اليوم خبروني إنو نزل القرار عالتلفزيون

و كاتبين في إنو رح يتطبأ هاد النظام هي السنة

يعني هي الصيفية.........

بقى شو الوضع؟؟؟؟؟؟؟؟؟؟؟؟؟

السلام عليكم ورحمة االله وبركاته
لقرار مافينا نحكم عليه منيح ولا لا حتى نجربو
بس سؤالي: لطلاب الي عم يقدمو خارج البلد شو مشان ساعات الدوام ؟يعني الدوام الزامي لكل الطلاب وكل الإختصاصات ....؟ رجاء حدا يشرحلي لأني برات البلد وبس بنزل بقدم لإمتحان  وما بحسن أحضر!!!!!!!!
شكرا للكل

السلام عليكم
بس ممكن سؤال اذا في حدا فسرلي شو يعني  هالجملة
قال السيد بركات وزير التعليم العالي:"هذا المرسوم يسهم أيضاً في زيادة وتنوع المعرفة لدى الطالب لأنه يتيح له إمكانية اختيار اختصاصات ثانونية إلى جانب اختصاصه الرئيسي".‏

ومثال على ذلك: طالب يدرس هندسة مدنية ويريد معلومات أكثر في مجال علم النفس يمكنه اختيار بعض المقررات في علم النفس أو التربية أو... وفي أي مجال يتعلق باهتمامه وبالتالي هذا الأمر يمكن الطالب من اختيار اختصاص رئيس وثانوي أو اختصاص رئيس واختصاص ثانوي أو اختصاصين رئيسيين.

؟؟؟؟؟؟؟مافهمت شي

طيب بتذكر أن تطبيق القرار سيتم اول عام في جامعة تشرين أو البعث......وبعدين عنا...



هالحكي صحيح أو لأ؟؟؟


يا رب ننفد السنة الجاية بلاه وخليني أتخرج متل كل هالناس!!!

السلام عليكم

القرار يطبق العام القادم و ليس هذا العام

و تطبيق ع كل الجامعات مو بس تشرين و البعث كل الجامعات

و رح يحطوا اعلان بكل كلية عن كيفية تطبيقوا لأن كل كلية بتختلف عن الثانية

و السلام عليكم

شكراً لإجاباتك "وزيرة الثقافة"

لكن عندي سؤال أخير:

هل سيتم تطبيق هذا القرار على الدفعات الجديدة (ألسنة الأولى) أم سيشمل جميع الطلاب من كل السنوات؟!!


يعني قرار النجاح عالـ 60  طبقوه علينا وعلى الدفعات التي بعدنا لما دخلنا الكلية أما الدفعات القديمة بقيت كما هي نجاحها عالخمسين......

يا جماعة والله حاسة انو هالقرار مو لمصلحتنا
معقول نعيد عملي ازا حملنا المادة
ومعقول يكون الفحص بدل الشهر اسبوعين يعني لكل مادة يوم ونص
طيب نحن هلأ حملنا مواد يعني معقول ماراح نقدمها للصيفية الجاية مع المواد يلي راح ينحملو من الفصلين يعني كمان راح يطلعو فوق ال10 مواد
انا حاسة في نقص بالقرار و في خطأ كمان
هففففففففففففففففففففففففففففففففففففف ياااه ما بيعملو شي لمصلحة الطالب

اجماعة شو مشان الدوام بيتي بعيد عن الكلية يعني  بدي ساعة عالطريق اذاماكان في عجأة شو ...............وكمان شو مشان  انو لازم حدا يشرحوا منيح مافهناكتير شكرا