السلام عليكم:

هو مشروع (ويكي سيريا) المقصود منو إغناء المحتوى العلمي أو الأدبي للانترنت باللغة العربية لأنو متل مو شايفين ما في عنا نتاج عربي مفيد باللغة العربية إلا ما ندر.....علماً أن جميع بلادالعالم تعتني وتهتم أن يكون للغتها وجود على النت وغيره فيم ينفع .......وأنتو لسا ما تبحرتوا علمياً بالنت عنجد الوضع بخجل العرب كتير شاطرين بمواقع الأغاني والمطربين والتفاهات كلها ......

لكن تجي تبحث عن شي مفيد ما بتلاقي طلبك إلا بطلوع الروح......


فهي هدف المشروع....... وانطلقت الفكرة بالبداية أنو يتم إغناء المحتوى العربي بالويكيبيديا يللي فيها عدد ضئيل جداً من المقالات بالمقارنة مع اللغات الأخرى.....بس كأنو يتم الآن دراسة إنشاء موقع خاص واستيراد مقالات من الويكبييديا أو الانضمام لموسوعة المعرفة وقد رحب القائم عليها بانضمام هذا المشروع لهم...أو غير أمور.....بس المبدأ واحد "إغناء المحتوى العربي المفيد بالنت"


وبفترة من الفترات جاءت فكرة تعاون مجموعة الويكي مع مجموعة الترجمة (يعني نحنا) وحضرنا محاضرة بالمعلوماتية متل ما بتتذكروا.....اتفق فيها على بدء تعريف الطلاب كيفية التعامل مع الويكي وأن تنطلق الورشات من كليتنا....


ومن فترة حددوا أوقات تناسب الجميع على ما أعتقد حضرها مندوبين من جميع السنوات (أنا ما كنت)....واتفقوا على يومي الأحد والأربعاء كمان بما يناسب أوقات الآنسة إيمان دلعين (التي ستتولى مبدئياً أمر ورش التدريب) وسيشارك دكاترة بالورش متل د.( عموري، زمريق ، أمين ، وفاء، جمانة، العميد........)

وأعتقد أن هنالك طلاب من الذين سيتدربون بالبداية سيساعدون الآنسة إيمان في تدريب رفاقهم.......


بس بتخيل أن الأحد والأربعا مثلاً بيكون تعلمنا نشتغل.....يعني ما بتخيل أنها دورة طويلة....وأنا جربت أتدرب عالويكيبيديا ونزلت موضوع وعدلت مواضيع تانية وعلى فكرة فيكن تجربوا تتعلموا مبدئياً لحالكن بساحة التجربة....



ما بعرف شو في كمان معلومات لازم قولها ....بس أنتو انضموا للمجموعة البريدية للويكي سيريا وواكبوا آخر الاحداث معهم...

http://groups.google.com/group/wikisyria

السلام عليكم

اقتباس

ومن فترة حددوا أوقات تناسب الجميع على ما أعتقد حضرها مندوبين من جميع السنوات واتفقوا على يومي الأحد والأربعاء

أولا أنا كنت الوحيد من السنة الأولى اللي حضر الاجتماع.....

مقابل شي 12 سنوات أخرى.........

المشكلة أنو من المستحيل نلاقي موعد يناسب جميع طلاب السنة الأولى والتانية والتالتة والرابعة و......

واللي صار بالاجتماع هو التالي....


بالاجتماع تبع مناقشة المشروع أثناء اقتراح الأوقات ......

اتفقو على أوقات يوم الأربعاء والالأحد...........وطبعا كتير شباب قدمو تنازلات للحضور..

أنا قلتلهم أنو يوم الأحد والأربعاء بكون عندنا شعبة عملي وشعبة نظري....

قالولي أنو العملي ممكن يتعوض مع غير فئات.....(وجماعة الهيئة الإدارية بيتكفلو بالموضوع)

أما لما قلتلهم أنو في محاضرات نظري.....

جاوبوني مجموعة من طلاب السنة التانية التالتة والرابعة....

كرجل واحد.......................وبكلمة واحدة.........

ليش إنشاالله بتحضرو نظري......

مافي داعي للحضور...................................وخاصة الفيزياء!!!!!

((هاد حكي زملائنا الكبار)) ؟؟؟؟؟؟؟؟؟؟؟؟؟؟؟؟؟؟؟؟؟

   

   

حسب رأيي الشخصي أنو الواحد فينو يحضر على قدر استطاعته...بالنسبة للعملي..

أما النظري فمو ضروري الحضور....وممكن يتعوض مع الشعبة الأولى...

وشكرا للآنسة نسرين على الشرح...

يلي عندو استفسارات يتفضل....

يلا سلام

معقول مو متحمسين للمشروع؟!!!

يا جماعة السنة الأولى:  كتير حلو الواحد يتعلم شي جديد وخاصة ببداية حياتو الجامعية لأنو معكن وقت تتعلموا أكتر وتقدموا أكتر وفي عندكن وقت فراغ نسبةً لغيركن من السنوات.......

