قال لا تشكيلي ببكيلك رح أعمل مقارنة بين قصتك و قصتي وبعدين أنت احكم بنفسك:
أنت درست المادة ب 9 ساعات أنا درست جزء من الميكانيك الهندسي و يلي هو الإطارات ب 12 ساعة
أنت رحلك 25 علامة على شي ما بتعرفو أنا رحلي 25 علامة على شي بعرفو و محترف في حتى صرت حل مسائل الإطارات بالنظر
أنت ما كان ممكن تعرف المعلومة وقت الفحص أنا فات الدكتور على نص القاعة وقال إنو للمسند ردين فعل و أنا ما إنتبهت عليه و حطيت رد فعل واحد
و بالنتيجة تحولت من واحد على اساس حاطط 80 بجيبتو لواحد عم يدور على 60 من هون وهون.
بس بعد ماطلعت من الفحص انسيت الموضوع وحكيت مع رفقاتي و روقت وانبسطت و احتفلت بخلاص الامتحانات  مو لأنو ما عندي احساس بس لأنو ما في داعي ضل دور بحلقة بلا نهاية اسمها الندم
بقى لا تحمل هم ولا تحط على بالك
شفلي هل القصة هلق و صلتني على الإيميل  :


كان في دكتورين جامعة قاعدين عم يشربوا قهوة ... الأول بيقول للثاني :
- امبارح  وأنا عم صحح وراق  الفحص صار معي موقف غريب كتير!!!
- خير انشالله ... شو صار معاك
- تصور صححت ورقة فحص طالب أخذ 74 من 100
- أوووف طالب عندك بيآخذ 74 والله غريبة فعلا
- بس أنا ماسكتت على الموضوع طبعا
- شو عملت ؟
- رجعت صححت الورقة مرة ثانية ... و شددت التصحيح كثير ... نزلت العلامة ل 64 بس
- أووووف ... بعد التشديد وأخذ 64 والله مصيبة
- بس هييييه على مين ... رجعت وصححت مرة ثالثة وشددت كثير كتير ... عصرت العلامات وما نزل تحت ال 52 تصور!!
- طالب عندك  بياخذ بالفحص 52 مستحيل؟
- أنا كمان ما اقتنعت .. قلت لنفسي أفتح شوف  اسم هالطالب الغبي هاد
- ومين طلع هالطالب؟؟؟
- تصور ... طلع سلم التصحيح

العما والله الوضع بأسي الله يجيرنا
إزا كان سلم التصحيح بياخد52 معناتها ألف مبروك شباب بدنا نستنا للسنة الجاية
بس ادعولنا يكونوا الدكاترة اللي عم يصلحو ولاد حلال ويكون مزاجن رايئ كتييييير
بس
سلام..........
   

اقتباس

ومين طلع هالطالب؟؟؟
- تصور ... طلع سلم التصحيح

هههههههههههههههههههههههههههه

يحرق حريشك والله هالدكاترة عليهم حركات فعلا

حلوة

سلااااااااااااااااااااام

كيفكم شباب وصبايا
شوبتتوقعوا ينزلوا علامات يوم الأحد
هاد إزا نزلوا طبعاٌ
بالنسبة إلي بما إنو الدنيا تلج وهاد الشي بيتعلق بالحرارة
بتوقع ينزلوا الفيزياء
سلام............
     

هلق في توقع لهطول زخات متفرقة من العلامات يوم الأحد
ورح يكون الوضع ممطر نتيجة دموع الطلاب مع برد قارص نتيجة الصدمة بالعلامة و هناك احتمال لتساقط بعض الأدعية على رأس الدكتور
بقى حضرو حالكم من هلق للمنخفض الجوي .
((((انا مالي متشائم بس عم إتوقع الأسوء )))

يمكن المادة الجاية هي  ر1 لأنو واضح إنو علامات اللغة كانو  بس جولة تمهيدية مو أكتر

هههههههههههه ملعوبة Mr.Rap
أنا ((بتوقع)) تنزل الفيزياء هلئ مشان تبين الشرشحة على ئصولا ...........
بس ادعولي شباب اني رفعة لأنو هي اكتر مادة أنا أكل هما.......

الله يوفقك MBM وترفعها مع الجميع ان شاء الله بما فيهم انا
وعالاغلب الفيزيا هيا المادة الجاية
بما انها اقدم مادة

وبالتوفيق للجميع

والله ظبطت التوقعات كلها هالمرة
.
.
أنا بتوقع المادة الجاية رح تكون معلوماتية
والله يجيرنا.........

كلها نفس الشي
بس اظن المادة الجاية ثقافة   >> بما انه التصحيح فيها اي شي

بما انو المواد عم تنزل تقريبا بالتسلسل فبتوقع تكون الوصفية على الطريق
والـــــــــــــــــــــــــــــــله أعلم