مرحبا انا مرة كنت بالسوق مع خالاتي وقفنا عند واجهة محل و فجأة وأنا صافنة بالقطعة حسيت أنو الأرض انشقت وبلعتني بس مو مشان شي بس اطلعت واقفة فوق حفرة وحاطين فوقها شقفة لوح شبك وصرت اصرخ بأعلى صوت  طلعوووووووووووووووووووووووووني و أنامغمضة عيوني وفكرت حالي صرت بالعالم يللي تحت الأرض واذ قالتلي خالتي حاج تصرخي فضحتينا فتحي عيونك وبهالحظة تمنيت أنو الأرض تنشق وتبلعني لأنو طلعت نازلة شي انو بهالحفرة 

بصراحة مواقف بتفرط ضحك انا اول بفوت عالموضوع وماحسنت اتركو بدون ماكملو كلو واقراه
ذكرتوني بكتير مواقف بس من كتر الضحك نسيتها
بس مرة كنت عم مع رفيقي نلعب الصيف وبس استحكمه رشو مي وبس كون قريب منو يرشني 
 يعني كل واحد حسب بيتو
 المهم مرة كنت قاعد عن جارنا بالمحل وانا طالع شفتو جاية بس مانتبهلي
 قلت اجيت والله جابك بدي حممه وقمت عبيت كاسة مي ملانة وباردة قلت استنى ليمرء بس
 وبالفعل لحظات وشفت خيالو عالواجهة وطلعت وسفئتو ياها للكاسة باوعيه حممتو وبلشت اضحك
 اطلعت بوشو قلت لشوف شو شكلو شو صار فيه  و طلع مو رفيقي  طلع  جارنا وعمرو شي ستين سنة وكتير لئيم
وبلش يتزورني وماحكى شي حمل حالو ومشي انا ضليت شهر اهرب من الحارة بس يجي وماعرفت شو بدي ساوي لابحسن اعتذر ولا بحسن احكي شي لان بالحالتين بدي اتبهدل بس جيب سيرة
 وراحت القصة طي الكتمان وسقطت بالتقادم بس لهلاء بس شوفو بخبي وشي
 كان عمري 16 سنة بس مو كتير كبير لا تفكرو فيني غلط ^_^

أحلى موضوع بكل المنتدى
ههههههههههههههههه

   

عن جد مواقف مو طبيعية   

يلا يا جماعة حدا يكتبنا شي موقف
صرلو قرن ماحدا ضاف شي................................

ياريت الأرض انشقّت وبلعتني وقت جارتنا قالتلي قدّام كل الموجودين حليان قمت جاوبتها على أساس عم جاوبها جواب منيح : يحلى وبرك

الموضع قديم ومنسي بس حلو كثير , يلي كتبوه أو شاركو فيه غايبين الله يردهم بالسلامة
بس رح اكتب صارت معي وعنجد بعدني بضحك عحالي من وقتها :
لما كنت بعمر 9 سنين كنت متعود روح اشتري جريدة تشرين لخالي من المكتبة عالبسكليت
مرة من المرات رحت مشي وبس اطلعت ما لقيت البسكليت وقعدت ابكي وصارو الموجودين يسألوني وين حطيتها ويمكن حدا استعارها وأخر شي الشرطي قلي تعال اكتبلك ضبط بالمخفر ووقتها اتذكرت اني جاي مشي ..
فقلت ما بدي ومشيت بهدوء بدي اهرب لاني استحيت قللهم أني جاي مشي وناسي
ههههههههههه