ماسة : الماس سيد الأحجار الكريمة على الإطلاق واصلبها يؤثر في جميعها ولا يؤثر فيه جسم ومن أهم خواصه أنه ناعم الملمس تكهرب عند الحك يتفسفر وينبعث منه الضوء وتشقه الأشعة السينية وهناك ماسات شهيرة في التاريخ لكل منها قصة في عالم الجواهر.


هادى
المعنى : الهادى الدليل والهادي فاعل من يهدى فهو هاد وقد سمت العرب العنق الهادى لتقدمه الجسد ويقال فلان هاد حسن الهداية ومن اسمائنا مهدى هداه الله وعرف الطريق ومثله مهتد وليس غير الهدى الا الضلال اما هدايت فهى هداية مصدر هداه يهديه هداية غير ان الاتراك فتحوا تاءها

مرحبا انا اسمي نورشان

اسمي لم أجد له معنى وكتييييير دورت كمان  ,بس بقدر فيدكم بشي انو ماما قاتلي سمتني لانو شافت منام وعلى اساسو كان اسمي هيك 

وتقبلو مروري


تحياتي للجميع     

بشكرك عالموضوع الحلو
أنا إسمي معاذ وهوه جاية من الإعاذة يعني معناه المصون من كل شر وأذى
مع إني عفكرة ما بحب إسمي أبدا




ودمتم

مرحبا اسمي نور 

ومعنى النور الضوء وسطوعه وما يبين الاشياء ويري الأبصارحقيقتها

وذكر طبعا بل  قرآن بسورة النور (الله نور السموات والأرض ) (نورٌ على نور يهدي الله بنوره من يشاء)
والنور اسم من اسماء الله الحسنى      

و بحب اسمي كتيييير 

أنا أسمي حسان

و الاسم جاي من الحسن أي الجمال

على وزن فعال وهي صيغة مبالغة اسم الفاعل

طبعا ماتصدقوا حتى تشوفوا

هههه عم امزح

وعم لطف الجو


ومشكورين عالموضوع الكتييير حلو

اسمي علي

وطبعا
معروف شو معنى علي  من العالي

بس أنا متواضع هه

وطبعا بحب اسمي كتير
لأنه يرتبط اسمي بالشجاعة التي كان يتمتع بها الامام علي كرم الله وجهه


.....................................................
.....................................................
......................................................




علي
رابعة حقوق

هاي ايفري 1
كيفكن انا اسمي مادلين
وطبعا بكل غباء منتشر معنى اسمي بطريقة غلط عالنت بانو معناه حلوى او فاكهة صيفية
هالكلام مو مزبوط
لانو اسمي اصلو عبري إي عبري ما تنصدمو معناه (برج القوة والصلابة العالي ) انا قريت عنو بكتاب وانشا الله رح حاول جيب القصة تبع اسمي بالتفصيل
بكل الاحوال اسمي كتير حلو وانا بحبو

وثانكس الكن

مرحبا........انا بشكر الاخت كتير على هالموضوع الحلو..اما بالنسبة لاسمي فانا ليديا و هو اسم يوناني و يعني المثقفة و المهذبة. تحياتي لجميع الاصدقاء في المنتدى

شكرا على هالموضوع الحلو           
الحقيقة طريقتك ذكية لكشف اسم كل واحد منا       
هلأ أنا مو حابة اكشف اسمي ؟؟؟؟؟؟؟؟؟؟؟؟؟؟؟؟؟؟؟؟  
بقى شو الحل ؟؟؟        
طيب رح قلك معنى اسمي الوهمي :
ياسمين
شوبدي قلك عالياسمين ؟
هوي الشام . دليل الصفاء والنقاء,, هوي أجمل وأطيب شي بالدنيا -يعني من آخرتها أنا بعشق الياسمين-
تصوري حتى مستحيل حط عطر إلا الياسمين 
صرعتك ماهيك ؟؟؟؟      
               
وأحلى سلام من ياسمين الشام

                    بشكرك أختي اية على هالموضوع الرائع
                                      أنا اسمي أنس
وأنس من  الأنس والإستئناس أي الإطمئنان للشيء والإحساس بالراحة اتجاهه
واحب ان اذكر في هذه المناسبة باسم الصحابي الجليل (خادم رسول الله)أنس بن مالك رضي الله عنه ......