طولوا بالكم يا جماعة

تفاءلوا بالخير تجدوه

مشان الدكتورة ليلى بكرة شوفوا شلون رح يخيب ظنكم و ما رح تغير نمطها ( بإذن الله)

مها

طولي بالك

هي أنا ما عاد فرقت معي و مالي مستغربة إنو يطلعوا كل موادي بالستينات رغم إني مقدمة عكس هيك بس بكليتنا بصير فيها كل شي يعني عن جد كليتنا هي بلد العجائب

خلص باقيلنا سنة و صار لازم نتعود عالضربات

يلا شدوا حيلكم و حاجة تشاؤم

رح تخلوني ارجع لمأساتي

خلص ها اتفقنا؟

       

شلون الدراسة معكم؟؟؟؟؟؟؟؟؟

بلشت بالدكتورة شادن و عم أمشي ببطء شديد....

بس شو مشان إنو بصيدلية المجتمع مكتوب بآخر فقرة فيها إنو في منها بتبيع وجبات سناك

أكيد هالحكي مبالغ فيه لإنو مو معقول هالشي بنوب!!!!!!!!!

يمكن إذا شفت صيدلية فيها هيك شي لحتى جبلها  الشرطة و يسكروها

اقتباس

هي أنا ما عاد فرقت معي و مالي مستغربة إنو يطلعوا كل موادي بالستينات رغم إني مقدمة عكس هيك بس بكليتنا بصير فيها كل شي يعني عن جد كليتنا هي بلد العجائب

ليش مين آل انو أنا بدي تمانينات ....!!!

اقتباس

مشان الدكتورة ليلى بكرة شوفوا شلون رح يخيب ظنكم و ما رح تغير نمطها ( بإذن الله)

انشالله خير .... 

بس حتى لو غيرته ... يعني دخيلكن ... بيوم واحد شو نلحق يعني ... دوبي ركز محاضرتين للدكتور عامر ... واقرأ المعلوم للدكتورة ... وبعدين الله يستر على قولة حنان ... ويجيب العواقب سليمة ..

ادعولنا جميعا

نور الهداية ... والله أنا بلشت بمحاضرات د.فوزة ... لأنو د.شادن محاضراتها بدهن

حفظ ..

وأنا ذاكرتي صايرة بطير العقل   

يعني .. أملاً بانو ضل متذكرة المعلومات لبعد يومين محتمل أكتر من انو يكون

لبعد تلات ايام ...

بس اسمعي مني .. إذا قايلين صيدلية المجتمع بتبيع سناك .. احفظيها بتبيع سناك ... ومو بس هيك .... وبوظة كمان! ... شو نسيتو مراااااااااايا ... وصيدلي يا صيدلي 

ليش مو عاجبكم أنو الصيدلية تبيع سناك

ما شفتو شي صيدلية حاطة ماكينة بوظة

أو صيدلية عندها أدوات مطبخ

لك بدنا نشتغل

شو بدنا نضل عم نبيع ب50 و60 ليرة ودوبو المربح 15%

لولا حليب الأطفال والإكسسوار ما بجيب الواحد دخل للصيدلية

---------------------

أنا كمان بلشت بقسم د.فوزة لأن ما كتير فيه حفظ

أما د.شادن فمالي دارسو أثناء السنة فدوبي ادحشو بالذاكرة المؤقتة (متل ما قالت مها ما بيستحمل أنو يعلق أكتر من يومين)

بالتوفيق

السلام عليكم:

والله ما عد شاركت كتير لأنو دايق خلقي من كل شي.......


ما كانت تنزل المواد .....


قرارات بتقرف......


إشاعة السموم ما عجبتني بنوب لأنو ع طول بدرس قسم د.ليلى وبنقفش هلأ بس لأنو ما معي وقت أدرسو لا بالسموم ولا بالصحة بتقوم بتطلع هالإشاعة!!




أفـــفففففففففففففففففففففففففففففففففففففف




شفتو ليه ما عم شارك!!! حتى ما سمعكن نفحات الملل والتشاؤم...


===============


منرجع للمفيد:

بأسئلة الدورات في شي مو طبيعي.....

في أسئلة وصل غريبة بعتقد بقسم الدكتورة فوزة بتعتمد على الثقافة العامة:

شي عن أنزيمات يللي بتحول مركب لمركب (متل تبعات الحيوية) مخطط سلسلة تفاعلات واحزر الأنزيمات الداخلة


شي قال: أي الأمراض التالية لا تسبب ارتفاع السكر (فيها متلازمة داون ومتلازمات مو آخدينها متل متلازمة ترنر - متلازمة جيرك أو هيك شي....)


