مرحبا rosea كيفك وين هل الغيبة عن المنتديات أكيد كنت مشغولة بالدراسة مو هيك؟
يلا موفقة و إن شاء الله بترفعي المادة بأحلى معدل
..................................................
شريك عمر sorry تأخرت عليك بس بتعرفني متل الخفافيش ما بفتح المنتدى إلا بنص الليل بعد ما حضر الأرواح.
الكلام يلي قالتو rosea  مزبوط 100% وبالنسبة للمصطلحات الشائعة أنا تأكدت من مصدرين مختلفين إنون للمطالعة .
أما اقتراحك مشان نفتح المحل بكرا بعد ماقدم فحص المعلوماتية بجوابك عليه لأنو هلق وقتي ديق شوي


سلاااام..............  

rosea

شكررا على التاكيد و انشا الله بالتوفيق بالامتحانات

اقتباس

بس بتعرفني متل الخفافيش ما بفتح المنتدى إلا بنص الليل بعد ما حضر الأرواح

يا سيدي مشكور على كل حال و انا متل MtN يعني every where u go  بس الكمالة ما بدكون ياها
احسن ما يقطعولنا الشبكة

سلااااااااااام وموفق باحضار الارواح قصدي بالامتحانات

مرحبا يا شباب ويا صبايا.....كيف الدراسة؟إنشالله منيحة؟
هلأ بالنسبة للي إلتو عن المحذوفات بالمعلوماتية كلو صحيح وخاصة المصطلحات والتعاريف الشائعة
بس في عندي كم سؤال من بعد إذنكم
بمحاضرة وليد العوض:
شومعناة الرمز 12(ألفا)3؟
لما منكتب سكريبتات :إيمتا منحط (سطر فارغ) وإيمتا(quit)؟
وبالنسبة لحل قواعد المعطيات أنا حاسس إنن غلط(عفوا من اللي حلن )حدا حس معي هيك شي؟
لإنو لما قارنتن مع حل أسئلة الدورات اللي حلن الزميل عمر (مشكورا)لإيت الفرق 100000%
ويا ريت يكون الرد سريع لإنو الامتحان بكرا
سلام.............  

مرحبا
مشان قواعد المعطيات أنا يلي حليتون وطبعا الحل مختلف عن أسئلة الدورات بس إنت شو يلي ضمنلك أنو حل الدورات صح؟
تاني شي بمقارنة بسيطة رح تستنتج أنو الحلين متل بعض باستثناء الأسهم يلي أنا مالي حاططون وطبعا هنن مطلوبين .
وأنا هاد الحل ماجبتو من عندي استندت بالحل لمسائل حاللها الدكتور زيدان على موقعو
drzidan.com بتلائيون بقسم التحميل نزيل عالأخير بتلائي قسم أسمو التصميم بمعونة الحاسب أخر شي في مسائل محلولة تطبيع و ERD نزلون وشوف كيف حالل الدكتور بتلائيون نفس الأسلوب (المسائل مو نفسها بس بتشبها)إضافة لهالشي أنا الامسائل مصلحون عند الدكتور زيدان يعني مضمونة 100% ومتل ما ئلتلك الحلين صح بس الأسهم ضرورية وهاد يلي أنا مالي حاطو وحتى الدكتور بمسائلو مو حاططون.بس بأسئلة الدورات بجداول الربط بعلاقة متعدد لمتعدد بعتقد أنو لازم تحط مفتيح رئيسية مع المفتيح الأجنبية.
نشالله تكون وضحت الصورة عندك 

ونشالله الله يوفئنا بكرا ..

باي


   
 

لا تأخزني يا زميلMBM على التشكيك بصحة حلك و طبعا يعطيك العافية
بس أنا أكتر شي خلاني شك هو الأسهم
وانشالله ما تكون ازعلت  بس نحنا هدفنا بالأول و الأخير هو الفائدة
واشالله منتوفأ بكرا ومن رفع هالمادة  
سلام

ولا يهمك بالعكس أنا بشكرك لتوجيه السؤال يعني أنا كنت متوقع حدا يسأل متل هالسؤال بس ما بعرف ليش تأخر يعني الملف حملو كتير ومعظمون مطنشين؟
على كلن نشالله تمرء هالمادة على خير.

