السلام عليكم...........

حبيت حط هالموضوع كتغيير شكل عن المواضيع.....

و فكرتو إنو كل واحد صار معو موقف حلو أو بيضايق أو بيضحك أو بسلق البدن مع شي دكتور

يقلنا يا لنشاركو هالذكرى...........

و ما رح بلش أنا لأنو إذا بلشت يمكن ما اخلص لبكرا من كتر مو مخلية حدا من شري.....


               

السلام عليكم:
بالأخص نحنا طلاب الخامسة سابقاً، الخريجين حديثاً عنا مواقف غير شكل.
بس أحلى موقف ويمكن تتفاجؤوا:
في مرة كنت بدي نزل محاضرة صناعية عند الدكتور نذير فلوح ومتل ما بتعرفوا الدكتور كبير بالعمر ولساته دقة قديمة، طلبت منه السلايدات والشفافيات مشان صورهم، فما رضي يعطيني ياهم، ولما أصريت قبل بس بشرط،  شو يا حزركم:


ياخد هويتي رهنية لبين ما رجع السلايدات بركي سرقتهم. وفعلاً ما رجعلي ياها لحتى اتأكد انو ولا سلايد ناقص وانو ما في شي منهم مضروب بالتصوير.
بس الصراحة الدكتور كتير ظريف وكل فترة بمر لعنده بسلم عليه.
وفي نهفة لنفس الدكتور:
كان يعطينا المحاضرات ولسا في برد بالجو فكان يجيب معه نسكافيه يشرب بقلب المحاضرة، فكان شو يقلنا:
هي دوا بلا سكر ما بتواتيكم    

ويوم عيد المعلم قلنا بيتين شعر:
قلم للمعلم يا بني عَجولا                واضربه حتى يرتمي مقتولا
اضربه بالكرسي واكسر          رأسه فالرأس كان مخرفاً وجهولا.


هي بعض النهافت ولسا في كتير شغلات. خليهم لبعدين.

والسلام

هلأ نهفات د.سمير لا تعد ولا تحصى

نحنا كمان عطانا هي السنة بالعقاقير التطبيقي

بس ما كنت احضر

وبس حضرت محاضرة وحدة (ونفدت من الحرمان)

وبهي المحاضرة الوحيدة مدري كم نهفة قال

خصوصي وقت حكا على الكركم و الكركمة

ودنب الفار يلي بكيس الشبس (بقرمش قرمشة)

وقصة شباشيل الدرة

------------------------------

في شغلة تانية مالها علاقة بالدكاترة

كنت اكتب دمويات

وبآخر محاضرة عند دكتور خليل

كان في هوا قوي برا

والأباجور يلي بالعالي ضل طول المحاضرة يخبط بقوة

وأنا إيدي عقلبي مشان التسجيل يلي كنت متيقن من أنو ما رح اسمع منو شي بالبيت

وفوق منها

كان في عش عصافير

آم وقت فرخ صغير عالأرض

رحت امسكو آم طلع بيحسن يطير عن جديد

هرب ووقف بمكان بعيد

وبلش هو وأهلو ينادو لبعض بصوت عالي

وسماع يا زيد إذا بتحسن من التسجيل

والدكتور كمان ما بيستعمل ميكريفون وعحظي بهي المحاضرة كمان وقف ورا الطاولة

لا والمحاضرة أغلبها من برا الكتاب والدكتور جايبلي سلايدات ماجستير ومبسوط فيهم

وما حدا لحق شي

وبعدين ما حسنت اسمع شي من التسجيل

-------------------------------

كمان شغلة تانية عاستماع التسجيل

مرة استأذنت بنت بالصف الأول وحطيت قدامها التسجيل

بعد شوي لاحظتها أنو عم تسعل طول الوقت

وبعدين بالبيت انهلكت وأنا وعم اسمع التسجيل

والنهفة أنو بعد ما خلصت سماع التسجيل صرت اسعل بشكل لاإرادي

وكمان شغلة

مرة لما كنت بشارك رفيقي بكتابة الجراثيم والفيروسات

بليتو لرفيقي بكتابة محاضرة للدكتورة فوزة

ويا حرام كانت كل المحاضرة عبارة عن animation

ويا حرام قديش جن من هالحاضرة

لا أنا نهفاتي كتار

رح احكيهن بالتقسيط

من ورا المشروع والمنتدى الدكتور عموري عرفنا فرداً فرداً

بعد فحص الميكرو

شفتو كيف أخدنا الموضوع بالمسخرة

وصرنا نقول شو هالسهولة وأكيد كل الدفعة ناجحة وأكيد تسعينات

وأنا شخصياً كفيت ووفيت ولونت الكلمات وكبرت الخط

وماكنت متوقعة المحو للدكتور بعدا

بالمادة يلي بعدا كنت قاعدة بمكان بالكلية ما بيخطر على بال الجن الأزرق

وعم اقرأ سموم2 (يلي حملتها)