وبعدين في حدا عم يقلك أنا جاية لعندك علمك ودربك ..... بتقول لأ!!


والله لو كان في هيك شي لما كنا سنة أولى ما كنت تركتن بدون ما صير قنبلة بعالم الانترنت والبحث والبرمجيات كمان.... وأنا هلق مقهورة لأنو  ممكن أتفاعل معهن بس مو كتير لضيق الوقت.....




فنصيحة هي فرصة ذهبية اتدربوا -شغلة سهلة- ودربوا غيركن كمان ليش لأ......وشجعوا بعض.... لأنو لما يصير عندكن وظايف وحلقات بحث بتصيروا ثروة وطنية لعالم النت العربي إذا نزلتو وناقشتو وظايفكن بطرق تقنية حديثة....




"وكانت النصيحة بجمل"  استفيدوا من وقتكن قد ما بتقدروا ولا تقولوا "لاحقين" لأنو بكرة كلما ما بتكبروا سنة بتطلعلكن شغلات بتلهيكن من ملازمة لدورات لغة أو سواقة أو كومبيوتر أو ممكن عمل أو ...أو..... (نصيحة من طالبة ختيارة )




موفقين

السلام عليكم

نسرين شكراااااااااا على نصاحئك بس مين قال أنو مو متحمسين

انشالله هلأ بفهم الموضوع شخصيا من إياد وبشارك معكم بأذن الله

سلام

بتخيل أن الموعد يومي الأحد والأربعاء مبدئياً كدفعة أولى وبعدين ممكن تتغير الأوقات.....


-------------------

بس ليش حسيت أني كنت قاسية بكلامي معكن

أنا بعتذر إذا فهمتوني غلط......بس والله عم أنصحكن من قلبي متل ما بنصح أختي الصغيرة.... وبحب أنكن تستمروا بحماسكن وما تفكروا أنو ما في وقت...


عنجد أنا قبل ما فوت عالجامعة نصحني أحد الأشخاص نصيحة رح أنقلها لكم:

((((هلق الصيدلة صارت على قفا مين يشيل وفي كتير جامعات خاصة....فإذا ما طورتي حالك من لغات وكومبيوتر وغيره أثناء دراستك رح تكوني وحدة متل المئات يللي عم يتخرجوا سنوياً........فلحقي حالك من الأول  ))))


يمكن طلعت شوي عن الموضوع...بس حبيت وضح وجهة نظري

نسرين..

مافي داعي تعتذري بنوب بنوب

ولو

أصلا لو ما بتهمك مصلحتنا ما كنت هزيتينا هلهزة و فيقتينا

عنجد شرا مرة تانية

بس أنا عندي مشكلة أني موسوس ..... يعني إذا ما حضرت محاضرة بقول أكيد رح يعطي الدكتور شي مهم ومارح كون موجود

بس انشالله بتخلص من هلعقدة لأنو الدكاترة بحضوري أو بغيابي عبيقرأو المحاضرة قرائة من السلايدات!!!!!!!!!

سلام

يا سلام ع السنة الأولى .................... ياهيك الحماس يا بلا 


عنجد انا كتير مبسوطة وإن شاء الله نقدر نستفيد


مرشدتنا نسرين يسلم ايديكي ............. عطول معذبينك معنا 






بس شو هي تسجيل ما تسجيل؟؟؟؟؟؟؟؟
 

لاء أنا ما بظن انو في هيك شي لأنو الدعوة عامة ((حسب معلوماتي))





طيب شعبة تانية شومشان محاضرة الفيزيا؟؟؟ ............
انتو متذكرين شي اذا الدكتور بيعطي استراحة ولا لاء؟ ................
ياريت تقولولي مشان اذا في استراحة منفركها.............. واذا ما في فما منحضرها من اصلها.............. (( كلو فدى الويكي بيهون)) 






موفقين

بس امانة شوفولنا شو قصة التسجيل المسبق ............ لأنو اذا هالحكي صحيح فبتكون راحت علينااااااااا  

طيب عندي اقتراح:

يوم الأحد انزلوا عالجامعة من الصبح إذا عندكن محاضرات مهمة احضروها بعدين اطلعوا شوفو الوضع لأنو ما بعتقد تكون عقدة وحدة 3 ساعات يمكن على نصين

وإذا ما في محاضرات مهمة عدوا بالمكتبة بهالجو الظريف الصبح وادرسوا لبين ما يبين شو الوضع.....


وحتى لو ما لحقتو منخبركن شو الأخبار ومنقترح تغيير الأوقات بالأسبوع القادم أو أيام إضافية بما يناسب كل سنة......بس حتى يصير هيك لازم تتفقوا على وقت تكونوا كلكن فاضيين وقبل الساعة 1 أو 12......

ومشان تسجيل الأسماء فيمكن لمعرفة الإقبال والعدد التقديري وكمان مشان ما يجي 50 شخص مثلاً على 20 جهاز كومبيوتر.....




تحياتي