شي عن الهيماغلوتينين (اختاروا هون subtype)




شغلات غريبة فما بعرف من وين جايبنها !!!



بعدين ليش كل هاد خايفين من قسم د.شادن!!! حسيتو أسهل من فوزة ولو أنو في كم شغلة بدها حفظ ...بس بشكل عام القسم قصير وبتحس واضح شو الشي يللي لازم نحفظو.....


وبعدين تعو لهون: قليل شو حفظنا!!! وقفت على كم صفحة انكليزي وغالباً المعلومات فيهن مكررة من قبل....




موفقين

لسا ما قرأت دورات الدكتورة فوزة

بس مافي فائدة منهم

لأنو كل سنة بتعطي محاضرات شكل

وبتجيب نصوص خارجية

يعني جبت دوراتها بس مشان اعرف نمط الأسئلة

ومشان قسم د.شادن

هلأ نسب المواد بالواقيات الشمسية مطلوبين شي

(وهل لاحظتو أنو جايبة النص من الويكيبيديا متل ما هو.....وأنا كنت مترجمو قبل هيك بالسنة الماضية)

---------------------

مشان السموم فان شاء الله رح يجيبولكم دورة

هيك صار بالسموم 1

وتفاءلو شوي

يعني غميتولي قلبي من الدمويات وشككتوني بكل شي مجاوبو من كتر شو نقيتو

اقتباس

مشان السموم فان شاء الله رح يجيبولكم دورة

هيك صار بالسموم 1

وتفاءلو شوي

الله يسمع منك

اقتباس

يعني غميتولي قلبي من الدمويات وشككتوني بكل شي مجاوبو من كتر شو نقيتو

هههههههههههههههههههههههههههههههههههههههه

والله صرلي زمان ما ضحكت هيك من قلبي

حقك علينا   

والله ما بعرف إذا بتصدقو

مبارح ارتفعت حرارتي وكل الليل هلوسة بالعلامات والأسئلة

نتيجة الحرارة

وما خليت نوع دوا وكمادات

والله يشفينا ويعافينا من المرض والامتحانات بخير وسلامة

ياجماعة خلص ممنوع التشاؤم      

===========================
كمان موعرفانة أنو قبل الإنكليزي 3 أيام

مفكرتن 4        الله يرضى عليها نسرين نبهتني

مشان الدورات توسوست منن لأنو هي اصلاً بتجيب أسئلة خارجية مالها علاقة لا بالنصوص المكتوبة على ورقة الامتحان ولا النصوص الداخلة ...... وهنن وصل...


بكل الأحوال بتضل الانكليزي مادة أهون من غيرها.....ود.شادن مبينة حبابة وما بعتقد تعقدها علينا....

-------------------
والواقيات الشمسية حضرت محاضرتها أنا وعم أقرأ حسيت حالي سمعانة هالحكي قبل هلأ ....وتذكرت أنك كنت منزلو موضوع......بس وقتها سألوا الدكتورة عن المواد وما سألوها عن النسب......فالمواد داخلين

-----------------

مشان الدمويات: الله وكيلك ما نقيت عنها بشي...... صحيح ضليت يومين راسي واجعني بس ما فتحت تمي بكلمة......


=============

ع فكرة انا بشوف الدورات قبل ما خلص دراسة أو أوقات حتى قبل ما بلش دراسة...... " هيك علمتني الحياة "

هي ملاحظة: لأنو مرة وحدة قالتلي : شلون بتخلصي بكير وبتبلشي بهالسرعة بالدورات!!!

سلامتكم كلياتكم

كل ما بحاكي حدا بقلي أنو ارتفعت حرارتو ومرض بعد الدمويات

لتكون وراق الفحص مجرثمة
     

مشان د.فوزة فأكيد بدها تعمل شي فنة (جربناها بالفيروسات)

بس ان شاء الله نلحق بساعة ونص نجاوب لأن في عنا نصين قراءة (قول تعودنا عالترجمة بس كمان وقت الواحد ينحصر بوقت محدد بيتلبك)

جربو اذا بدكم فتحو موقع newswise لأن هي بتجيب منو كل مقالاتها
                                                                                                                       
وسؤال

يعني د. شادن بالمحاضرة كانت شي تركز على حفظ التفاصيل متل الأرقام