السلام عليكم ....

ماشالله موضوع أكثر بكثير من كونه رائع ..

تابعت الموضع عن بعد .. لكن اليوم فرحت لما قرأت لذا وددت أن أضيف رداً ..

لأشكر أختي السوسنة المذهلة بصراحة .. وأهنئكِ من كل قلبي على إنجازك

أنت وكل من شارك معك وكان له أثر في حجاب أختنا الدكتورة رؤال ..

وأود أن أهنئ الدكتورة رؤال بالحجاب .. ألف ألف مبروك ,,

الله يتقبل منك ويثبتك ويكون معك ..

وان شالله هالشي بيكون فاتحة خير عليكي وعلى كل أهلك واللي بتحبيهم ..

انبسطي انتي هلأ إنسانة جديدة ..

ألف مبروك .. من القلب ........    

أولاً مشكورة عالجهد اللي بذلتيه لتحاولي تهدي العالم بس في شوية ملاحظات
إذا بتتقبلي النقد أذا ما بتتقبلي فيكي ما تكملي قراءة
الله دعانا للتفكر وإعمال العقل بأكتر من آية
ونحنا ما بدنا نكون ملتزمين لأنو هذا ما وجدنا عليه آبائنا
و ما بدنا نكون قطيع أعمى بيمشي ورا كل واحد دقنو طويلة  و توبو قصير أو ورا كل وحدة بتغطي عوشّا  أو حافظة آيتين  وأخطر الناس عالأمة هن مدعي العلم والعلماء السوء وأنا شخصياً برفض رد على أي شيخ على عماها لأنو الله خلقلي عقل ونحنا ما عنا شي بالإسلام اسمو رجال دين يعني الدين عن طريقن وبس والله منوصلو إذا ردينا عليهن وبس
الرسول أمرنا نستقتي قلوبنا ليش ؟
كل الأنبياء عرفوا الله قبل ما يصيروا أنبياء شلون؟؟؟ أنا بقللك أقتنعوا يعني شغلوا مخّن
ملاحظة تانية موضوع الصلاة و الحجاب والإيمان ما منختلف معك عليه بس موضوع الأغاني مختلف فيه و مو من حقك ياأستازة تقارني بالصلاة لأنو الصلاة عماد الدين واللي ما بيصلي ما إلو دين لس ياللي يسمع أغاني (حسب رأي جزء من علماء الأمة) عاصي بس لساتو مسلم زائد إنو في جزء من العلماء بيقول إنو في غناء مانو حرام (غير الأناشيد) و الإختلاف بالأسلام رحمة للمسلمين فينا ناخد هاد الرأي أو هداك الرأي وكل واح بيتحاسب بعدين حسب قناعتو و شو عمل فيها فيا ريت لما يكون في أكتر من رأي ما تحطي رأيك بها الطريقة وتحشري مع شغلات ما حدا بيختلف عليها
بعدين كلمة إنتا مريض ما عم تشوف منيح وماإلى ذلك ما بتصدر من واحد نفسيتو نفسية داعية إلى الله لأمو بتنفهم هيك (أنتاا مريض و غبي وما بتعرف تفكر ونفسيتك مشوهة ومخك ما بيسوا تعا خليني فكر عنك سمتع مني أنا منيحة ومافي مني وبفهم انت ما بتفهم)
طبعاً أنا ما قصدي ازعجك أنا قصدي انقد بالنهاية ما ني مضطر جاملك و من رحمة الله بعبادو أن بيختلفوا بلاأفكار المهم يتناقشو ويتحاورو ما يتقاتلو صح ؟
بالنهاية أنا بقدر كتير لهفتك للخير و رغبتك بالنهوض بالأمة إعادة العزة للأسلام وأهلو
و ياريت يكون في ناس أكتر متلك بتفرق معن شو صاير حواليهن
وياريت ما تزعلي إذا كنت قاسي معك والله يوفقك