معضلات في المدرسة بين الشب والبنت
و شو رأيك بنفس يلي عم يصير بالطريق
يلي بدي قولو المشاكل موجودة مع وجود الاختلاط و بدونه
داخل المدرسة رح يكون في مشرفين يهتموا بشكل كبير بالموضوع و برا الطريق ما رح يكون في مراقب طيب انا معك ..
أخي الكريم
لما يكون في طالبة وطالب بنفس المدرسة صدقني كل شي رح يختلف ومارح يصير مشاكل واذا بتسأل حدا من بلد عربي من الجزائر مثلا رح يقلك الامر طبيعي جدا ونحنا كتير واعيين ويلي معنا الطالبات أوعى وبيقلك انو هدول متل أخوتنا
اما اذا تركنا الموضوع هيك رح يضل في شباب وتلطيش وعدم احترام
والاختلاط بالتأكيد مع احترامي لرأيك هوي بالعكس ليس الكبت وبه ينفس المراهق عن ذاته
كمان ليش ما تسعى وزارة التربية وبعتقد في هيك بحث على انو تجرب يا أخي نعمل مدارس شباب وصبايا ويعينوا مشرفين ولنشوف اذا نجحت التحربة
يعني الشغلة ما بتمشي دون التطبيق
وراجعلكم
سلام

بتمنى من استاذي الحبيب استاذ الشطرنج
يعطيني رأيو مرة أخرى في الموضوع خلينا نقترب من الصواب أكتر
شاكرا تعاونك أخي الكريم

ما عرفت وين الغلط بالقصة ...
ما الحياة ماشية بالجنسين سوى ... البنت والشب ...
يعني الله خلقنا سوى ... ولازم نعيش سوا ...
طبعا بكل احترام و مع مراعاة الخطوط  الحمرا العريضة
لكل إنسان شب كان أو بنت ...........
وعند الناس الواعية بتوقع ما في مشكلة بالقصة ....
هاد رأيي وبحترم آراء الكل ...