أبوفاطمة في لجنة المازت
المشهد الأول
سهرة عند أحد زملاء العمل السبت مساءاً
الزميل : شو أبو فاطمة ايمتا رح تبلشوا
أبو فاطمة (مستغرباً   ):بشو رح نبلش ؟
الزميل :بالشغل بالمازوت
أبو فاطمة :أيا مازوت شو هم تحكي انت
الزميل : معقولة مالك خبر أنا شفت اسمك بلجنة المازوت
أبو فاطمة : على حد علمي اللجنة رح تبلش بكرة و أنا مستحيل كون فيها لأنو محدا خبرني
الزميل :بس أنا متأكد
أبو فاطمة ( ساخرا ً  ) اي بكرا منشوف
المشهد الثاني :
الأحد في العمل
رئيس اللجنة يأتي إلى مكتب أبو فاطمة
رئيس اللجنة : أنت هون ؟ و كل الناس عم تستناك ؟
أبو فاطمة : أي ناس وليش عم يستنوني ؟
رئيس اللجنة :لك أنت معنا باللجنة و عم نستناك بدنا نبلش ؟
أبو فاطمة : بس محدا خبرني
رئيس اللجنة : أنا مادخلني ليك الناس ضايجة خلصنا
أبو فاطمة : طيب سبقوني رايح أشوف الأستاذ ( خ . ر ) لأفهم شو القصة و هلء بلحئكون .....
المشهد الثالث (في مكتب الاستاذ (خ. ر) )أبو فاطمة : أستاذ شو مشان لجنة المازوت ومين حطني فيها ....؟
الأستاذ : أسفين لأنو صارت الشغلة فجأة
أبو فاطمة :بس أنا ما بقدر عندي شغل كتير و بعدين عندي امتحانات – 8 مواد هاد الفصل –
الأستاذ : و الله فات الأوان ليش ماحكيت من الأول
أبو فاطمة :كيف بدي أحكي اذا هلء خبرت ؟؟
الأستاذ:(بمكر ) فيك تعترض بس بعد ما تخلصوا
أبو فاطمة : لا ما بدي على كل حال شكرا ً على هالاستفئادة...
المشهد الرابع
(أبو فاطمة يشق طريقه وسط الزحام متجها ً لغرفة اللجنة )
مواطن : اذا سمحت يا أخ الشغلة بالدور
أبو فاطمة ( منتفخا ) أنا من اللجنة
و لكن أحد لم يعره اهتماما ً
أبو فاطمة : مرئونا يا شباب اذا سمحتوا
مواطن ( يتبرع لأن يكون البواب ) في واحد عم يدعي أنو من اللجنة
أبو سالم ( عضو اللجنة ): أي فوتو.. فوتو 
أبو فاطمة : يشق طريقه وسط الزحام و يده علة الموبايل و الأخرى على الجزدان ...
انا عم ادعي و شو هالشرف اللي عم ادعيه انت مارح تمشي لأخر واحد
المشهد الخامس :
( داخل الغرفة و الناس يتدافعون و يصرخون بالخارج )
أبو اسماعيل : (عضو اللجنة النسونجي ) مخاطبا ً أحد المواطنين :
أخي هون حط الرقم الوطني مو رقم الهوية شو ايمتا بدكن تتعلموا
أبو فاطمة : طول بالك أبو اسماعيل شبك شو هالشغلة
أبو اسماعيل أي هلق من شوفك
مواطن : عفوا استاذ أي منن الرقم الوطني
أبو فاطمة : هاد و مشيرا الى الرقم الوطني
المواطن : اخي خربطنا فيه
أبو فاطمة : بسيطة اذا ما بتصحح عميل طلب جديد
أبو سالم : بعد عدة طلبات مخطئة بالرقم الوطني
شباب ما حدا يحط الرقم الوطني نحن منحطو
أبو اسماعيل : شو الحل مع هالناس
أبو فاطمة : الحء على وزارة الداخلية لازم تكتب ملاحظة على الهوية ( ملاحظة : الرقم الوطني هو الرقم المكتوب بجانبه " الرقم الوطني " )
بعد مئة تنبيه بهذا الخصوص
مواطن : أستاذ خربطنا بالرقم الوطني 
أبو فاطمة : أخي هون حط الرقم الوطني مو رقم الهوية شو ايمتا بدكن تتعلموا
(ملاحظة ) هذا المشهد يتكرر بالنسبة لرقم البطاقة العائلية و أي رقم آخر
المشهد السادس :بطل هذا المشهد الزميل أبو إسماعيل النسونجي أبو اسماعيل : باعتبار انو كل زبايننا من المطلقات و الأرامل فرح تكون قعدتنا ناشفة اليوم
أبو فاطمة : انت هاد همك نيالك و الله
أبو اسماعيل : و هو يقرأ طلب مواطنة (مطلقة )
لعمى شو انو حمار و ما بيفهم
أبو اسماعيل : و هو يقرأ طلب مواطنة أخرى (مطلقة ) : حضرتك مطلقة ( قال ما بيعرف )
المواطنة أي و الله
أبو اسماعيل : طيب ليش
المواطنة : نصيب
أبو فاطمة : هلء وقتك أبو اسماعيل مانك شايف هالزحمة
( قد اتفهم أن يسأل مطلقة عن السبب أما ان يسأل أرملة ليش انت أرملة و الله ما فهمتا )
أبو اسماعيل : و هو يقرأ طلب مواطنة أخرى (مطلقة ) متظاهرا أنه يتابع حوارا معي
و الله انا بخالفك بالرأي يا أبو فاطمة لأنو في نسوان بجوهرو جوهرا بعد ما يطلقوا
أبو فاطمة : يدوس قدم أبو اسماعيل تحت الطاولة
أبو اسماعيل بدنا نشتغل

