رد مشاركة : اسبوعا لكل عضو نعبر فيه عن حبنا....
السلام عليكم ورحمـة الله
رجعنا . .ألكن
اقتباس
ما عم يخطر ببالي اسئلة تقيلة ودسمة نصعقك فيها يلا كيف يا عم انبسط ههههههه
بس عندي كم سؤال خفيفات مو تقال عليك ولتنهي حلقة البحث تبعك وتفضى بتردلنا عليهم حاكم انا اكتر وحدة بقدر غلبة الابحاث والمشاريع و.....
هلأ كل هالإسئلـة وما عم يخطــــــر ببالكن. . . شلون لو كان خاطــر ..؟؟. يا ساتر.
طيب لنشوف ونجاوب.
اقتباس
1_ شو هي الصفة اللي مو حلوة فيك وسيئة جدا وحابب تتخلص منها ؟
هلأ كل منا فيه صفات مو منيحـة . . بس الحمد لله ما وصلت لمرحلة السوء جداً.
بس اذا أردنا ذكر صفة مو منيحـة . . فينا نقول أنو احياناً بعصب بسرعـة. بس بسرعة برجع بهدا.
اقتباس
2_ شو هي الصفة اللي ما بتحبا بالبنت؟
ما فيني حدد صفة واحدة بأني ما بحبا . . يعني هاد السؤال كبير كتير.
ولكن أذا اردنا ان نحدد صفة لا أحبها ببنت بعرفها منيح.. أي أحب صفاتها(ذات أخلاق حميدة).
بس هناك صفـة أظنها مشتركـة لدى جميع البنات. . وهي التسرع بالأحكام. وما بدي قول سوء ظن.
وتبرر هالصفة هي بعاطفتها الزائدة.
اقتباس
3_شو هي الامور اللي بتزعجك ب(البيت_ الجامعة_ المنتدى_الاصدقاء_ ؟؟؟؟؟ _) ؟
البيت: الحمد لله مافي شي بيستاهل انو ينذكر. بس فينا نقول..اذا انطلب مني شي بوقت بكون فيه معجوء .ولازم نفذ هالشي.
الجامعة:الالتزام بالدوام.
المنتدى:ضغط السيرفر.لأنو حفظتها لعبارة .. هناك ضغط بسيط . ..
الاصدقاء:عدم تفهمي.والحشرية ببعض الأمور.
اقتباس
4_ شو هو الشعور اللي بتكرهو بحياتك وما بتحب تستشعر فيه او موجود عندك وحابب تتخلص منو؟
شعور دائم ..الحمد لله مافي. بس أحيانا هناك تصرفات تكون غلط ..يتبعها شعور بالندم .بس ما بدي تفهمو انو بكره الشعور بهاد الشعور. والا لكان على الدنيا السلام وعليي كمان. بس لا يمكن انكار انه مزعج.
يعني بكلمتين. بكره الحالة الي بكون فيها.. وخصوصا ازا ظلمت حدا.
اقتباس
5_ هل في اشخاص تعرفت عليهم بتتمنى لو انك ما تعرفت عليهم ؟
لأ.. بس ممكن أفضل عدم الاختلاط معهم كثيراً.يعني (ممكن نقطعلو كرت)
اقتباس
6_ هل انت من اصحاب كلمة (يا رييييييت _لو)؟
لأ . والحمد لله.
اقتباس
7_ هل انت بتتمنى انو يرجع الزمن للوراء؟ لماذا؟
كمان.. لأ . . لأنو لو رجع الزمن لورا . .ما كان حيتغير شي.
لأنو (رفعت الأقلام وجفت الصحف).
وبنفهم من سؤالك فيما إذا كان أي شي عملتو بحياتي وندمان عليه.
لا يخلو الأمر من بعض التصرفات الي بنتمنى لو ما صارت.
اقتباس
8_ احيانا الواحد بيكون مزعوج من شي طفران بتمنى الموت هل يا ترى انت بتتمنى الموت؟
لأ.. ولا مرة بحياتــي والحمد لله.
اقتباس
طبعا ما عندي شك بصراحتك بس كنوع من التزكير الواقعية والصراحة بالجواب هن احلى شي بالموضوع كلو
مو نتئلبها هلأ مثاليات وبتطلع بالنهاية اجابات للانسان المثالي
.
بس بحب وضح شغلة.. أنو لأي سؤال هناك شقين.. الأول واقعي.. يعني عشناه بهالحياة.
والتاني أفتراضي.. يعني لسا ما عشناه.. وبالتالي هناك شقين من الإجابـة.
السؤال الواقعي . لا مجال فيه للمثاليـة الا اذا طبقت. والإفتراضي . .حيكون غالباً مثالي .بنظر الناس.
وذلك لأنو كل أنسان له طريقة بالتصرف مع أي شي ممكن يواجهه بهالحياة. ولكن كل منا يقول أنه
سيتصرف بطريقة مثالية. وهذا ما نصبو اليه.
فمن هنا.. يمكن الحكم غالبا على نوعية الجواب. بتمنى تكون وضحت الفكرة.
أما بالنسبة لي فبصراحــة أنا جاوبت على كل سؤال حسب أفكاري وتصرفاتي بهالحياة.
ومو ذنبي اذا كانت مثالية او قريبة من المثالية.
وبظن الي بيعرفني بشكل شخصي بيعرف هالشي.
شكرا لكم على هذه الموسوعـة من الاسئلة..
دمتم برعاية الله
اسبوعا لكل عضو نعبر فيه عن حبنا....
