رد مشاركة : اسبوعا لكل عضو نعبر فيه عن حبنا....
السلام عليكم
اقتباس
أين تجد نفسك عام 2020 ؟؟
ارى نفسي أحضر لرسالة الدكتوراة
صراحة لم أضع طريق محدد لما أريد الوصول إليه
قد تكون السنة القادمة (غن كتب لنا الله عمراً) هي المحددة للطريق
====================
اقتباس
إذا قيل لك: عرفنا عن الإسلام في جملة واحدة.....ماذا تقول؟
صراحة أخشى أن أقع بمثل ذلك الموقف
الإسلام هو دين التوحيد، ومن مقتضياته الإيمان بكتاب الله ورسله واليوم الآخر والقدر
اقتباس
ماهي الصفات التي ينبغي توافرها - برأيك - لدى شخص ما حتى تقول عنه أنه صديق وفي؟
أن يشعر ويقدر مشاعرك، أن يبدي اهتماماً بما تقول وإن كان لا يستطيع إعانتك
اقتباس
إذا كان شخص ما ظاهره يوحي بالسوء فهل تحكم عليه أنه شخص سيء أم تنتظر حتى تدرسه من الداخل؟
لا يوجد شر مطلق في البشر
حتى الكافرين لديهم الفطرة الإيمانية التوحيدية لكن هي لا تظهر سوى في لحظات الشدة
لكن البيئة تغطي هذه الفطرة السليمة
و بإمكانك إيقاظ هذه الفطرة (لكن كيف؟؟)
اقتباس
هل تؤمن بأن الصراحة جلاء القلوب أم أنها على العكس قد تكسر القلوب؟
النقد بالتأكيد يجرح الإنسان
لكن إن كان ممن تحب فستقدره وستزداد محبتك له
بإمكانك تقديم النصح للغريب لكن بعد مقدمات وأن تستجلب محبته
===================
اقتباس
شو الشروط يلي رح تحطها لزوج
بنتك!
أتمنى أن أكون ثابت على ذلك وألى تغير الحياة من تفكيري
وألا تكون إجابتي مجرد تنظير
إلا أني أضع الخلق الحسن في المقام الأول
لأنها أساس السعادة الزوجية
والله هو الرزاق....وبالتأكيد سيرزقهم الله
=====================
أهلين بالأستاذ
حالياً خلصت مرحلة فرم الكتب
هلأ عم إعملهم شوربة....مشان ينهضمو بسهولة
[[1 - هواياتك واهتماماتك (سؤال دورة).]]
يييييي.....لك ما جبت هي الدورة
بموت بسباق السيارات....خصوصي الرالي....مو تبع سوريا....هادا شغل ولاد صغار....رالي WRC هو الرالي الحقيقي
بحب التمشاية وخصوصاً بالشتي وبهالبرد....وكل ما صار برد كلما بنبسط اكتر
[[2 - أكثر قناة تلفازية تتابعها.]]
حالياً مدري ليش ما عم حب التلفزيون
عموماً ما بتابع شي معين
بتابع مسلسلات أجنبية أحياناً إذا فيها شي طبي متل (doctor HOUSE)
وإذا في شي مسلسل متابعتو العيلة ممكن اتفرج
وكمان قناة ناشونال جيوغرافيك كتير حلوة
[[3 - حلم الطفولة، وسبب شغفك بالصيدلة. ]]
كنت أتمنى صير عالم بمختبرات كبيرة
هالآلات والممصات والأنابيب وحيوانات التجربة
أبي اقترح عليي الصيدلة (بتجيب مصاري كتير)
سألت عن الصيدلة وقالولي أنو فيها كيميا وأحياء كتير فقلت منيح وتوكلت عالله
[[4 - أهم ثلاثة أسباب تدفعك لتغيير صفة الهدوء لديك.]]
أول شي شو عرّفك :)
صراحة مبسوط بهدوئي
وهي شخصيتي ومتعود عليها
ووقت الجد بحكي وما بتفرق معي
[[5 - موقف لم تتمالك فيه نفسك خرجت فيه عن هدوءك. ]]
صراحة حتى وقت بعصب ما بيطلع صوتي
وفي كتير مواقف بأيام المدرسة وبالجامعة
في مرة تخانقت مع شخص وما كان في حدا فشلو خلقي
[[ طريقتك في الدراسة أثناء السنة وقبل الامتحان، وبعض النصائح التي تساعدك على التركيز.]]