ورفعت راسي

وإززززززززززززز

بلاقي الدكتور عموري بوجهي      

باللا شعور أنا ضحكت وهوي ضحك

بس صارو ركبي يقصفو قصف

قلي : شكراً عالكلام الجميل

شويا رح تاخدو تسعينات

قمت قلتلو : ماطلعنا خارج حدود الأدب

قلي : طبعاً طبعاً

وضليتني مرعوبة لحد ما رفعتا والحمد لله

===================================

لنا عودة   

والله في نهفات بس مو كلن خرج ينحكوا هون..........

ذكرتوني بالدكتور سمير لما صاروا يكتبولوا بالحضور اسم ؟(راغب علامة - إيهاب توفيق...)

وأحلى شي وقت كتبولوا اسم (حسين حصّل)!!!

وهو يقول: أي بدي حصّل يللي عامل هيك........



وعلى سيرة التسجيل....بالسنة التانية والتالتة كان عندي مراق سجل بعض المحاضرات قام مرة كمان حاطة الـ mp3 بالمقعد الأول وما لي عرفانة شو عم يصير ولما رجعت أسمع المحاضرة بسمع محاضرة غيبة ونميمة!!! لك مو تاري البنتين يللي قاعدين نازلين قلي بهالعالم وسمعتوا كلو!!!! الله سترهن ما جابوا سيرتي بشي فقرة !!


=============

بس هلأ اتذكرت: كان إلي مواقف بتضحك مع غير كليات......


مرة  كنت حضرانة مع رفيقتي شي محاضرة بطب الأسنان يا انكليزي أو أدوية قام الدكتوزرة سألت سؤال وصارت تتحداهن وتتوعد بجوائز (على اعتبار سؤال شغل ادوية) .....قام وشوشتها لرفيقتي الجواب   لتقولوا وهي ما تسمعني ....ٌام نطيت أنا وجاوبت!!!!

وهون المشكلة بقا........كيف سكتولي أني مو طب اسنان ما بعرف.....هو أكلت كم زورة تهديد من الطلاب...بس حرّمت!!


ومرة كان ضرس العقل عندي كتير متورم وحالتو حالة ووجعني كتير بالكلية فرحت عند رفقيتي تشفلي ياه ....عملتلو صورة وراحت عند دكتورها المشروف تورجيه ياه....قام اطلع فيني بفوقية كاني بنت صغيرة وصار يقلي بدو شق أو لازم كلما يورم تاخدي دوا التهاب قلتلو متل شو.....قام قلي أوغمانتين ...قلتلو أنا آخدة ماكسيبين (كنت مرضانة كمان) قام زورني أني عم أتفهمن عليه....قلتلو كمان لما ورم الصبح أخدت (أداناز) قام قلي ومين وصفلك ياه بقا؟!!! صفنت وقلتلو أنا!! قلي ليش مين حضرتك؟؟ قلتلو بكل ثقة:"طالبة صيدلة سنة رابعة" وهون بقا فرطت ضحك وحسيت انو رفيقتي رح ترسب بعملي هالمادة من ورايي...



أما بكلية الطب عم أنتظر رفقاتي برا المدرج فصاروا يأشرولي أنو رح تخلص المحاضرة وما بيأثر إذا دخلت عالمدرج ......المهم كانوا عم يناقشوا الدكتورة بالكيميا أنو تحذفلون جداول معينة صعبة للامتحان وهي ما عم ترد....... فمحسوبتكن الفضولية زعلت على رفقاتها ونزلت بهالدكتورة ترجي وصرت قلها أنو عنجد صعبين وما عم ينحفظوا معنا ومنهاجنا كبير ونجاحنا عالستين .....(بتعرفوا كليشة هالنق)....

قام المفاجأة أنو مدري شو سألتني شي بيتعلق بالمنهاج فاحمريت وما بعرف كيف مر الموقف بدون ما تحس!!!! بس الخبر السعيد انو فعلاً حذفت هالأمور من المناهج..





حالياً هدول يللي بتذكرهم......بس لأتذكر شي ظريف بحكي عنو....