السلام عليكم

أنا مع الطريقة الحديثة في إدارة الأمور

وهي ترك الناس يبادرون
ولو تعبت الإدارة ...لأن هذا يعطي ثماراً أفضل من العمل المركزي


ولكن له عيب هو التشتت

ولذلك سنعالجه بأن يقبل إياد ومن يعمل معه ان يكون إياداً المنسق للسنة الأولى

وعليه أن يعطينا تفاصيل دورية عن المستجدات - أول مهمة يعني ..! -

ومن المفضل أن تكون برسالة على المجموعة ومشاركة على الساحة الرئيسية

كل أسبوع مثلاً

----------------------

بخصوص قسم المجففات الذي تحدثنا عنه أخذه طالب من جامعة حلب

فلا تعملوا عليه...

----------------------

هنالك ملفات أخرى غير الموسوعة خبئناها لما بعد الموسوعة

وهي أسهل منها ...

فإذا وجد عندكم من يرغب بالترجمة لكنه يستثقل الموسوعة فسنبكر في طرحها

وأول ملف هو دراسة عالمية عن الوضع القانوني للطب البديل في 125 دولة
كنت بدأت بترجمة أول مائة صفحة وباقي مائة أخرى
والدكتور المشرف سيكون د. عصام حسن آغا..

..الأمر بيدكم

وكذلك هنالك فكرة لحملتين علميتين

الأولى في قسم المقالات المترجمة..حيث نحدد مقالات هامة ثم نترجمها
والثانية تغذية موسوعة الويكيبيديا بمقالات علمية يراجعها بعض أساتذتنا قبل رفعها..وهي أكثر نفعاً للغة العربية والمواطن العربي

وجعت رأسكم ....أليس كذلك ..... !!

سامحونا

---------------------

السلام عليكم

الله يعطيكن العافية شباب ............... فكرة كتير منيحة للتنسيق

و إن شاء الله كلنا منتساعد بأي شي بيخص الموسوعة
و أنا جاهزة للإفادة بكل شي بعرفو


بس يمكن أنا شوي احتاج مساعدتكن بالأمور التقنية


و إن شا الله يستمر هالحماس يلي كتير حلو ................. يعني هلأ بلشت حس حالي عم ساوي شي مفيد(( خاصة إنو هي الشغلة الوحيدة بالكلية يلي ما فيها بصم  ))


بالتوفيق 

السلام عليكم

السلام عليكم
بجوز تتفاجئو
أنا تراااااااااااااااجعت عن الترجمة
بس ياريت ما تعتبروها ولدنة أو قلة ثقة أو..أو....
بس ترجمت أول أربع خمس أسطر من القسم يللي كنت ناوي أحجزو أنا و وجدي
لقيت حالي فايت بالحيط بكل معنى الكلمة
يعني أنا ما عبحبطكم بالعكس تماما
أنا ناوي ترجم شي مترجم من قبل يعني منشان فيد حالي و أتعلم بركي بشارك بترجمة الشغلات التانية يللي حكى عنها الدكتور بشار بعدين
يعني رح وضح أكتر
الترجمة كترجمة فقط مو كتير صعبة بوجود المترجمات
بس المشكلة الأمانة العلمية يللي أنا ما بعرف شي عنها
بجوز المشكلة بالقسم يللي اخترتو أنا أنو كتير ألو علاقة بالصيدلة غروانيات وما بعرف شو
يعني أنا بجوز شارك بس بعدين لحتا أتدرب لحالي
بقى بعتذر من الكل وخصوصا من وجدي بس أنا اتفقت معو على كل شي

بتمنى تكون الفكرة واضحة بالنسبة لألكون
سلام

السلام عليكم

كيفكون يا صيادلة؟؟؟

خبرونا شو عم بصير معكم بالمشروع!!!

لا........................للأسف فقدنا علما من أعلام المشروع   !!!!!!!!!!!!

بتفهم ظروفك وأنك روحت على حالك ______  مشان الترجمة وبالآخير ______________

=====================================================

لا تقطعونا ............وخبرونا بالأخبار أول بأول..................

أنا الحمد لله ترجمت العنوان وشي 3 أسطر!!!!!!!

بس قرأت بالقسم شوي................. ماشي حاله

=====================================================

حسام.....

أنا حترجم حتى صفحة 2240 لعنوان Automatic Orbital Welding

بصراحة ما كتير عم أفهم بس ماشي الحال

=====================================================


يلا سلام...........

السلام عليكم


كيف الشغل ؟؟؟؟؟؟
يلا بدنا همة   


أنا الحمد لله بلشت و صرت مترجمة أول 12سطر و إن شاء الله كل ما خلص فقرة رح نزلها بقسم الترجمة و التدقيق هون عالمنتدى - هيك التعيمات  -


خبرتني إيلان إنو master بدو يشتر ك معنا بقسمنا على اعتبار إنو بقي لحالو
طبعا ما في مانع
و أنا نزلت الطلب بتعديل حجز القسم في ساحةالتواصل مع المنسقين
و بانتظار الرد


يعني صرنا بقسمنا هلأ أربعة مشاركين ( جينيوس و أنا و إيلان و ماستر )


و أي شي بتحتاجو منحاول نساعد أكيد 



بالتوفيق

وأنا كمان ما كنت أعرف حتى علمتني نسرين 

في فوق مركز رفع الصور والملفات

وارفعي الملف يلي بدك ياه

بعدين هنن بيعطوكي الرابط

وحطي الرابط متل ما هوي بمشاركاتك

ونشالله تكوني فهمتي

أهلاً وسهلاً 

السلام عليكم:
يظهر انو الكل متحمس ....................... 
مالي عرفانة شو بدي ساوي اسفة يمكن قبل الاحد ما اقدر بلش يعني ع الاقل لحتى جيب الموسوعة من شي حدا وانا بعتقد انو ماحدا له قلب يطلع من البيت بالبرد.........           حنان الله يخليكم اذا قررتوا انت او نسرين انكم تنزلو سبت او احد ع الكلية قلولي حتى انزل وشوفكم هونيك .........هي ميمو وعدتني تنزل الاحد بس مابعرف بركي ماتحسن الطقس (لانو اذا تم الطقس هيك اكيد مالح تنزل) والله زعلانة بدي بلش ...........................        

السلام عليكم

طولي بالك genius .............. إن شاء الله ما بصير إلا الخير!!!!!

إن شاء الله السبت بيكون كل شي عندك...

===================================================

يلا يا جماعة..........شدو الهمة................. ما بعرف ليش في غياب؟؟؟؟؟؟؟

ولهلأ ما بعرف شغلة (المنسق) بس خبرونا شو بصير معكم مشان المشرفين !!!!!!