خليل إذا ما كان نص الأسئلة إلو فثلثين: ثلث مناعيات (محاضرتين) وثلث دمويات (الكتاب)


ثلث المناعيات تبع خليل بتلاقيه سهل لما تدرسي قسم الدكتورة ...فراح من وشك..


أما الدمويات فمنيح قد ما درستي ولحقتي منها.......يعني بتلحقي تدرسي نصفها


وهي بتكوني ضمنتي (ثلث جمانة - ثلث مناعيات خليل - كم سؤال دمويات لا يقل عن 10)


أنتي هدي شوي وبلشي دراسة وما تنوهمي كل هاد من المادة وبتلاقي الله يسرها ...أحسن ما تضل بوشك للسنة الجاية.....

والله أنا حطيت اعتذار وانتي حطيتي مشاركة طويلة عريضة كلها اتهامات باطلة

وأكتر شي هزلي بدني لما قلتي: "الأمور بخواتيمها

يعني حكمتي عليي لآخر عمري

وبعدين مو لحالك عندك ظروف

ياما مارق عليي ظروف وكنت بدي اترك الكلية حتى

وهلأ مافي غير طالع نازل عالبلد ودوبي عم ادرس كم كلمة باليوم

والله ييسرلك أمورك

واحكي مع غولدن مشان تروقي شوي



وهي آآآآآآسف مشان تروقي

واعزريلي من عنصر الشرطة يلي بعتيلي ياه   

ما رح أحكي و لا كلمة  لإنو كل مالها الأمور عم تتعقد أكتر

بس تأكد  لو كنت معتذر  ما كنت حطيت هداك الرد و فيك تتأكد لما ترجع تشوف المشاركات بالبستان

بس أنو عنصر شرطة؟!!!

ما فهمت شي!!!

يللا.......الله يرضى عليكن، استهدوا بالله وادرسوا


ما في شي مستاهل


وهي المشاكل بتصير بين الأخوة ....... وأي مشاكل وظروف تانية الله بيحلها.....



المهم تدرسوا منيح هلأ............بدنا علامات عالية بالدمويات

===============================

وبلا معلمية عليكي نور خدي حبة سيتامول أو كيتوبروفن    وعدي حطي المحاضرات سمي بالله وبلشي.....

               

أنا لهلأ ساكتة

لا تطالعولي خلقي

فضحتونا قدام الأجانب

               

هلأ بيقولو هدول جماعة السنة الرابعة.....        

يللا الله يرضى عليكن بدنا نعرف ندرس وأمورنا تمام

وانتو لازم تحمدو الله العلامات بتشهي

يعني أنا السنة الفصل الماضي طلعت من الجراثيم وحالة ال50 سؤال يلي إجونا

وحطولي 64

وحمدت ربي أنو ما رسبوني

             
بعدين بحط خبركن بسيريا نيوز    

=================================

بعدين نورالهداية انتي مستهونتيها الـ 73 بالمااااااااااااايكرووووووووو العظيمة

يعني لو حاطلينلك قد زيد بالعملي كنتي جبتي أقل منو بعلامة     

وهو متل ما بتعرفي جاب أعلى علامة الفصل الماضي ماشاء الله    

يعني أنا كلشي عكيت فيها ومع 25  عملي جبت 69 وعملت عرس وأفراح

ومبروك كمان علامة قاضي ومها

بهي المادة  علاماتكن إنجاز

يعني نور الهداية شو كنتي عملتي لو حاطينلك متل رفيقتي 62

حمدي ربك شي أهون من شي

بعدين بزعل منك ها       وانتي ما بتقدري على زعلي  بعرف  

 

وأنا ما رح احكي شي وعرفان حالي شو حاكي

بس بقلك أنو ما بتحسني تحكمي شو في بقلوب الناس

---------------------------------

حنان

من زمان فوتي عالخط

مشان تهدي الجو

------------------------------------

اقتباس

خدي حبة سيتامول أو كيتوبروفن

تربتان أحسن

أقوى

بس غالي

------------------------------------

سؤال بالدمويات

صفحة 38

حاكين أنو بالنسج بيطلع البيكربونات من الكرية الحمراء

وبالرئة بيدخل البيكربونات

مو مفروض العكس

لأن البيكربونات هي عبارة عن CO2 منحل

اقتباس

يعني أنا السنة الفصل الماضي طلعت من الجراثيم وحالة ال50 سؤال يلي إجونا

وحطولي 64

وحمدت ربي أنو ما رسبوني

ياريت لو بقدر فكر بهالطريقة
بس أنا بكره شعور الظلم كتيــــــــــــــــــــــــر و ما بقدر مر بموقف بحياتي فيه ظلم  و يمر و كأن شيئاً لم يكن

اقتباس

يعني نور الهداية شو كنتي عملتي لو حاطينلك متل رفيقتي 62

حمدي ربك شي أهون من شي

والله كنت عم فكر إنو لو حطلي 60 شو كنت عملت بحالي

الحمد لله

اقتباس

بعدين بزعل منك ها وانتي ما بتقدري على زعلي بعرف

لأ أكيد ما بقدر على زعلك

خلص سكرنا السيرة

اقتباس

وبلا معلمية عليكي نور خدي حبة سيتامول أو كيتوبروفن وعدي حطي المحاضرات سمي بالله وبلشي.....

السيتامول ما بينفع معي ،أخدت كيتوبروفين و الحمدلله ارتحت

بس هلأ رح بلش دراسة و دعولي الله ييسرلي ياها

و شكراً إلكم
يعني بالفصل الأول عملتلكم فلم مزعج بسبب المايكرو و هلأ كمان عملتلكم جزء تاني منه بسبب المايكرو كمان بس الله يتولى حساب الظالمين...

عن جد أنا آسفة

خلص ركزوا هلأ انتوا بدراستكم
والله يختار الخير

   

اقتباس

بس بقلك أنو ما بتحسني تحكمي شو في بقلوب الناس

والله ما حكمت شوفي بقلب حدا!!!

و أصلاً ما بحقلي أعمل هالشي

أنا ما حكمت إلا عالشي الظاهر ( و هالشي من طبيعة البشر)

أما القلوب فالله أعلم فيها

خلص مشان الله سكروا السيرة

اقتباس

تربتان أحسن

أقوى

بس غالي

بخاف منه التربتان لإنو بأثر عالذاكرة و أنا من غير شي ذاكرتي عدمانة

اقتباس

بخاف منه التربتان لإنو بأثر عالذاكرة و أنا من غير شي ذاكرتي عدمانة

                                                                                     
لا شو عم تحكي
                                                                             
ما شاء الله حافظة القرآن
                                                                                       
والله بباركلك بالحفظ نتيجة حفظك لكتابو

--------------------

بس لازم تخلي عندك دوا شقيقة (من بعد استشارة الدكتور) احتياطاً

يا شباب سكروا هالسيرة بقا

يعني الحق عليكم أنتو الاتنين

وخلصنا بقا

أما بالنسبة للدمويات

شو بلحق ما بلحق

هي أنا لسا ما بلشت بقسم الدكتور خليل لهلأ

ومروق وعين الله علي

خليتي الفار يلعب بعبي

ليكون ما بلحق كمان أنا ..............