مرحبا عمر خلينا نحكي بالشغل بلا معلوماتية بلا شي, اليوم بعد ما قدمت الفحص إقتنعت بفكرتك ورح قلك شو صار معي:
هادا دقيت لشريكنا ملك العفاريت الزرق قام رديت علي الجنية السيرلنكية تبعون قال هو بشهر العسل مع مرتو التاسعة ما استسلمت دقيت لإبنو قلي حل عني مالي فاضيلك ولا مفكر بس إنتو البشر عندكم امتحانات جامعة ونحنا ماعنا .
بقى شريكي عمر بدنا نضطر نأجل فتح المحل لبينما يخلص أو يرجع أبوه من شهر العسل.
بعدين تناقشنا شوي بأسئلة المعلوماتية قلي صدقني ماخطر على بالي هيك أسئلة بالمرة قلتلو مزبوط أسئلة مابتخطر على بال العفاريت الزرق   
.................................................................
و بما إنو ضلت حرقة بقلبي عدم وجود تمرين قواعد بيانات فأنا حطيت واحد متناسب مع مستوى الأسئلة بقى إذا حاسس حالك من الراسبين أو الراسبات الأحياء منهم أو نتيجة الأسئلة أصبحت من الأموات  فخدلي هل التمرين:
يراد إنشاء جدول يحوي أسماء عملاء سريين وكل عميل عنده أكثر من مهمة والمهمة لها أكثر من عميل .
كما يراد معرفة نوع أسلحتهم إذا علمت أن كل نصف عميل معه ربع سلاح وكل سلاح ((ما معو حدا عم يتمشى لحاله على شط البحر)).
ويراد معرفة المعرفة إذا عرفت أن التعرفة 100$ على التنفر الواحد((يعني 100$ عل الراس)).
يطلب مناقشة المسألة في حالة العملاء المخلصيين و في حالة العملاء المزدوجين


سلاااااااممممممم........   

بالنسبة للثقافة بما إنكون ما كنتو تحضرو فبدكم حدا كان يحضر وهاد الحدا هو أنا بلا فخر بقى اسمعوا شو قال :
1.كان الدكتور عم يلخص الكتاب ونحنا كنا عم نسطر وراه فالخطوة الأولى دور على شي حدا يعطيك كتابو لأنو مابيجي غير منهم.
2.الفصل الخامس محذوف ((الأمن القومي العربي))
3.الفصل السابع بيجي عليه 35 علامة ويمكن 40 ولا تستغرب إذا إجى 45
4.هذا الفصل الأول من السنة  يوجد اختياري أما الفصل  الجاية لا يوجد بقى لحقو حالكم  ورفعوها هلفصل
5.هناك سؤال بشي 20 أو 25 علامة من عند الدكتور((خارجي)) مشان تقدرو تحلوه لازم تشوفو الأخبار  إذا كان الواحد فهيم بيحطلو 10 و إذا كان فهيم وحربوق بيحطلوه 20 قال مابدو تكتبو  كتير بس شي 15 سطر ((يا بلاش))
6.بما إنوالعفاريت مشغولة هل اليومين فإنتو فكرتو إني ماعد إتوقع مو هيك, لأ ما حزرتوه شوفولي هل المنام :
هادا أنا كنت قاعد بغابة كلها خضار وعصافير وأنهار و خلافه....
فجأة طلع واحد لابس أبيض بأبيض قلي يا إبني جاية الشفافية أو المساءلة و بعدين بلش يختفي قلتلوه استنى استنى استنى لحظة لحظة لحظة لا تروح لا تروح لا تروح شو نوع مسحوق الغسيل يلي بتستعمله قلي كذا كذا ((طبعا ما رح قول اسمو مشان ما أعمل دعاية))



GET THE MOST TRUSTED INFORMATION FROM Mr.RAP
OH Mr.RAP WE ALL LOVE YOU
THANKS DARLING

مرحبا ياجماعة كيف الحفظ معكون
أول شي شكرا أخ Mr.RAP على المعلومات حول الثقافة 
بس أنا بدي أسأل سؤال ياريت تجاوبوني عليه بالفصل التالت في صفحة 57 في شي ملخصو الدكتور على هالصفحة وفي كمان صفحة 61 فيها شي 
وكمان بدي أتأكد فقرة صفحة 69 فقرة الحقوق والحريات السياسية شرح ولاتعداد ياريت يلي بشوف و(متأكد تمام ) يجاوبني وشكرا كتيييييييير سلفا 
وموفقين انشالله سلامممممممممممم    

مرحبا rosea
الصفحة 57 و الصفحة 61 مافيون شي ملخص
وبالنسبة لفقرة الحقوق والحريات السياسية تعداد بس.
وبدي انصحكون مشانا السؤال الخارجي اذا زاد معكون وقت فوتو عالسريانيوز وحفظو الأخبار المهمة أو عالأقل خدو فكرا عنا مشان تحسنو تجاوبو عالسؤال.
وانشالله نرفع هالمادة بمعدل