ملاحظات
1- تم تكليفي بادخال كل المعلومات التي سجلناها إلى قاعدة بيانات اكسس يعني شغل مضاعف بعد الدوام ( بالبيت )
2- البرنامج لم يعمل فكل بيان مكرر كان يرفضه و لو كان الاسم الأول مما أخرنا عدة أيام
المفروض ان ميزة عدم قبول التكرار تطبق على الرقم الوطني فقط )
بس المبرمج الفهمان طبقها على كل البيانات
3- بسبب التراكم اضطريت إلى حذف 3 مواد من أصل 8 ( بس الحمد لله اليوم طلعت أصول الفقه و بعلامة خيالية )
4- أخيرا أنسى كل تعبي و أنا أرى ثمرته و هي رؤية المواطن يتدافعون للقبض ثم يخرجون و هم يعدون أموالهم سعداء مسرورين فرحين
5- هذه المسرحية حقيقية باستثناء بعض البهارات مشان الاخراج المسرحي
6-                هذه بعض الأحداث و كل مشهد يحمل عبرة تظهر واقعنا و إحدى سلبياته بطريقة ما

مع تحياتي

أبو فاطمة

الله يعطيك الف عافية
ع موضوع
وع شغلك بموضوع

عنجد الله يعينك
انا مابعرف انو شغلة فيا تسجيل
لانو بابا عملا وماسالت شلون

ع كل الاحول موضوعك كتير حلو


تقبل مروري
اختك ريحــــــــــــــان

شكرا ريحان
على مرورك الكريم
انا سعيد جدا به
اتمنى لكل السعادة و الفلاح   


أبو فاطمة*****                                       

الله يعينك شو هاد
                         
                               
والله يعينك على هيدا أبو اسماعيل
                       
وعلى هيك مدير
                       
وعلى حياتك
                 
خلص حاجة أحسن خليك تنتحر هلئ
                                 
اسلوبك  سلس وممتع زميل
والله يعطيك العافية فعلا

                         

Nuria Natasha

شكرا على هالرد اللطيف
أما اقتراحك بالنتحار خلص بدرس جدواه الافتصادية و ان شاء الله اذا فيه مربح ما رح اتردد

الله يعطيك العافية اخي ابو فااطمة اي كنت احكي انو انت باللجنة ....
ما كنا تعذبنا هالعذاب يلي تعذبناه ....
ربي يسلمك ويبارك فيك ابو فاطمة وشكرا موضوع معبر