أثناء السنة بعتمد عالقراءة السريعة
قبل الفحص بكون وقت البصم
وكل شخص إلو طريقة بالدراسة بتناسبو
عموماً الواحد لازم يلغي الأمور يلي بتشتتو متل التلفزيون والراديو
ممكن يحط سماعات ويسمع شي يحبو
يمكن هالشي لغي عوامل التشويش الخارجية متل عمال عم يحفرو بالشارع
[[ هل تؤثر دراستك للصيدلة على أخذك للدواء ؟ (مع الشرح إن وُجد).]]
بتأثر كتير
ما عاد في كتير خوف من الدوا لأنو صرنا نعرف أنو المضر وكيف نتعامل مع الجرعات
وتعلمنا كيف نحصل عالمعلومات عن أي دوا جديد
[[حدثنا عن تصورك وأفكارك للصيدلية العصرية. ]]
هالشي بدو شرح مطول
الرعاية الصيدلانية هي التوجه الجديد للصيدلة بالعالم
ما عاد الصيدلي متل العطار (خلطات عشبية)
وما عاد مجرد بياع شغلتو بس يصرف الدوا
هلأ لازم يصير في متابعة للمريض (خاصة مرضى السكري والضغط)
الصيدلي صار يحط خطط المعالجة
بتمنى يصير في صيدليات على شكل شركات كبيرة
بتكون متعددة الأقسام (قسم للأدوية بدون وصفة، قسم للأدوية العشبية والمتممات الغذائية، قسم للاستشارات الصيدلانية، وطبعاً قسم لصرف الأدوية بوصفة)
[[ نظرتك المستقبلية لظاهرة الاحتباس الحراري، وأهم الحلول المناسبة برأيك. ]]
كل شي بإيد ربنا
بجوز عالتأثيرات الضارة يلي عم يساويها الإنسان من ضمن الأحداث يلي رح توصّل الأرض لنهايتها المحتومة
المهم نوعي الناس عن هي المخاطر (تقليل استخدام السيارة، المنتجات الضارة بطبقة الأوزون، المعامل)
ونركز عالجيل الجديد
[[في سؤال كل ما شوف صورتك الرمزية بيخطرببالي لا إرادياً (شو رقم السيارة ). ]]
ليكون كان بدك تفوك كلية شرطة المرور :) :)
رقم السيارة : No.1
إذا حابب تشتريه فإلك عرض خاص (10 مليون)
=============
================
اقتباس
* شو هي أكتر لحظة ما بتنساها لحظة سعادة أم لحظة حزن؟؟؟
أكيد لحظة الحزن
لأنو الأسى ما بينتسى
اقتباس
* شو هو احساسك لما ساويت عمرة؟؟؟؟
شعور لا يوصف
الواحد بينسى الدنيا كلها
بيشعر بصفاء بالقلوب
وكل الناس غامرها الكرم والطيبة
وبصير الواحد بيتخيل النبي عليه الصلاة والسلام والصحابة الكرام
وأكثر شي مؤثر رؤية قبر الرسول عليه الصلاة والسلام
بتحدى شوف حدا ما بكي وقت أول مرة شافو
وشعور المرء وهو عم يصلي التراويح بلباس الإحرام قرب الكعبة وبيشعر بجلال الله وعظمته
بتنسى الدنيا وما بتطلب من ربك غير أنو يرحمك ويغفر لك ذنوبك
بتمنى لو فيي اعتمر كل سنة
ونسأل الله أن يكتب لنا جميعاً الحج والعمرة في سبيله
اقتباس
* لمين بتفش قلبك؟؟؟؟
إجابة تقليدية
لإمي
بتضل إجابتها مريحة إلي
ومو ضروري تعطيني إجابة محددة (إذا عم نق عالفحص وأنو دورات ومدري من وين بجيبو الأسئلة)
لكن مجرد إهتمامها ودعاءها بكفيني
اقتباس
* بتفضل تتعامل مع الأشخاص الحركين ولا الهاديين.....
كل واحد شكل
الحرك بفيد إذا بدك تعمل شي مشروع وبدك سرعة بالإنجاز
الهادي بفكر منيح وعمهلو
اسبوعا لكل عضو نعبر فيه عن حبنا....
...)
